மாவட்ட செய்திகள்

தலைமை ஆசிரியை இடமாற்றம் செய்யப்பட்டதை கண்டித்து மாணவர்கள் மீண்டும் போராட்டம் + "||" + Students are again protesting against the transfer of the chief editor

தலைமை ஆசிரியை இடமாற்றம் செய்யப்பட்டதை கண்டித்து மாணவர்கள் மீண்டும் போராட்டம்

தலைமை ஆசிரியை இடமாற்றம் செய்யப்பட்டதை கண்டித்து மாணவர்கள் மீண்டும் போராட்டம்
வந்தவாசி அருகே பள்ளி தலைமை ஆசிரியை இடமாற்றம் செய்யப்பட்டதை கண்டித்து மாணவர்கள் மீண்டும் போராட்டத்தில் ஈடுபட்டனர்.
வந்தவாசி,

வந்தவாசி அருகே தெள்ளார் ஒன்றியத்தை சேர்ந்த டி.தாங்கல் கிராமத்தில் உள்ள ஊராட்சி தொடக்கப்பள்ளியில் 42 மாணவ - மாணவிகள் படித்து வருகின்றனர். இந்த பள்ளியில் கடந்த 13 ஆண்டுகளாக தலைமை ஆசிரியையாக மனோன்மணி என்பவர் பணியாற்றி வந்தார். இவர், கடந்த 3-ந் தேதி தெள்ளார் அருகே கொண்டையாங்குப்பம் கிராமத்தில் உள்ள தொடக்கப்பள்ளி தலைமை ஆசிரியையாக இடமாற்றம் செய்யப்பட்டார்.


இந்த நிலையில் பள்ளி தலைமை ஆசிரியை மனோன்மணியின் இடமாற்றத்தை கண்டித்தும், அவரை மீண்டும் அதே பள்ளியில் பணியாற்ற உத்தரவு வழங்க வலியுறுத்தியும் கடந்த 6-ந் தேதி பள்ளி மாணவர்களும், அவர்களின் பெற்றோர்களும் தெள்ளார் வட்டார கல்வி அலுவலகத்தை முற்றுகையிட்டு போராட்டம் நடத்தினர்.

அப்போது தெள்ளார் வட்டார கல்வி அலுவலர் ராஜகோபால் பெற்றோர் மற்றும் மாணவர்களிடம் உரிய நடவடிக்கை எடுக்கப்படும் என கூறி சமரசம் செய்தார். அதனை ஏற்று அனைவரும் கலைந்து சென்றனர். ஆனால் அன்று மாணவர்கள் பள்ளிக்கு செல்லாமல் வகுப்புகளை புறக்கணித்தனர். மறுநாள் 7-ந் தேதியும் மாணவர்கள் பள்ளிக்கு செல்லாமல் வகுப்புகளை புறக்கணித்தனர்.

இந்த நிலையில் நேற்று மாணவர்கள் மீண்டும் பள்ளிக்கு செல்லாமல் பள்ளியின் முன்பு அமர்ந்து பள்ளி தலைமை ஆசிரியையின் இடமாற்றத்தை ரத்து செய்ய வலியுறுத்தியும், அந்த பள்ளியில் சுகாதாரமற்ற முறையில் உணவு வழங்கும் சத்துணவு சமையல் உதவியாளர் மீது நடவடிக்கை எடுக்க வலியுறுத்தியும் தர்ணா போராட்டத்தில் ஈடுபட்டனர்.

இதுபற்றி தகவல் அறிந்ததும் தெள்ளார் வட்டார கல்வி அலுவலர் ராஜகோபால், உதவி கல்வி அலுவலர் நேரு ஆகியோர் சம்பவ இடத்துக்கு வந்து மாணவர்களின் பெற்றோர்களை அழைத்து பள்ளி தலைமை ஆசிரியை மருத்துவ விடுப்பில் இருக்கிறார். உங்களது கோரிக்கை குறித்து உயர் அதிகாரிகளுக்கு தகவல் தெரிவிக்கப்பட்டுள்ளது. உரிய நடவடிக்கை எடுக்கப்படும் என உறுதி கூறினர்.

அதைத் தொடர்ந்து மாணவர்கள் அங்கிருந்து கலைந்து சென்று, பகல் 11.30 மணி அளவில் பள்ளிக்கு சென்றனர்.

இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.


தொடர்புடைய செய்திகள்

1. கல்லூரி மாணவருடன் ஓட்டம் பிடித்த ஆசிரியை போலீசில் தஞ்சம் ‘எங்களை பிரித்து விடாதீர்கள்’ என்று கெஞ்சியதால் பரபரப்பு
கணவரை உதறி விட்டு கல்லூரி மாணவருடன் ஓடிய ஆசிரியை போலீசில் தஞ்சம் அடைந்தார். அங்கு ‘எங்களை பிரித்து விடாதீர்கள்‘ என்று போலீசாரிடம் கெஞ்சியதால் பரபரப்பு ஏற்பட்டது.
2. வியாபாரியிடம் மாமூல் கேட்டு மிரட்டல்; போலீஸ்காரர் இடமாற்றம்
சேலத்தில் மாமூல் கேட்டு வியாபாரியை மிரட்டிய போலீஸ்காரர் ஆயுதப்படைக்கு இடமாற்றம் செய்யப்பட்டார். வியாபாரியை மிரட்டும் வீடியோ வாட்ஸ்-அப்பில் வெளியானதால் போலீஸ் கமிஷனர் சங்கர் நடவடிக்கை எடுத்துள்ளார். சேலத்தில் வாட்ஸ்-அப்பில் ஒரு வீடியோ வேகமாக பரவியது. அந்த வீடியோவில் பதிவான காட்சிகள் விவரம் வருமாறு:-
3. 11 ஆண்டுகள் காதலித்து விட்டு திருமணத்திற்கு மறுத்த ஆசிரியை கழுத்தை அறுத்து படுகொலை
11 ஆண்டுகள் காதலித்து விட்டு திருமணத்துக்கு மறுத்த ஆசிரியை கழுத்தை அறுத்து படுகொலை செய்யப்பட்டார். இதையொட்டி பேட்டரி கடை உரிமையாளர் உள்பட 2 பேரை போலீசார் கைது செய்தனர்.
4. வருவாய்த்துறையில் தொடர்ந்து 2 ஆண்டுகளுக்கு மேல் பணியாற்றும் அலுவலர்களை இடமாற்றம் செய்யவேண்டும், அலுவலர்கள் சங்கம் வலியுறுத்தல்
வருவாய்த்துறையில் தொடர்ந்து, 2 ஆண்டுகளுக்குமேல் பணியாற்றும் அனைத்து நிலை அலுவலர்களையும் இடமாற்றம் செய்ய வேண்டும் என்று அலுவலர்கள் சங்கம் கோரிக்கை விடுத்துள்ளது.
5. 15 வயது மாணவனுக்கு பாலியல் தொல்லை கொடுத்த ஆசிரியைக்கு பெண் என்பதால் ஜாமீன் வழங்கப்பட்டது
15 வயது மாணவனுக்கு பாலியல் தொல்லை கொடுத்த ஆசிரியைக்கு பெண் என்ற காரணத்தினால் ஜாமீன் வழங்கப்பட்டுள்ளது.