மாவட்ட செய்திகள்

மாற்றுத்திறனாளிகள் பழைய அட்டையை வழங்கிவிட்டு புதிய அடையாள அட்டை பெற விண்ணப்பிக்க வேண்டும் - அதிகாரி தகவல் + "||" + Disabled persons should apply to the old card and apply for the new Identity Card - Official Information

மாற்றுத்திறனாளிகள் பழைய அட்டையை வழங்கிவிட்டு புதிய அடையாள அட்டை பெற விண்ணப்பிக்க வேண்டும் - அதிகாரி தகவல்

மாற்றுத்திறனாளிகள் பழைய அட்டையை வழங்கிவிட்டு புதிய அடையாள அட்டை பெற விண்ணப்பிக்க வேண்டும் - அதிகாரி தகவல்
மாற்றுத்திறனாளிகள் பழைய அட்டையை திருப்பி வழங்கிவிட்டு புதிய அடையாள அட்டை பெற விண்ணப்பிக்க வேண்டும் என்று மாவட்ட மாற்றுத்திறனாளிகள் நல அலுவலர் சரவணன் கூறினார்.
திருவண்ணாமலை,

திருவண்ணாமலை மாவட்ட மாற்றுத்திறனாளிகள் நல அலுவலராக சரணவன் என்பவர் புதிதாக பொறுப்பேற்று உள்ளார். இவர் மாற்றுத்திறனாளிகளுக்கு உடனடி நலத்திட்ட உதவிகள் கிடைக்கவும், சில மாற்றுத்திறனாளிகள் ஒன்றுக்கும் மேற்பட்ட அடையாள அட்டைகள் வைத்துள்ளதை முறைப்படுத்தவும் பல்வேறு நடவடிக்கைகள் மேற்கொண்டு வருகிறார்.


இதுகுறித்து அவர் கூறியதாவது:-

திருவண்ணாமலை மாவட்டத்தில் 61 ஆயிரத்து 173 பேர் மாற்றுத்திறனாளிகள் அடையாள அட்டை வைத்து உள்ளனர். மாற்றுத்திறனாளிகள் அதிகம் கொண்ட மாவட்டத்தில் திருவண்ணாமலை மாவட்டம் தமிழகத்தில் 2-வது இடத்தில் உள்ளது. முதலிடத்தில் சென்னை உள்ளது. மாற்றுத்திறனாளிகளுக்கு வருவாய்த்துறை மூலமும், மாற்றுத்திறனாளிகள் நலத்துறை மூலமும் உதவித்தொகை வழங்கப்பட்டு வருகிறது.

இதில் மன வளர்ச்சி குன்றிய, மூளை வளர்ச்சி குன்றிய, ஒன்றுக்கும் மேற்பட்ட குறைப்பாடுகள் கொண்டவர்கள் மற்றும் உடலில் 75 சதவீதத்திற்கு மேற்பட்ட பாதிப்புகள் உள்ளவர்களுக்கு மாற்றுத்திறனாளிகள் நலத்துறை மூலம் ரூ.1,500 உதவித்தொகையும், 40 முதல் 60 சதவீதம் வரை பாதிக்கப்பட்டு உள்ள மாற்றுத்திறனாளிகளுக்கு வருவாய்த்துறை மூலம் ரூ.1,000 உதவித்தொகையும் வழங்கப்பட்டு வருகிறது.

40 சதவீதத்திற்கு மேல் ஊனம் உள்ளவர்கள் மருத்துவ பரிசோதனை செய்யும் போது அவர்களுக்கு 1 அல்லது 2 வருடத்தில் பாதிப்புகள் மாத்திரை, மருந்து மூலம் சரி செய்யப்படும் என்று சிலருக்கு டாக்டர்கள் மருத்துவ அறிக்கை வழங்கி வருகின்றனர். டாக்டர்கள் கொடுத்த மருத்துவ அறிக்கையின் படி மாற்றுத்திறனாளிகளுக்கு அடையாள அட்டை வழங்கப்பட்டு வருகிறது.

டாக்டர்கள் கொடுத்த வருடங்கள் முடிந்த பிறகு மீண்டும் மாற்றுத்திறனாளிகள் அடையாள அட்டை பெற விண்ணப்பிக்கின்றனர். அப்போது அவர்கள் பழைய அட்டையை திருப்பி கொடுப்பது இல்லை. இதனால் பெரும்பாலான மாற்றுத்திறனாளிகளுக்கு நலத்திட்ட உதவிகள் கிடைக்காமல் தடைப்படுகிறது. இதனால் மாற்றுத்திறனாளிகளின் எண்ணிக்கை அதிகமாகவும் காணப்படுகிறது.

எனவே, மாற்றுத்திறனாளிகள் அடையாள அட்டைக்கு விண்ணப்பிக்கும் போது கண்டிப்பாக ரேஷன் கார்டு நகல் இணைக்க வேண்டும் என்றும், புதிய அடையாள அட்டைக்கு விண்ணப்பிப்பவர்கள் பழைய அடையாள அட்டையை அலுவலகத்தில் திருப்பி வழங்க வேண்டும் என்றும் அறிவுறுத்தப்பட்டு உள்ளது. இதன் மூலம் மாற்றுத்திறனாளிகளுக்கு அட்டையாள அட்டை வழங்குவது ஒழுங்குப்படுத்த முடியும். இவ்வாறு அவர் கூறினார்.


தொடர்புடைய செய்திகள்

1. மாற்றுத்திறனாளிகளுக்கான ஆசிய விளையாட்டு: தேசிய கொடி ஏந்தி செல்கிறார், மாரியப்பன்
மாற்றுத்திறனாளிகளுக்கான ஆசிய விளையாட்டு போட்டியில், தேசிய கொடியை மாரியப்பன் ஏந்தி செல்கிறார்,
2. மாற்றுத்திறனாளிகளுக்கு ரூ.4 லட்சம் நலத்திட்ட உதவிகள் - கலெக்டர் வழங்கினார்
மக்கள் குறைதீர்வு நாள் கூட்டத்தில் ரூ.4 லட்சம் மதிப்பிலான நலத்திட்ட உதவிகளை கலெக்டர் கந்தசாமி வழங்கினார்.
3. மாற்றுத்திறனாளிகளுக்கு ஏற்படும் அநீதிகளை தடுக்க ரகசிய கண்காணிப்பு குழு - சட்ட விழிப்புணர்வு முகாமில் கோரிக்கை
மாற்றுத்திறனாளிகளுக்கு ஏற்படும் அநீதிகளை தடுக்க ரகசிய கண்காணிப்பு குழு அமைக்க வேண்டும் என்று சட்ட விழிப்புணர்வு முகாமில் மாற்றுத்திறனாளிகள் கோரிக்கை விடுத்துள்ளனர்.
4. கோரிக்கைகளை வலியுறுத்தி மாற்றுத்திறனாளிகள் ஆர்ப்பாட்டம்
மயிலாடுதுறையில், கோரிக்கைகளை வலியுறுத்தி மாற்றுத்திறனாளிகள் ஆர்ப்பாட்டத்தில் ஈடுபட்டனர்.