மாவட்ட செய்திகள்

விவசாய எந்திர மேம்பாட்டு திட்டத்துக்கு ரூ.7¼ கோடி நிதி கலெக்டர் தகவல் + "||" + Agricultural For Machining Development Project Rs.7 crore Financial Collector Information

விவசாய எந்திர மேம்பாட்டு திட்டத்துக்கு ரூ.7¼ கோடி நிதி கலெக்டர் தகவல்

விவசாய எந்திர மேம்பாட்டு திட்டத்துக்கு ரூ.7¼ கோடி நிதி கலெக்டர் தகவல்
காஞ்சீபுரம் மாவட்டத்தில் மானிய விலை வேளாண் கருவிகள் வழங்குதல், வாடகை மையம் உள்ளிட்ட விவசாய எந்திரமயமாக்கும் மேம்பாட்டு திட்டத்திற்கு ரூ.7¼ கோடி நிதி ஒதுக்கீடு செய்யப்பட்டுள்ளது என்று கலெக்டர் பா.பொன்னையா தெரிவித்தார்.
காஞ்சீபுரம்,

இதுகுறித்து அவர் வெளியிட்டுள்ள செய்திகுறிப்பில் கூறியிருப்பதாவது:-
விவசாயத்தை மேம்படுத்தும் வகையில் வேளாண்மை பொறியியல் துறையின் வேளாண் எந்திரமயமாக்கும் திட்டத்தின் கீழ் 2018-19 ஆம் நிதி ஆண்டில் மானிய விலையில் வேளாண் எந்திரங்கள், கருவிகள் வழங்குதல் மற்றும் வேளாண்மை எந்திரங்கள், கருவிகள் வாடகைக்கு வழங்கும் மையம் அமைத்தல் திட்டத்துக்காக காஞ்சீபுரம் மாவட்டத்திற்கு ரூ.7¼ கோடி செலவில் செயல்படுத்தப்பட உள்ளது.


இத்திட்டத்தில் டிராக்டர்கள், நெல் நடவு எந்திரம், வைக்கோல் கட்டும் கருவி, கதிர் அறுக்கும் எந்திரம், விதைக்கும் கருவி, டிராக்டரால் இயங்கும் துகளாக்கும் கருவி மற்றும் மனித சக்தியால் இயக்கப்படும் கருவிகள் முதலான வேளாண் எந்திரங்களையும், கருவிகளையும் விவசாயிகள் மானிய உதவியுடன் வாங்கி பயன்பெறலாம்.

அதிக விலையுள்ள வேளாண் எந்திரங்களை விவசாயிகள் குறைந்த வாடகையில் பெற்றிட விவசாயிகள், விவசாயக் குழுக்கள் அல்லது தொழில் முனைவோர் ஆகியோரால் அமைக்கப்படும் ரூ.25 லட்சம் மதிப்புடைய வேளாண் எந்திரங்கள் உள்ள வட்டார அளவிலான வாடகை மையங்களுக்கு அதிகபட்சமாக ரூ.10 லட்சம் வரை மானியம் வழங்கப்படும்.

வேளாண் எந்திரமயமாக்கும் திட்டத்தில் விவசாய கருவிகள் வாங்கிக் கொள்ள நடப்பாண்டில் ரூ.2 கோடியே 62 லட்சத்து 56 ஆயிரமும், வாடகை மையங்கள் அமைக்க ரூ.4 கோடியே 60 லட்சமும் ஒதுக்கீடு செய்யப்பட்டுள்ளது.

மானிய விலையில் கருவிகள் மற்றும் எந்திரங்கள் பெற விரும்பும் விவசாயிகள் உடனடியாக உழவன் செயலியில் பதிவு செய்து பயன்பெறுமாறு கேட்டுக் கொள்ளப்படுகிறார்கள்.

மேற்கொண்டு விவரங்கள் அறிய செயற்பொறியாளர், வேளாண்மை பொறியியல் துறை, காஞ்சீபுரம் (நந்தனம் இருப்பு) மற்றும் உதவி செயற்பொறியாளர், வேளாண்மை பொறியியல் துறை, காஞ்சீபுரம், நந்தனம், மதுராந்தகம் அலுவலகங்களில் அணுகலாம் அல்லது மத்திய அரசின் இணையத்தளம் மூலம் தெரிந்து கொள்ளலாம். இவ்வாறு அதில் தெரிவிக்கப்பட்டுள்ளது.


தொடர்புடைய செய்திகள்

1. மணல் குவாரி அமைப்பதை கைவிடாவிட்டால் முதல்-அமைச்சர் வீடு முற்றுகை விவசாய சங்கத்தினர் எச்சரிக்கை
மணல் குவாரி அமைப்பதை கைவிடாவிட்டால் முதல்- அமைச்சர் எடப்பாடி பழனிசாமி வீட்டை முற்றுகையிட்டு போராட்டம் நடத்தப்படும் என்று விவசாய சங்கத்தினர் எச்சரிக்கை விடுத்துள்ளனர்.
2. மெலட்டூர் அருகே வயல்களில் தாழ்வாக செல்லும் மின்கம்பி விவசாய பணிகள் பாதிப்பு
மெலட்டூர் அருகே வயல்களில் மின்கம்பி தாழ்வாக செல்வதால் விவசாய பணிகள் பாதிக்கப்பட்டுள்ளன.
3. விவசாய தொழிலாளர்களுக்கு கருணை தொகை கோரி ஆர்ப்பாட்டம்
விவசாய தொழிலாளர்களுக்கு கருணை தொகை வழங்க வலியுறுத்தி ஆர்ப்பாட்டம் நடைபெற்றது.
4. விவசாய தொழிலாளர் சங்கத்தினர் ஆர்ப்பாட்டம்
திருவள்ளூரில் உள்ள எம்.ஜி.ஆர். சிலை அருகே நேற்று தமிழ் மாநில விவசாய தொழிலாளர் சங்கம் சார்பில் 6 அம்ச கோரிக்கைகளை வலியுறுத்தி கண்டன ஆர்ப்பாட்டம் நடைபெற்றது.
5. தேசிய, கூட்டுறவு வங்கிகளில் உள்ள விவசாய கடன்களை முழுமையாக தள்ளுபடி செய்ய வேண்டும்
தேசிய கூட்டுறவு வங்கிகளில் உள்ள விவசாய கடன்களை முழுமையாக தள்ளுபடி செய்ய வேண்டும் என்று தமிழக விவசாயிகள் சங்க பொதுக்கூட்டத்தில் தீர்மானம் நிறைவேற்றப்பட்டது.