மாவட்ட செய்திகள்

பெட்ரோல் விலை உயர்வை கண்டித்து முழு அடைப்பு: பஸ்-ஆட்டோக்கள் ஓடின + "||" + Full shutters: Bus-autos run on petrol price hike

பெட்ரோல் விலை உயர்வை கண்டித்து முழு அடைப்பு: பஸ்-ஆட்டோக்கள் ஓடின

பெட்ரோல் விலை உயர்வை கண்டித்து முழு அடைப்பு: பஸ்-ஆட்டோக்கள் ஓடின
பெட்ரோல் விலை உயர்வை கண்டித்து நடந்த முழு அடைப்பு போராட்டம் காரணமாக நெல்லை மாவட்டத்தில் இயல்பு வாழ்க்கையில் பாதிப்பு ஏற்படவில்லை. பஸ்-ஆட்டோக்கள் வழக்கம்போல் ஓடின. பெரும்பாலான கடைகள் திறந்து இருந்தன.
நெல்லை, 

பெட்ரோல்-டீசல் விலை உயர்வை கண்டித்தும், மத்திய அரசின் தவறான பொருளாதார கொள்கையை கண்டித்தும் நாடு முழுவதும் அகில இந்திய காங்கிரஸ் கட்சி சார்பில் நேற்று முழு அடைப்பு போராட்டம் நடத்தப்பட்டது.
இந்த போராட்டத்துக்கு தமிழகத்தில் தி.மு.க., ம.தி.மு.க., மார்க்சிஸ்ட் கம்யூனிஸ்டு கட்சி, இந்திய கம்யூனிஸ்டு கட்சி, விடுதலை சிறுத்தைகள், மனித நேய மக்கள் கட்சி, த.மா.கா., உள்ளிட்ட பல்வேறு கட்சிகள் ஆதரவு தெரிவித்தன.

ஆனால், நெல்லை மாவட்டத்தில் இந்த போராட்டத்தால் பாதிப்பு ஏற்படவில்லை. நெல்லை, தென்காசி, பாவூர்சத்திரம், ஆலங்குளம், அம்பை, சங்கரன்கோவில், ராதாபுரம் உள்பட மாவட்டம் முழுவதும் பஸ்கள் இயக்கப்பட்டன. கார்கள், ஆட்டோக்கள் வழக்கம் போல் ஓடின.

நெல்லை டவுன் நயினார்குளம் மார்க்கெட், நெல்லை டவுன் மார்க்கெட், பாளையங்கோட்டை மார்க்கெட் ஆகியவைகள் வழக்கம் போல் செயல்பட்டன. பொதுமக்கள் கூட்டமும் வழக்கம் போல் இருந்தது. பள்ளி, கல்லூரிகளும் வழக்கம் போல் செயல்பட்டன. காய்கறி ஏற்றிக் கொண்டு வந்த லாரிகள் எப்போதும்போல் நெல்லை வந்தது. டீக்கடை, பெட்டிக்கடை, வணிக நிறுவனங்கள் உள்பட பெரும்பாலான கடைகள் திறந்து இருந்தன.

தொ.மு.ச., சி.ஐ.டி.யு., ஏ.ஐ.டி.யு. தொழிற்சங்கத்தை சேர்ந்த அரசு போக்குவரத்து கழகத்தை நிர்வாகிகள் பணிக்கு செல்லவில்லை. தற்காலிக டிரைவர்களை வைத்து பஸ்கள் இயக்கப்பட்டன. இதனால் நெல்லை மாவட்டத்தில் மக்களின் இயல்பு வாழ்க்கையில் பாதிப்பு ஏற்படவில்லை.
இந்த முழு அடைப்பு போராட்டத்தையொட்டி அசம்பாவிதம் எதுவும் ஏற்படாமல் இருக்க நெல்லை மாவட்டத்தில் பலத்த போலீஸ் பாதுகாப்பு போடப்பட்டு இருந்தது.

பஸ் நிலையங்கள், ரெயில் நிலையங்கள், மக்கள் அதிகம் கூடும் இடங்களில் போலீசார் பாதுகாப்பு பணியில் ஈடுபட்டு இருந்தனர்.

அரசு போக்குவரத்து கழக பணிமனைகளுக்கு பாதுகாப்பு போடப்பட்டு இருந்தது. 


தொடர்புடைய செய்திகள்

1. முழு அடைப்பு போராட்டம்: புதுச்சேரி மாநிலத்தில் பஸ், ஆட்டோக்கள் ஓடவில்லை - பொதுமக்களின் இயல்பு வாழ்க்கை பாதிப்பு
முழுஅடைப்பு போராட்டத்தையொட்டி புதுச்சேரி மாநிலத்தில் நேற்று பஸ், ஆட்டோக்கள் ஓடவில்லை. கடைகள், தனியார் பள்ளிகள் மூடப்பட்டன. இதனால் பொதுமக்களின் இயல்பு வாழ்க்கை பாதிக்கப்பட்டது.
2. முழு அடைப்பு போராட்டத்தில் மோதல் கல்வீச்சில் பா.ஜனதா தலைவர் தலையில் காயம்
முழு அடைப்பு போராட்டத்தின் போது காங்கிரஸ் மற்றும் பா.ஜனதாவினர் இடையே மோதல் வெடித்ததை அடுத்து 144 தடை உத்தரவு பிறப்பிக்கப்பட்டுள்ளது. #BharathBandh #BJP #Congress
3. தமிழகத்தில் இன்று 75 ஆயிரம் மணல் லாரிகள் ஓடாது - சம்மேளன தலைவர் செல்ல.ராசாமணி
முழு அடைப்பு போராட்டத்துக்கு ஆதரவு தெரிவித்து இன்று தமிழகத்தில் 75 ஆயிரம் மணல் லாரிகள் ஓடாது என சம்மேளன தலைவர் செல்ல.ராசாமணி கூறினார்.
4. முழு அடைப்பு போராட்டம்: கடலூர் மாவட்டத்தில் இன்று தனியார் பஸ், ஆட்டோக்கள் ஓடாது
முழு அடைப்பு போராட்டத்துக்கு ஆதரவு தெரிவித்து கடலூர் மாவட்டத்தில் இன்று தனியார் பஸ்கள் மற்றும் ஆட்டோக்கள் ஓடாது என்று அறிவிக்கப்பட்டுள்ளது.
5. ஆந்திராவில் முழு அடைப்பு போராட்டம் நடிகை ரோஜா கைதாகி, விடுதலை
ஆந்திர மாநிலத்துக்கு சிறப்பு அந்தஸ்து வழங்கப்படாததை கண்டிக்கும் விதமாக மாநிலம் முழுவதும் நேற்று முழு அடைப்பு போராட்டம் நடத்த ஒய்.எஸ்.ஆர். காங்கிரஸ் கட்சியின் சார்பில் அழைப்பு விடுக்கப்பட்டது.