நிவாரண முகாமில் தங்கியுள்ள மக்களுக்கு பிஸ்கட் பாக்கெட்டுகளை வீசியதால் சர்ச்சை பா.ஜனதா கண்டனம்

பெங்களூரு,

குடகு உள்பட சில மாவட்டங்களில் கடும் மழை வெள்ளத்தால் மக்கள் பெரிதும் பாதிக்கப்பட்டுள்ளனர். இந்த நிலையில் ஹாசன் மாவட்டம் அரக்கல்கோடு தாலுகா ராமநாதபுராவில் வெள்ளத்தால் பாதிக்கப்பட்ட மக்களுக்கு மந்திரி எச்.டி.ரேவண்ணா பிஸ்கட் பாக்கெட்டுகளை கையில் எடுத்து வீசி இருக்கிறார். இது கண்டிக்கத்தக்கது ஆகும். ஒரு மந்திரி இவ்வாறு நடந்து கொள்வது சரியல்ல.

முதல்-மந்திரி காரில் பயணம் செய்து மக்களை சேதங்களை ஆய்வு செய்வதற்கு பதிலாக ஹெலிகாப்டரில் பறந்து சென்று பார்வையிடுகிறார். மனிதாபிமான அடிப்படையில் மக்களுக்கு உதவ அரசு நடவடிக்கை எடுக்க வேண்டும். உண்மையான அக்கறையை காட்ட வேண்டும். அதை விட்டுவிட்டு பெயரளவுக்கு ஆய்வு பணிகளை மேற்கொள்வது சரியல்ல. இவ்வாறு அதில் கூறப்பட்டுள்ளது.