மாவட்ட செய்திகள்

டோல்கேட் அருகே தடுப்புச்சுவரில் ஏறிய கன்டெய்னர் லாரி; டிரைவர் படுகாயம் + "||" + Container lorry climber at Tollgate; Driver injury

டோல்கேட் அருகே தடுப்புச்சுவரில் ஏறிய கன்டெய்னர் லாரி; டிரைவர் படுகாயம்

டோல்கேட் அருகே தடுப்புச்சுவரில் ஏறிய கன்டெய்னர் லாரி; டிரைவர் படுகாயம்
ஆந்திர மாநிலம் காளகஸ்தியில் இருந்து கன்டெய்னர் லாரி ஒன்று இரும்பு பொருட்களை ஏற்றிக்கொண்டு திருவள்ளூர் நோக்கி சென்று கொண்டிருந்தது.

திருவள்ளூர், 

ஆந்திர மாநிலம் காளகஸ்தியில் இருந்து கன்டெய்னர் லாரி ஒன்று இரும்பு பொருட்களை ஏற்றிக்கொண்டு திருவள்ளூர் நோக்கி சென்று கொண்டிருந்தது. லாரியை தேனி மாவட்டம் சின்னமனூரை சேர்ந்த செந்தில்குமார் ஓட்டிச்சென்றார். அதே பகுதியை சேர்ந்த ஜெகன்நாதன் கிளீனராக இருந்தார். 

திருவள்ளூர்– ஊத்துக்கோட்டை சாலை டோல்கேட் அருகே நேற்று காலை 5½ மணியளவில் லாரி சென்றபோது அந்த வழியாக சென்ற ஒருவர் சைக்கிளில் சாலையை கடந்தார். அப்போது அவர் மீது மோதாமல் இருக்க செந்தில்குமார் லாரியை வலப்புறமாக திருப்பினார். இதில் லாரி சாலையின் நடுவில் இருந்த தடுப்புச்சுவர் மீது ஏறியது. 10 மீட்டர் தூரம் லாரி தடுப்புச்சுவர் மீது ஏறி சென்றதில் கன்டெய்னர் லாரி இரு துண்டானது. இதில் டிரைவர் செந்தில்குமார் படுகாயம் அடைந்தார். கிளீனர் ஜெகன்நாதன் காயமின்றி தப்பினார்.

இரும்பு பொருட்கள் நெடுஞ்சாலையில் சிதறியதால் அந்த வழித்தடத்தில் போக்குவரத்து பாதிக்கப்பட்டது. வாகனங்கள் மாற்று பாதையில் அனுப்பி வைக்கப்பட்டது. தகவல் அறிந்த திருவள்ளூர் தாலுகா போலீசார் சம்பவ இடத்திற்கு சென்று பொக்லைன் எந்திரம் மூலம் லாரியை மீட்டனர். அதன் பின்னர் அந்த வழித்தடத்தில் போக்குவரத்து சீரானது.



தொடர்புடைய செய்திகள்

1. மாம்பாக்கம் அருகே பள்ளி வேன் கவிழ்ந்து 3 மாணவர்கள் உள்பட 4 பேர் படுகாயம்
மாம்பாக்கம் அருகே பள்ளி வேன் கவிழ்ந்த விபத்தில் 4 பேர் படுகாயமடைந்தனர்.
2. கார் மோதி கிராம நிர்வாக அதிகாரிகள் படுகாயம்
கார் மோதி கிராம நிர்வாக அதிகாரிகள் எதிர்பாராதவிதமாக மோட்டார் சைக்கிள் மீது மோதி படுகாயமடைந்தனர்.
3. டிரைவருக்கு வலிப்பு ஏற்பட்டதால் தாறுமாறாக ஓடிய சரக்கு வாகனம் பயணிகள் நிழற்குடையில் மோதல்; 5 பேர் படுகாயம்
டிரைவருக்கு திடீரென வலிப்பு ஏற்பட்டதால் தாறுமாறாக ஓடிய சரக்கு வாகனம் பயணிகள் நிழற்குடையில் மோதியது. இதில் மாணவிகள் உள்பட 5 பேர் படுகாயம் அடைந்தனர்.
4. கூடலூர்– கேரள மலைப்பாதையில் கார் உருண்டு விழுந்து; 4 பேர் படுகாயம்
கூடலூர்– கேரள மலைப்பாதையில் கார் உருண்டு விழுந்து 4 பேர் படுகாயம் அடைந்தனர்.
5. மேலூர் அருகே மரத்தில் மோதி நொறுங்கிய அரசு பஸ், 11 பேர் படுகாயம்
மேலூர் அருகே அரசு பஸ் மரத்தில் மோதி நொறுங்கியது.