சோழவந்தான் அருகே பாசன கால்வாயில் மோட்டார்சைக்கிள் பாய்ந்து சிறுவன் மாயம்: தாய், தந்தையுடன் சென்ற போது சம்பவம்

சோழவந்தான்,

மதுரை மாவட்டம் சோழவந்தான் அருகே உள்ள விக்கிரமங்கலம் மம்முட்டிபட்டியை சேர்ந்தவர் விஜயகுமார் (வயது35). இவருடைய மனைவி சத்யா, மகன் கிருத்திக்ராஜா (4). இவர்கள் 3 பேரும் வைத்தான்பட்டியில் உள்ள உறவினர் வீட்டுக்கு சென்றுவிட்டு நேற்று இரவு மோட்டார்சைக்கிளில் ஊருக்கு திரும்பிக்குகொண்டு இருந்தனர்.

அப்போது பாசன கால்வாய் ஓர சாலையில் வந்துகொண்டு இருந்தபோது திடீரென மோட்டார் சைக்கிள் விஜயகுமாரின் கட்டுப்பாட்டை இழந்து நிலைதடுமாறி பாசன கால்வாயில் பாய்ந்தது. இதில் 3 பேரும் மோட்டார் சைக்கிளுடன் கரைபுரண்டு ஓடும் கால்வாய் தண்ணீரில் மூழ்கி இழுத்துச்செல்லப்பட்டனர்.

இதையடுத்து விஜயகுமாரும், சத்யாவும் கூச்சலிட்டனர். இதையடுத்து அந்த வழியாக சென்றவர்கள் தண்ணீரில் குதித்து 2 பேரையும் காப்பாற்றி கரைக்குகொண்டுவந்தனர். நீரில் இழுத்துச்செல்லப்பட்ட சிறுவனின் கதிஎன்னவென்று தெரியவில்லை. மாயமான அவனை தொடர்ந்து கிராமத்தினர்தேடிவருகின்றனர். மேலும் இதுகுறித்து தகவல் அறிந்த போலீசார், தீயணைப்பு துறையினர் அங்கு சென்று சிறுவனை தேடும்பணியில் ஈடுபட்டு உள்ளனர்.