மாவட்ட செய்திகள்

ரூ.10 ஆயிரம் லஞ்சம் வாங்கிய நில அளவையர் கைது + "||" + Accepting a bribe of Rs 10 lakh Arrested surveyor

ரூ.10 ஆயிரம் லஞ்சம் வாங்கிய நில அளவையர் கைது

ரூ.10 ஆயிரம் லஞ்சம் வாங்கிய நில அளவையர் கைது
வாழப்பாடியில் ரூ.10 ஆயிரம் லஞ்சம் வாங்கிய நில அளவையரை லஞ்ச ஒழிப்பு போலீசார் கைது செய்தனர்.
வாழப்பாடி, 


சேலம் மாவட்டம் வாழப்பாடி கணபதி நகரை சேர்ந்தவர் இந்திராணி (வயது 40). இவர் கடந்த 2006-ம் ஆண்டு மற்றும் 2013-ம் ஆண்டுகளில் நிலம் வாங்கி இருந்தார். அந்த நிலங்களை அளவீடு செய்து பட்டா வழங்க கோரி இ-சேவை மையத்தில் ஆன்லைனில் விண்ணப்பித்து இருந்தார். இந்த விண்ணப்பத்தை பார்த்த வாழப்பாடி நில அளவையர் சவுந்தரராஜன் (30) என்பவர், இந்திராணியை அழைத்தார். அவரிடம் உரிய ஆவணங்களை பார்வையிட்டு ஆய்வு செய்த, நில அளவையர் சவுந்தரராஜன், நிலத்தை அளவீடு செய்து பட்டா வழங்க ரூ.20 ஆயிரம் லஞ்சம் தர வேண்டும் என்று கேட்டார். அதற்கு இந்திராணி அவ்வளவு தொகை தர இயலாது என்று தெரிவித்தார். பின்னர் ரூ.15 ஆயிரம் தருவதாக தெரிவித்தார்.

எனினும் லஞ்சம் கொடுக்க விருப்பம் இல்லாத இந்திராணி, இது குறித்து சேலம் லஞ்ச ஒழிப்பு போலீசில் புகார் கொடுத்தார். இதன் பேரில் கூடுதல் சூப்பிரண்டு சந்திரமவுலி தலைமையில் துணை சூப்பிரண்டு சபரிராஜன், இன்ஸ்பெக்டர் தங்கமணி மற்றும் போலீசார் இந்திராணியிடம் ரசாயன பவுடர் தடவிய ரூ.10 ஆயிரத்தை கொடுத்து அனுப்பினர்.

வாழப்பாடி பஸ்நிலையம் எதிரே உள்ள பூக்கடை சந்துக்குள் இந்திராணி, நிலஅளவையர் சவுந்திரராஜனிடம் ரூ.10 ஆயிரத்தை கொடுத்தார். அப்போது அங்கு மறைந்து இருந்த லஞ்ச ஒழிப்பு போலீசார் கையும், களவுமாக சவுந்திரராஜனை பிடித்து கைது செய்தனர். தொடர்ந்து அவரை வாழப்பாடி தாலுகா அலுவலகத்துக்கு கொண்டு சென்று விசாரணை நடத்தினார்கள். இந்த சம்பவம் வாழப்பாடியில் பரபரப்பை ஏற்படுத்தியது. 


தொடர்புடைய செய்திகள்

1. மாநாட்டிற்கு ரூ.50 ஆயிரம் நிதி தருமாறு டெக்ஸ்டைல் அதிபருக்கு மிரட்டல் விடுதலை சிறுத்தைகள் கட்சி பிரமுகர் கைது
மாநாட்டிற்கு ரூ.50 ஆயிரம் நிதி தருமாறு கரூர் டெக்ஸ்டைல் அதிபரை மிரட்டிய விடுதலை சிறுத்தைகள் கட்சி பிரமுகரை போலீசார் கைது செய்தனர்.
2. 3 பெண்களிடம் நகை பறித்த வழிப்பறி கொள்ளையன் கைது
3 பெண்களிடம் நகை பறித்த வழிப்பறி கொள்ளையனை போலீசார் கைது செய்து 18 பவுன் நகையை மீட்டார்கள்.
3. ஓசூர் காதல் தம்பதி ஆணவ கொலை வழக்கில் பெரியப்பா உள்பட மேலும் 3 பேர் கைது
ஓசூர் காதல் தம்பதி ஆணவ கொலை வழக்கில் பெண்ணின் பெரியப்பா உள்பட மேலும் 3 பேரை கர்நாடக போலீசார் நேற்று இரவு கைது செய்தனர்.
4. காஞ்சீபுரம் அருகே 3 வழிப்பறி கொள்ளையர்கள் கைது; கடத்த முயன்ற லாரி பறிமுதல்
காஞ்சீபுரம் அருகே 3 வழிப்பறி கொள்ளையர்கள் கைது செய்யப்பட்டனர். அவர்கள் கடத்த முயன்ற சிமெண்டு மூட்டைகளுடன் கூடிய லாரியையும் போலீசார் பறிமுதல் செய்தனர்.
5. பல்வேறு கொள்ளை சம்பவங்களில் ஈடுபட்ட இலங்கை அகதிகள் 2 பேர் கைது
பல்வேறு கொள்ளை சம்பவங்களில் ஈடுபட்ட இலங்கை அகதிகள் 2 பேரை போலீசார் கைது செய்தனர். மேலும் அவர்களிடம் இருந்து 20 பவுன் நகையையும் மீட்டனர்.