மாவட்ட செய்திகள்

சான்றிதழ்களை ஆன்லைன் மூலம் பெறும் வசதி அறிமுகம் கலெக்டர் தகவல் + "||" + Introduction to collecting certificates online through collector information

சான்றிதழ்களை ஆன்லைன் மூலம் பெறும் வசதி அறிமுகம் கலெக்டர் தகவல்

சான்றிதழ்களை ஆன்லைன் மூலம் பெறும் வசதி அறிமுகம் கலெக்டர் தகவல்
வருவாய்த்துறை சான்றிதழ் களை ஆன்லைன் மூலம் பெறும் வசதி அறிமுகம் செய்யப்பட்டுள்ளதாக கலெக்டர் டி.ஜி.வினய் தெரிவித்துள்ளார்.
திண்டுக்கல், 


திண்டுக்கல் மாவட்டத்தில் அரசின் சேவைகளை பொதுமக்கள் சிரமமின்றி விரைவாக பெறும்வகையில் மின் மாவட்ட திட்டம் செயல்படுத்தப்பட்டு வருகிறது. வருவாய்த்துறையின் மூலம் வழங்கப்படும் வருமானம், சாதி, இருப்பிடம், முதல் பட்டதாரி சான்றிதழ், கணவரால் கை விடப்பட்டோர் சான்றிதழ், சமூகநலத்துறையின் மூலம் வழங்கப்படும் திருமணநிதி உதவி திட்டங்கள் மற்றும் இணையவழி பட்டா மாறுதல் களும் மின் மாவட்ட திட்டத்தின் மூலம் வழங்கப்படுகிறது.

மேலும், 15 வருவாய்த்துறை சான்றிதழ்களை ஆன்லைன் மூலம் வழங்க நடவடிக்கை எடுக்கப்பட்டுள்ளது. அதன்படி, வாரிசு சான்றிதழ், சிறு, குறு விவசாயிகளுக்கான சான்றிதழ், இதர பிற்படுத்தப்பட்ட வகுப்பினருக்கான சான்றிதழ், சொத்து மதிப்பு, அடகு பிடிப்போர் உரிமம், பணம் கொடுப்போர் உரிமம், பள்ளி கல்வி சான்றிதழ்கள் தொலைந்தமைக்கான சான்றிதழ், ஆண் குழந்தை இன்மை என்பதற்கான சான்றிதழ், விதவை, திருமணமாகாதவர் என்பதற் கான சான்றிதழ், கலப்பு திருமணச் சான்றிதழ், குடும்ப இடப்பெயர்ச்சி சான்றிதழ், வேலையில்லாதவர் என்பதற் கான சான்றிதழ், விவசாய வருமான சான்றிதழ், குடியிருப்புச் சான்றிதழ் ஆகிய சான்றிதழ் களை பெற இணையதளத்தில் விண்ணப்பிக்கும் வசதி அறிமுகம் செய்யப்பட்டுள்ளது.

மேற்கண்ட சான்றிதழ்களை பெறுவதற்கு https :// www.tnesevai.tn.gov.in/citizen / என்ற இணையதள முகவரியில் தங்களுக்கென்று பயனாளர் கணக்கை ஆன்லைன் மூலம் ஏற்படுத்தி கொண்டு தாங்களே நேரடியாக விண்ணப்பிக்கலாம். விண்ணப்பம் ஏற்கப்பட்டு சான்றிதழ் தயாரானதும் குறுஞ்செய்தி (எஸ்.எம்.எஸ்.) அனுப்பப்படும். குறுஞ்செய்தி பெறப்பட்டவுடன் சான்றிதழ்களை பதிவிறக்கம் செய்து கொள்ளலாம்.

UMANG என்னும் ஆன்ராய்டு செயலி மூலமாகவும் பொதுமக்கள் வருமானம், சாதி, இருப்பிட சான்றிதழ் ஆகியவற்றை தங்கள் செல்போன் மூலமாக விண்ணப்பித்து பெறலாம். இதற்கான சேவைக்கட்டணமாக ரூ.60-ஐ இணையதள வங்கி முறை அல்லது கிரெடிட், டெபிட் கார்டுகள் மூலமாக செலுத்தி பயன்பெறலாம்.

இந்த தகவலை மாவட்ட கலெக்டர் டி.ஜி.வினய் அவர் கள் தெரிவித்துள்ளார். 


தொடர்புடைய செய்திகள்

1. ரூ.45 லட்சத்தில் ஆழ்துளை கிணறுகள், பொது சுகாதார வளாகம்
ஒட்டன்சத்திரம் அருகே உள்ள சின்னக்கரட்டுப்பட்டியில் ரூ.45 லட்சம் செலவில் 3 ஆழ்துளை கிணறுகள் மற்றும் பொது சுகாதார வளாகம் கட்டப்பட்டுள்ளது என்று கிராமசபை கூட்டத்தின்போது கலெக்டர் டி.ஜி.வினய் பேசினார்.
2. சுகாதார பணிகளில் ஈடுபட அனைவரும் தாமாக முன்வர வேண்டும்
சுகாதார பணிகளில் ஈடுபட அனைவரும் தாமாக முன்வர வேண்டும் என்று கலெக்டர் டி.ஜி.வினய் வலியுறுத்தி உள்ளார்.
3. தாட்கோ திட்டத்தில் பயன்பெற ஆதிதிராவிடர்கள் விண்ணப்பிக்கலாம்
தாட்கோ திட்டத்தின் கீழ் பயன்பெற ஆதிதிராவிடர்கள் விண்ணப்பிக்கலாம் என்று கலெக்டர் டி.ஜி.வினய் தெரிவித்துள்ளார். திண்டுக்கல் மாவட்ட கலெக்டர் டி.ஜி.வினய் வெளியிட்டுள்ள செய்திக்குறிப்பில் கூறப்பட்டுள்ளதாவது:-
4. போலி நகைகளை அடமானம் வைத்து ரூ.30 லட்சம் மோசடி செய்த வங்கி மேலாளர்
போலி நகைகளை அடமானம் வைத்து, ரூ.30 லட்சம் மோசடி செய்த வங்கி மேலாளர்-நகை மதிப்பீட்டாளர் மீது நடவடிக்கை எடுக்கக்கோரி கலெக்டர் டி.ஜி.வினயிடம் புகார் அளிக்கப்பட்டது.
5. பால் உற்பத்தி சார்ந்த தொழில்களுக்கு ரூ.12 ஆயிரம் கோடி வங்கிக்கடன் வழங்க இலக்கு
பால் பொருட்கள் உற்பத்தி சார்ந்த தொழில்களுக்கு ரூ.12 ஆயிரம் கோடி வங்கிக்கடன் வழங்க இலக்கு நிர்ணயிக்கப்பட்டுள்ளது என்று கலெக்டர் டி.ஜி.வினய் கூறினார்.

அதிகம் வாசிக்கப்பட்டவை