மாவட்ட செய்திகள்

திருச்சியில் பெண் காவலர் பணிக்கான உடற் தகுதி தேர்வு 784 பேர் பங்கேற்பு + "||" + 784 participants in Physical Examination for female policemen in Trichy

திருச்சியில் பெண் காவலர் பணிக்கான உடற் தகுதி தேர்வு 784 பேர் பங்கேற்பு

திருச்சியில் பெண் காவலர் பணிக்கான உடற் தகுதி தேர்வு 784 பேர் பங்கேற்பு
திருச்சியில் நடந்த பெண் காவலர் பணிக்கான உடற் தகுதி தேர்வில் 784 பேர் பங்கேற்றனர்.
திருச்சி,

தமிழ்நாடு சீருடை பணியாளர் தேர்வு வாரியம் மூலம் தமிழகம் முழுவதும் 2-ம் நிலை (ஆண், பெண்) காவலர், சிறை வார்டன், தீயணைப்பாளர் ஆகிய பணியிடங்களுக்கான எழுத்துத்தேர்வு கடந்த மார்ச் மாதம் 11-ந் தேதி நடந்தது. இதில் தேர்ச்சி பெற்றவர்களுக்கு 2-ம் கட்டமாக உடற்கூறு அளத்தல் மற்றும் உடற் தகுதி தேர்வு திருச்சி சுப்பிரமணியபுரம் ஆயுதப்படை மைதானத்தில் கடந்த 3-ந் தேதி முதல் நடைபெற்று வருகிறது.

இந்த தேர்வில் திருச்சி, கரூர், பெரம்பலூர், அரியலூர், புதுக்கோட்டை ஆகிய 5 மாவட்டங்களை சேர்ந்த ஆண்கள் மற்றும் பெண்கள் பங்கேற்று வருகிறார்கள். 2 நாட்கள் ஆண்களுக்கு நடந்த உடற் தகுதி தேர்வில் 1,140 பேர் தகுதி பெற்றனர்.

நேற்று பெண்களுக்கான உடற்கூறு அளத்தல்(உயரம் மற்றும் எடை) மற்றும் 400 மீட்டர் ஓட்டம் ஆகியவை நடத்தப்பட்டது. 400 மீட்டர் ஓட்டத்தை 2 நிமிடம் 30 வினாடிகளுக்குள் ஓடி முடிக்க வேண்டும். இதில் 784 பேர் கலந்து கொண்டனர். தேர்வில் தேர்ச்சி பெறும் பெண்களுக்கு அடுத்தக்கட்டமாக 8-ந் தேதி உடற்திறன் தேர்வு நடக்கிறது.

ஆண்களுக்கு 10-ந் தேதி உடற்திறன் தேர்வு நடக்கிறது. அதன்பிறகு அசல் சான்றிதழ் சரிபார்ப்பு பணி நடைபெறும். உடற் தகுதி தேர்வினை மாநகர போலீஸ் கமிஷனர் அமல்ராஜ், டி.ஐ.ஜி.லலிதாலெட்சுமி, மாவட்ட போலீஸ் சூப்பிரண்டு ஜியாவுல்ஹக் ஆகியோர் ஆய்வு செய்தனர்.


தொடர்புடைய செய்திகள்

1. தமிழ்வழியில் தேர்வு எழுத அனுமதிக்கக்கோரி கல்லூரி மாணவர்கள் வகுப்பு புறக்கணிப்பு
தமிழ்வழியில் தேர்வு எழுத அனுமதிக்கக் கோரி ஆரல்வாய்மொழியில் கல்லூரி மாணவர்கள் வகுப்புகளை புறக்கணித்து போராட்டம் நடத்தினர்.
2. விருதுக்கு தேர்வு செய்யப்பட்டவர்கள் ஆசிரியர் தின விழாவில் பங்கேற்க சென்னை பயணம்
தமிழ் வழியில் பயின்று கல்வி மற்றும் தனித்திறன்களில் சிறந்து விளங்கும் மாணவர்களுக்கு காமராஜர் விருது ஆசிரியர் தினத்தில் வழங்கப்பட உள்ளதாக தமிழக அரசு அறிவித்தது.
3. தஞ்சையில் 2–ம் நிலை போலீஸ்காரருக்கான உடற்தகுதி தேர்வு 592 பேர் பங்கேற்பு
தஞ்சையில் 2–ம் நிலை போலீஸ்காரருக்கான உடற்தகுதி தேர்வில் 592 பேர் பங்கேற்றனர்.
4. காவலர் பணிக்கான உடல் தகுதி தேர்வு திருச்சியில் 1,000 பேர் பங்கேற்பு
திருச்சியில் காவலர் பணிக்கு நடந்த உடல் தகுதி தேர்வில் 1,000 பேர் பங்கேற்றனர்.
5. வங்கி அதிகாரி பணிக்கான எழுத்து தேர்வு: சிவந்தி அகாடமி பயிற்சி வகுப்புகளை நடத்துகிறது
ஐ.பி.பி.எஸ். நடத்தும் வங்கி அதிகாரி பணிக்கான எழுத்து தேர்வை சிறப்பாக எழுத உதவும் வகையில் திருச்செந்தூர் சிவந்தி அகாடமி பயிற்சி வகுப்புகளை நடத்துகிறது.