மாவட்ட செய்திகள்

நீர்வரத்து அதிகரிப்பு காரணமாக 60 அடியை எட்டிய வைகை அணை + "||" + Vaigai Dam, which is 60 feet away due to increase in water supply

நீர்வரத்து அதிகரிப்பு காரணமாக 60 அடியை எட்டிய வைகை அணை

நீர்வரத்து அதிகரிப்பு காரணமாக 60 அடியை எட்டிய வைகை அணை
நீர்ப்பிடிப்பு பகுதிகளில் பெய்த மழை காரணமாக நீர்வரத்து அதிகரித்ததால் 71 அடி உயரம் கொண்ட வைகை அணையின் நீர்மட்டம் 60 அடியை எட்டியுள்ளது. இதனால் விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.
ஆண்டிப்பட்டி, 



தேனி மாவட்டத்தில், 5 ஆண்டுகளுக்கு பின்னர் தென்மேற்கு பருவமழை பரவலாக பெய்து வருகிறது. வைகை அணை மற்றும் பெரியாறு அணையின் நீர்ப்பிடிப்பு பகுதிகளில் கடந்த 2 மாதங்களாக தொடர்ந்து மழை பெய்து வருவதால் அணைகளின் நீர்மட்டம் கணிசமாக உயர்ந்துள்ளது.
வைகை அணையில் இருந்து மதுரை மாநகர குடிநீர் தேவைக்கும், மதுரை மாவட்ட விவசாயத்துக்காகவும் வினாடிக்கு 960 கனஅடி தண்ணீர் திறக்கப்பட்டது. இருப்பினும் நீர்வரத்து இருந்ததால் வைகை அணையின் நீர்மட்டம் சீராக உயர்ந்து வருகிறது.

இந்த நிலையில் வைகை அணையின் நீர்ப்பிடிப்பு பகுதிகளில் பலத்த மழை பெய்து வருகிறது. இதுதவிர முல்லைப்பெரியாறு அணையில் இருந்து கூடுதல் தண்ணீர் திறக்கப்பட்டதாலும் வைகை அணையின் நீர்மட்டம் வேகமாக உயர்ந்து வருகிறது. தற்போது வைகை அணைக்கான நீர்வரத்து வினாடிக்கு 2,465 கனஅடியாக அதிகரித்ததால் 71 அடி உயரம் கொண்ட வைகை அணையின் நீர்மட்டம் நேற்று காலை 59.51 அடியாக உயர்ந்தது.
பிற்பகலில் 60 அடியாக உயர்ந்தது. அணையின் மொத்த நீர் இருப்பு 3,513 மில்லியன் கனஅடியாக இருந்தது. தொடர்ந்து நீர்வரத்து அதிகரித்து காணப்படுவதால் வைகை அணையின் நீர்மட்டம் மேலும் உயரும் என்பதால், விவசாயிகளும், பொதுமக்களும் பெரும் மகிழ்ச்சி அடைந்துள்ளனர்.

வைகை அணை நீர்மட்டம் 60 அடியை எட்டியுள்ளதால் அணையின் பிரதான மதகுகளில் தண்ணீர் கசிய தொடங்கியுள்ளது. இதே நீர்வரத்து தொடரும் பட்சத்தில் விரைவில் வைகை அணை நீர்மட்டம் முழு கொள்ளளவை எட்டும் என்று பொதுப்பணித்துறை அதிகாரிகள் தெரிவித்தனர். 


தொடர்புடைய செய்திகள்

1. தொடர் நீர்வரத்து எதிரொலி: முழு கொள்ளளவை எட்டிய வைகை அணை - உபரி நீர் வெளியேற்றம்
தொடர் மழை காரணமாக வைகை அணை நீர்மட்டம் 68.5 அடியை எட்டியுள்ளது. இதைத்தொடர்ந்து கரையோர மக்களுக்கு 2-வது கட்ட வெள்ள அபாய எச்சரிக்கை விடுக்கப்பட்டது.
2. பாசனத்துக்காக வைகை அணையில் இருந்து தண்ணீர் திறக்க வலியுறுத்தல்
பாசனத்துக்காக வைகை அணையில் இருந்து உடனடியாக தண்ணீர் திறக்க வேண்டும் பூர்வீக வைகை பாசன சங்க விவசாயிகள் வலியுறுத்தி உள்ளனர்.
3. 2–வது முறையாக 60 அடியாக உயர்ந்த வைகை அணை நீர்மட்டம்
தொடர்மழை காரணமாக 2–வது முறையாக வைகை அணையின் நீர்மட்டம் 60 அடியை எட்டியுள்ளதால், விவசாயிகள் மகிழ்ச்சி அடைந்துள்ளனர்.
4. வைகை அணை நீர்மட்டம் 58.5 அடியாக குறைந்தது
வைகை அணையின் நீர்மட்டம் தற்போது 58.5 அடியாக குறைந்துள்ளது.
5. குடிநீர் தேவைக்காக திறந்துவிடப்பட்ட வைகை தண்ணீர் பெரிய கண்மாய் வந்தது
ராமநாதபுரம் மாவட்ட குடிநீர் தேவைக்காக வைகை அணையில் இருந்து திறந்துவிடப்பட்ட தண்ணீர் நேற்று காலை பெரிய கண்மாயை வந்து சேர்ந்தது.