மாவட்ட செய்திகள்

தூத்துக்குடியில் கடைகள் அடைப்பு-மீனவர்கள் கடலுக்கு செல்லவில்லை + "||" + Tuticorin shops blocked the sea-fishermen

தூத்துக்குடியில் கடைகள் அடைப்பு-மீனவர்கள் கடலுக்கு செல்லவில்லை

தூத்துக்குடியில் கடைகள் அடைப்பு-மீனவர்கள் கடலுக்கு செல்லவில்லை
முழு அடைப்பு போராட்டத்திற்கு ஆதரவு தெரிவித்து தூத்துக்குடியில் நேற்று கடைகள் அடைக்கப்பட்டு இருந்தன. மீனவர்கள் கடலுக்கு செல்லவில்லை. மறியலில் ஈடுபட்ட கம்யூனிஸ்டு கட்சியினர் கைது செய்யப்பட்டனர்.
தூத்துக்குடி, 

பெட்ரோல், டீசல் விலை உயர்வை கண்டித்து காங்கிரஸ் கட்சி சார்பில் நாடு தழுவிய முழு அடைப்பு போராட்டம் அறிவிக்கப்பட்டது. இந்த போராட்டத்துக்கு பெரும்பாலான எதிர்க்கட்சிகள் ஆதரவு தெரிவித்தன. அதன்படி நேற்று முழு அடைப்பு போராட்டம் நடந்தது. தூத்துக்குடி மாவட்டத்திலும் முழு அடைப்பு போராட்டம் நடந்தது.

இதில் தூத்துக்குடி, ஆத்தூர் உள்ளிட்ட பகுதிகளில் கடைகள் அடைக்கப்பட்டு இருந்தன. மாவட்டம் முழுவதும் சுமார் 5 ஆயிரம் கடைகள் அடைக்கப்பட்டு இருந்தன. தூத்துக்குடியில் விசைப்படகு உரிமையாளர்கள் நேற்று வேலை நிறுத்தத்தில் ஈடுபட்டனர். மீனவர்கள் கடலுக்கு செல்லவில்லை. இதனால் விசைப்படகுகள் அனைத்தும் மீன்பிடி துறைமுகத்தில் நிறுத்தி வைக்கப்பட்டு இருந்தன. வெளியூர்களில் இருந்து தூத்துக்குடிக்கு வழக்கமாக வருகிற பார்சல் சர்வீஸ் லாரிகள் இயங்கவில்லை. அதே நேரத்தில் தூத்துக்குடி வ.உ.சி. துறைமுகத்தில் இருந்து வழக்கம் போல் லாரிகளில் சரக்கு ஏற்றி செல்லப்பட்டன.

தூத்துக்குடி பழைய பஸ் நிலையம் முன்பு மார்க்சிஸ்ட் கம்யூனிஸ்டு கட்சி சார்பில் சாலை மறியல் போராட்டம் நடந்தது.

மார்க்சிஸ்ட் கம்யூனிஸ்டு மாவட்ட செயலாளர் அர்ச்சுணன் தலைமை தாங்கினார். சி.ஐ.டி.யு. மாநில செயலாளர் ரசல், மார்க்சிஸ்ட் கம்யூனிஸ்டு புறநகர் செயலாளர் பேச்சிமுத்து, ஒன்றிய செயலாளர் சங்கரன், இந்திய கம்யூனிஸ்டு மாநகர செயலாளர் ஞானசேகரன், சுப்பிரமணியன், சேகர் உள்ளிட்டோர் மறியலில் ஈடுபட்டனர்.

இதனால் அந்த பகுதியில் போக்குவரத்து பாதிக்கப்பட்டது. இதைத்தொடர்ந்து பாதுகாப்பு பணியில் இருந்த போலீசார் மறியலில் ஈடுபட்ட 9 பெண்கள் உள்பட 55 பேரை கைது செய்தனர். 

தொடர்புடைய செய்திகள்

1. திருவண்ணாமலையில் நிதி நிறுவனம் நடத்தி ரூ.3 கோடி மோசடி செய்த வழக்கில் தம்பதி உள்பட 3 பேர் கைது பணம்கட்டி ஏமாந்தவர்கள் புகார் கொடுக்கலாம்
திருவண்ணாமலையில் நிதி நிறுவனம் நடத்தி ரூ.3 கோடி மோசடி செய்துவிட்டு தலைமறைவான தம்பதி உள்பட 3 பேரை போலீசார் கைது செய்துள்ளனர். அவர்களிடம் பணம்கட்டி ஏமாந்தவர்கள் புகார் அளிக்கலாம் என போலீசார் தெரிவித்துள்ளனர்.
2. வழிப்பறியில் ஈடுபட்ட வாலிபர் குண்டர் தடுப்பு சட்டத்தில் கைது
கோவையில் வழிப்பறியில் ஈடுபட்ட வாலிபர் குண்டர் தடுப்பு சட்டத்தில் கைது செய்யப்பட்டார்.
3. மத்திய அரசுக்கு இணையாக ஊதியம் வழங்கக்கோரி அரசாணை நகலை எரித்து ஆசிரியர் கூட்டணி போராட்டம் 155 பேர் கைது
7–வது மற்றும் 8–வது ஊதியக்குழு அரசாணை நகலை எரித்து ஆரம்பப்பள்ளி ஆசிரியர் கூட்டணியினர் நடத்திய போராட்டத்தில் 155 பேரை போலீசார் கைது செய்தனர்.
4. 20 ஆண்டுகளாக தலைமறைவாக இருந்த முக்கிய குற்றவாளி கைது
கோவையில் நடந்த தொடர் குண்டுவெடிப்பு வழக்கில் 20 ஆண்டுகளாக தலைமறைவாக இருந்த முக்கிய குற்றவாளி கைது செய்யப்பட்டார். அவர் கத்தார் நாட்டில் இருந்து விமானம் மூலம் சென்னை வந்தபோது சிக்கினார்.
5. செல்போன் திருடர்கள் 4 பேர் கைது
புனேயில் செல்போன் திருடர்கள் 4 பேர் கைது செய்யப்பட்டனர்.