மாவட்ட செய்திகள்

பரங்கிமலை ரெயில் நிலையத்தில் 4-வது தண்டவாளத்தை மாற்றி அமைக்க முடிவு + "||" + Parangimalai Railway Station 4th Railroad Decided to change

பரங்கிமலை ரெயில் நிலையத்தில் 4-வது தண்டவாளத்தை மாற்றி அமைக்க முடிவு

பரங்கிமலை ரெயில் நிலையத்தில் 4-வது தண்டவாளத்தை மாற்றி அமைக்க முடிவு
மின்சார ரெயில் விபத்தில் 5 பேர் பலியான சம்பவத்தை தொடர்ந்து பரங்கிமலை ரெயில் நிலையத்தில் 4-வது தண்டவாளத்தை மாற்றி அமைக்க ரெயில்வே பாதுகாப்பு அதிகாரிகள் முடிவு செய்து உள்ளனர்.
ஆலந்தூர்,

சென்னையை அடுத்த பரங்கிமலை ரெயில் நிலையத்தில், கடந்த மாதம் 24-ந் தேதி சென்னை கடற்கரையில் இருந்து திருமால்பூருக்கு சென்ற மின்சார ரெயில் 4-வது நடைமேடையில் சென்றபோது பக்கவாட்டில் இருந்த தடுப்பு சுவரில் மோதி ரெயில் படிக்கட்டில் தொங்கியபடி பயணம் செய்த பள்ளி, கல்லூரி மாணவர்கள் உள்பட 5 பேர் பரிதாபமாக இறந்தனர். முன்னதாக 23-ந் தேதியும் அதே இடத்தில் நடந்த விபத்தில் 2 பேர் பலியானார்கள்.


இதையடுத்து காஞ்சீபுரம் மாவட்ட கலெக்டர் பா.பொன்னையா, ரெயில்வே கூடுதல் டி.ஜி.பி. சைலேந்திரபாபு, ரெயில்வே பாதுகாப்பு கமிஷனர் மனோகரன் ஆகியோர் விபத்து நடந்த இடத்தில் ஆய்வு செய்தனர்.

அப்போது அங்கிருந்த பொதுமக்கள், பரங்கிமலை ரெயில் நிலைய 4-வது நடைமேடை அருகே உள்ள தடுப்பு சுவரை அகற்றவேண்டும் என கோரிக்கை விடுத்தனர். கடந்த மாதம் 30-ந் தேதி ரெயில்வே பாதுகாப்பு அதிகாரிகள் பொதுமக்களிடம் கருத்துகளை கேட்டறிந்தனர்.

அப்போதும் இதே கோரிக்கையை வலியுறுத்திய பொதுமக்கள், பழவந்தாங்கல் ரெயில் நிலையத்தில் 4-வது நடைமேடை வழியாக தென்மாவட்டங்களுக்கு எக்ஸ்பிரஸ் ரெயில்கள் செல்லும்போது இடையூறாக உள்ள தடுப்பு சுவர்களையும் அகற்றும்படி கோரிக்கை விடுத்தனர்.

இதையடுத்து கடந்த 6-ந் தேதி பழவந்தாங்கல் ரெயில் நிலையத்தில் ஆய்வு மேற்கொண்ட ரெயில்வே பாதுகாப்பு அதிகாரிகள் மற்றும் ரெயில்வே போலீசார், 4-வது நடைமேடையில் இடையூறாக இருந்த தடுப்பு சுவரை சுமார் 30 அடி நீளத்துக்கு இடித்து அகற்றினர்.

ஆனால் 5 பேர் உயிரை பலி வாங்கி பரங்கிமலை ரெயில் நிலையத்தில் 4-வது நடைமேடையில் உள்ள தடுப்பு சுவரை அகற்றுவது சாத்தியம் இல்லை என்பதால், அதற்கு பதிலாக நடைமேடையின் முன்புறம் தண்டவாளம் அருகே உள்ள சுவரை உடைத்து, 4-வது தண்டவாளத்தை சில அடி தூரம் வரை தள்ளி அமைத்தால் இதுபோல் விபத்துகள் ஏற்படுவதை தவிர்க்கலாம் என அதிகாரிகள் முடிவு செய்து உள்ளதாக தெரிகிறது.

இதற்காக 4-வது தண்டவாளத்தில் நடைமேடை ஓரம் உள்ள ஜல்லி கற்கள் அகற்றப்பட்டு நடைமேடையில் கொட்டப்பட்டு உள்ளது. விரைவில் 4-வது தண்டவாளம் மாற்றி அமைக்கப்படும் என ரெயில்வே பாதுகாப்பு அதிகாரிகள் தெரிவித்தனர்.


தொடர்புடைய செய்திகள்

1. சுதந்திர தின விழாவையொட்டி ரெயில் நிலையத்தில் போலீசார் அதிரடி சோதனை
சுதந்திர தின விழாவையொட்டி புதுவை ரெயில் நிலையத்தில் போலீசார் அதிரடி சோதனை நடத்தினர்.
2. காட்பாடி ரெயில் நிலையத்தில் ‘ப்ரீபெய்டு’ ஆட்டோ சேவை தொடங்கியது
வேலூர் மாவட்டத்தில் உள்ள முக்கிய ரெயில் நிலையங்களில் காட்பாடி ரெயில் நிலையமும் ஒன்றாகும். இங்கு, தினமும் ஆயிரக்கணக்கான பயணிகள் வந்து செல்கின்றனர்.
3. ரெயில் நிலையத்தில் இருக்கை வசதி செய்து கொடுக்க வேண்டும்
பட்டுக்கோட்டை ரெயில் நிலைய டிக்கெட் முன்பதிவு செய்யும் இடத்தில் இருக்கை வசதி செய்து கொடுக்க வேண்டும் என்று பயணிகள் கோரிக்கை விடுத்துள்ளனர்.
4. ரெயில் நிலையத்தில் பெண் பயணியிடம் 45 பவுன் நகைகள் திருட்டு
கடற்கரை ரெயில் நிலையத்தில் பெண் பயணியிடம் 45 பவுன் நகைகள் திருட்டு போனது. இதுபற்றி போலீசார் விசாரணை நடத்தி வருகிறார்கள்.
5. திண்டுக்கல் ரெயில் நிலையத்தில் டிக்கெட் கவுண்ட்டர் திடீர் மூடல் பயணிகள் கடும் அவதி
திண்டுக்கல் ரெயில் நிலையத்தில் டிக்கெட் கவுண்ட்டர் திடீரென மூடப்பட்டதோடு, முன்பதிவு நேரம் குறைக்கப்பட்டதால் பயணிகள் கடும் அவதிக்குள்ளாகி இருக்கின்றனர்.

அதிகம் வாசிக்கப்பட்டவை