மாவட்ட செய்திகள்

சமையல் செய்த போது பரிதாபம்: சேலையில் தீப்பிடித்து மூதாட்டி சாவு + "||" + Poor when cooking: fire in the sari and kill the murderer

சமையல் செய்த போது பரிதாபம்: சேலையில் தீப்பிடித்து மூதாட்டி சாவு

சமையல் செய்த போது பரிதாபம்: சேலையில் தீப்பிடித்து மூதாட்டி சாவு
குமாரபாளையத்தில் சமையல் செய்த போது சேலையில் தீப்பிடித்து உடல் கருகி மூதாட்டி பரிதாபமாக உயிரிழந்தார்.
குமாரபாளையம்,

நாமக்கல் மாவட்டம் குமாரபாளையம் திருவள்ளுவர் நகரை சேர்ந்த குட்டியப்பன் என்பவரின் மனைவி காமாட்சி (வயது 84). குட்டியப்பன் ஏற்கனவே இறந்து விட்டார். காமாட்சிக்கு ரங்கநாதன் என்ற மகன் உள்ளார். அவர் தறித்தொழிலாளியாக வேலை செய்து வருகிறார். திருமணம் ஆகவில்லை.


இந்த நிலையில் நேற்று முன்தினம் மூதாட்டி காமாட்சி வீட்டில் சமையல் செய்து கொண்டிருந்தார். அப்போது எதிர்பாராதவிதமாக அவருடைய சேலையில் தீப்பிடித்தது.

இதில் தீ மளமளவென மூதாட்டியின் உடல் முழுவதும் பரவியது. உடல் கருகி வலியால் அலறி துடித்த காமாட்சியை அக்கம்பக்கத்தினர் மீட்டு சிகிச்சைக்காக குமாரபாளையம் அரசு ஆஸ்பத்திரிக்கு கொண்டு சென்றனர். அங்கிருந்து அவர் மேல்சிகிச்சைக்காக ஈரோடு அரசு ஆஸ்பத்திரிக்கு கொண்டு செல்லப்பட்டார்.

அங்கு தீவிர சிகிச்சை அளித்தும் பலனின்றி காமாட்சி பரிதாபமாக உயிரிழந்தார். இது குறித்து குமாரபாளையம் போலீசார் வழக்குப்பதிவு செய்து விசாரணை நடத்தி வருகின்றனர். சமையல் செய்த போது சேலையில் தீப்பிடித்து மூதாட்டி உயிரிழந்த சம்பவம் அப்பகுதியில் சோகத்தை ஏற்படுத்தி உள்ளது. 

தொடர்புடைய செய்திகள்

1. மானாமதுரை அருகே 100 நாள் வேலை திட்டத்தில் பனைமரங்கள் தீயில் எரிந்து நாசம்
மானாமதுரை அருகே 100 நாள் வேலைத் திட்டத்தின் போது, ஏற்பட்ட தீயால் பனைமரங்கள் எரிந்து நாசமாயின.
2. தேனி அருகே பரபரப்பு: பா.ஜ.க. நிர்வாகி காருக்கு தீ வைப்பு? - போலீசார் விசாரணை
தேனியில் பா.ஜ.க. நிர்வாகி கார் தீப்பிடித்து எரிந்தது. யாரும் தீ வைத்தார்களா? என்று போலீசார் தீவிர விசாரணை நடத்தி வருகின்றனர். இந்த சம்பவம் குறித்து போலீஸ் தரப்பில் கூறப்பட்டதாவது:-
3. நாகர்கோவிலில் பரபரப்பு: நள்ளிரவில் மோட்டார் சைக்கிள்- 2 ஸ்கூட்டர்கள் தீ வைத்து எரிப்பு - மர்ம நபர்கள் கைவரிசை
நாகர்கோவிலில் நள்ளிரவில் ஒரு மோட்டார் சைக்கிளும், 2 ஸ்கூட்டர்களும் தீ வைத்து எரிக்கப்பட்டன. இந்த சம்பவத்தில் ஈடுபட்ட மர்ம நபர்களை போலீசார் வலைவீசி தேடி வருகிறார்கள்.
4. திருச்சி விமான நிலைய ஓடுபாதை அருகில் தீ புற்கள் பற்றி எரிந்ததால் பரபரப்பு
திருச்சி விமான நிலைய ஓடுபாதை அருகில் புற்கள் மீது பற்றி எரிந்த தீயால் பெரும் பரபரப்பு ஏற்பட்டது.
5. மகாராஷ்டிராவில் மின் கசிவால் ஓடும் பேருந்தில் திடீர் தீ; முற்றிலும் எரிந்து சாம்பலானது
மகாராஷ்டிராவில் ஓடும் பேருந்து ஒன்று மின் கசிவால் திடீரென தீப்பிடித்து எரிந்து சாம்பலானது.