மாவட்ட செய்திகள்

தூத்துக்குடியில் துறைமுக கடற்கரையில் தூய்மை பணி + "||" + Cleaning work on the coast of Thoothukudi port

தூத்துக்குடியில் துறைமுக கடற்கரையில் தூய்மை பணி

தூத்துக்குடியில் துறைமுக கடற்கரையில் தூய்மை பணி
தூத்துக்குடி வ.உ.சி. துறைமுக கடற்கரையில் தூய்மை பணி மற்றும் பிளாஸ்டிக் ஒழிப்பு விழிப்புணர்வு நிகழ்ச்சியை கலெக்டர் சந்தீப் நந்தூரி நேற்று தொடங்கி வைத்தார்.
தூத்துக்குடி, 


தூத்துக்குடி வ.உ.சி கடற்கரையில் ஸ்பிக் நகர் அரிமா சங்கம் சார்பில் மெகா தூய்மை பணிகள் மற்றும் பிளாஸ்டிக் ஒழிப்பு விழிப்புணர்வு நிகழ்ச்சி நேற்று காலை நடந்தது. நிகழ்ச்சிக்கு மாவட்ட கலெக்டர் சந்தீப் நந்தூரி தலைமை தாங்கி தூய்மை பணி மற்றும் பிளாஸ்டிக் ஒழிப்பு விழிப்புணர்வு நிகழ்ச்சியை தொடங்கி வைத்தார். மாநகராட்சி ஆணையாளர் ஆல்பிஜான் வர்க்கீஸ், போலீஸ் சூப்பிரண்டு முரளி ரம்பா ஆகியோர் முன்னிலை வகித்தனர். நிகழ்ச்சியில் கலெக்டர் மற்றும் அலுவலர்கள், கல்லூரி மாணவர்கள் சுமார் 500-க்கும் மேற்பட்டவர்கள் கலந்து கொண்டு கடற்கரையில் சுத்தம் செய்யும் பணியில் ஈடுபட்டனர். பின்னர் கலெக்டர் சந்தீப் நந்தூரி கூறியதாவது:-

முதல்-அமைச்சர் உத்தரவின்பேரில் மறுசுழற்சி செய்ய இயலாத பிளாஸ்டிக் பயன்பாட்டை முற்றிலும் தவிர்க்கும் வகையில் தூத்துக்குடி மாவட்ட நிர்வாகம் சார்பில் பல்வேறு நடவடிக்கைகள் எடுக்கப்பட்டு வருகிறது. இயற்கை வளங்களை பாதுகாக்கவும், வருங்கால சந்ததிகள் எத்தகைய விளைவுகளை சந்திக்க நேரும் என்பதை அறிந்து கொண்டு பிளாஸ்டிக் பயன்படுத்துவதை தவிர்க்க வேண்டும். மாவட்ட நிர்வாகத்தின் சார்பில் பிளாஸ்டிக் ஒழிப்புக்கு பல்வேறு நடவடிக்கை மேற்கொண்டு வந்தாலும், பொதுமக்கள் பிளாஸ்டிக் பயன்படுத்த மாட்டேன் என்ற உறுதியை ஏற்க வேண்டும். மக்கள் தங்களது நண்பர்கள், உறவினர்களிடமும் பிளாஸ்டிக் பயன்படுத்துவதால் ஏற்படும் தீமைகள் குறித்து விழிப்புணர்வு ஏற்படுத்தி சுற்றுச்சூழலை பாதுகாக்க வேண்டும்.

இவ்வாறு அவர் கூறினார்.

நிகழ்ச்சியில் ஸ்பிக் நிறுவன முழுநேர இயக்குனர் ராமகிருஷ்ணன், தலைவர் பாலு, உதவி பொதுமேலாளர் திருச்செந்தில் நாயகம், வ.உ.சி. துறைமுக செயற்பொறியாளர் பாலாஜி ரத்தினம், தேசிய தகவல் மைய மாவட்ட மேலாளர் சீனிவாசன், ஸ்பிக்நகர் அரிமா சங்க தலைவர் சுப்பிரமணியன், செயலாளர் சீனிவாஸ், பொருளாளர் காசி உள்பட பலர் கலந்து கொண்டனர். 


தொடர்புடைய செய்திகள்

1. தூத்துக்குடி கடலில் மாயமானவர்கள்: சிறிய ரக விமானங்கள் மூலம் 19 மீனவர்களை தேடும் பணி தீவிரம் கலெக்டர் சந்தீப்நந்தூரி தகவல்
தூத்துக்குடி கடலில் மீன்பிடிக்க சென்று மாயமான 19 மீனவர்களை கடலோர காவல்படையின் 2 சிறிய ரக விமானம் மூலம் தேடும் பணி தீவிரமாக நடந்து வருகிறது என்று கலெக்டர் சந்தீப் நந்தூரி கூறினார்.
2. “36 இடங்களில் மழை வெள்ள அபாயம்” கலெக்டர் சந்தீப் நந்தூரி தகவல்
தூத்துக்குடி மாவட்டத்தில் 36 இடங்களில் மழை வெள்ள அபாயம் இருப்பது கண்டறியப்பட்டு உள்ளது என கலெக்டர் சந்தீப் நந்தூரி தெரிவித்தார். இதுகுறித்து அவர் நிருபர்களிடம் கூறியதாவது:-
3. தூத்துக்குடி ஸ்டெர்லைட் ஆலையில் உள்ள தாமிரதாது ஒரு வாரத்துக்குள் அகற்றப்படும்
தூத்துக்குடி ஸ்டெர்லைட் ஆலையில் உள்ள தாமிரதாது ஒருவாரத்துக்குள் அகற்றப்படும் என கலெக்டர் சந்தீப் நந்தூரி தெரிவித்தார். இதுகுறித்து அவர் நிருபர்களிடம் கூறியதாவது:-
4. தூய்மையே சேவை விழிப்புணர்வு பிரசாரம் கலெக்டர் தொடங்கி வைத்தார்
தூத்துக்குடியில் தூய்மையே சேவை விழிப்புணர்வு பிரசாரத்தை கலெக்டர் சந்தீப் நந்தூரி நேற்று கொடியசைத்து தொடங்கி வைத்தார்.
5. ஸ்டெர்லைட் ஆலைக்கு ஆதரவாக மனு கொடுக்கும்படி பொதுமக்களை தொந்தரவு செய்கிறார்களா?
ஸ்டெர்லைட் ஆலைக்கு ஆதரவாக மனு கொடுக்கும்படி பொதுமக்களை தொந்தரவு செய்வதாக புகார் வந்தால் கண்டிப்பாக நடவடிக்கை எடுக்கப்படும் என்று கலெக்டர் சந்தீப் நந்தூரி கூறினார்.

அதிகம் வாசிக்கப்பட்டவை