பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் மத்திய, மேற்கு ரெயில்வே தகவல்

மும்பை,

பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.

தானே - கல்யாண்

மத்திய ரெயில்வேயின் தானே - கல்யாண் இடையே ஸ்லோ வழித்தடத்தில் இன்று (ஞாயிற்றுக்கிழமை) காலை 11 மணி முதல் மாலை 4 மணி வரை பராமரிப்பு பணிகள் நடைபெற உள்ளது. எனவே இன்று காலை 10.47 மணி முதல் பிற்பகல் 3.50 மணி வரை ஸ்லோ ரெயில்கள் அனைத்தும் முல்லுண்டு - கல்யாண் இடையே விரைவு வழித்தடத்தில் இயக்கப்படும்.

எனவே இந்த ரெயில்கள் கல்வா, மும்ரா, கோபர், தாக்குர்லி ஆகிய ரெயில்நிலையங்களில் நிற்காது. பயணிகள் சி.எஸ்.எம்.டி. நோக்கி வரும் ஸ்லோ ரெயில்களில் அங்கு செல்ல முடியும்.

ரெயில்சேவை ரத்து

துறைமுக வழித்தடத்தில் இன்று காலை 11.10 மணி முதல் மாலை 4.40 மணி வரை சி.எஸ்.எம்.டி. - பாந்திரா, சி.எஸ்.எம்.டி. - சுன்னாப்பட்டி இடையே பராமரிப்பு பணிகள் நடைபெறுகிறது. எனவே இன்று காலை 11.34 மணி முதல் மாலை 4.47 மணி வரை சி.எஸ்.எம்.டி.யில் இருந்து வாஷி, பேலாப்பூர் மற்றும் பன்வெலுக்கு ரெயில் சேவை இருக்காது. காலை 9.53 மணி முதல் பிற்பகல் 3.20 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கு ரெயில் சேவை இருக்காது. எனினும் இந்த நேரத்தில் குர்லா - பன்வெல் இடையே சிறப்பு ரெயில்கள் இயக்கப்படும்.

இதேபோல காலை 9.53 மணி முதல் மாலை 4.43 மணி வரை சி.எஸ்.எம்.டி.யில் இருந்து பாந்திரா, அந்தேரி, கோரேகாவிற்கும், காலை 10.45 மணியில் இருந்து மாலை 4.58 மணி வரை கோரேகாவ், அந்தேரி, பாந்திராவில் இருந்து சி.எஸ்.எம்.டி.க்கும் ரெயில்சேவை இருக்காது.

மேற்கு ரெயில்வே

மேற்கு ரெயில்வேயில் இன்று காலை 10.35 மணி முதல் பிற்பகல் 3.35 மணி வரை சாந்தாகுருஸ் - கோரேகாவ் இடையே விரைவு ரெயில் வழித்தடத் தின் இருபாதைகளில் பராமரிப்பு பணிகள் நடைபெறுகிறது. இந்த நேரத்தில் விரைவு ரெயில்கள் அனைத்தும் சாந்தாகுருஸ் - கோரேகாவ் இடையே ஸ்லோ வழித்தடத்தில் இயக்கப்படும்.

இந்த தகவலை மத்திய, மேற்கு ரெயில்வே வெளியிட்டுள்ளது.