மாவட்ட செய்திகள்

மோட்டார் சைக்கிளில் சென்று பஸ் மீது மோதிய வாலிபர்கள் அதிர்ஷ்டவசமாக உயிர் தப்பினர் + "||" + The young men who are on the motorcycle and hit the bus

மோட்டார் சைக்கிளில் சென்று பஸ் மீது மோதிய வாலிபர்கள் அதிர்ஷ்டவசமாக உயிர் தப்பினர்

மோட்டார் சைக்கிளில் சென்று பஸ் மீது மோதிய வாலிபர்கள் அதிர்ஷ்டவசமாக உயிர் தப்பினர்
சோழவந்தான் அருகே மோட்டார் சைக்கிளில் சென்று பஸ் மீது மோதிய வாலிபர்கள் அதிர்ஷ்டவசமாக உயிர்தப்பினர். இதுகுறித்த வீடியோ காட்சி வாட்ஸ்–அப்பில் வைரலாக பரவி வருகிறது.

சோழவந்தான்,

மதுரை மாவட்டம் சோழவந்தான் அருகே செக்கானூரணி ஊத்துபட்டி கிராமத்தை சேர்ந்தவர் மாயன். அவருடைய மகன் மதுசூதனன் (வயது 21). இவர் தனது நண்பர்கள் அர்ஜூன்(22), சுகுமார்(18) ஆகியோருடன் ஒரே மோட்டார் சைக்கிளில் தேனூருக்கு சென்றுள்ளனர்.

மோட்டார் சைக்கிளை மதுசூதனன் ஓட்டினார். மது போதையில் அவர்கள் இருந்ததாகவும், வேகமாக மோட்டார் சைக்கிளில் சென்றதாகவும் கூறப்படுகிறது. இந்தநிலையில் மேலக்கால்–தேனூர் பிரிவு சாலை வளைவில் அவர்கள் சென்றபோது அந்தவழியாக வந்த அரசு பஸ் மீது மோதியதாகவும் தெரியவருகிறது.

இதை சற்றும் எதிர்பாராத அரசு பஸ் டிரைவர் சட்டென்று பஸ்சை நிறுத்திவிட்டார். இதனால் கீழே விழுந்த 3 பேரும் லேசான காயத்துடன் அதிர்ஷ்டவசமாக உயிர்தப்பினர். உடனே அவர்கள் சிகிச்சைக்காக மதுரை அரசு ஆஸ்பத்திரியில் சேர்க்கப்பட்டனர்.

மோட்டார் சைக்கிள் அரசு பஸ் மீது மோதிய காட்சி அந்த பகுதியில் உள்ள கண்காணிப்பு கேமராவில் பதிவானது. இந்த வீடியோ காட்சி வாட்ஸ்–அப்பில் தற்போது வைரலாகி வருகிறது.

இதுகுறித்து அரசு பஸ் டிரைவர் நாகேந்திரன் கொடுத்த புகாரின்பேரில் சோழவந்தான் போலீஸ் சப்–இன்ஸ்பெக்டர் அய்யரூ வழக்குப்பதிவு செய்து விசாரணை நடத்திவருகின்றனர்.



தொடர்புடைய செய்திகள்

1. பெருந்துறையில் பரிதாபம் இரும்பு பட்டறையில் தீ விபத்து; தொழிலாளி உடல் கருகி சாவு
பெருந்துறையில் இரும்பு பட்டறையில் ஏற்பட்ட தீ விபத்தில் தொழிலாளி உடல் கருகி பரிதாபமாக இறந்தார்.
2. திருப்பூரில் ரசாயன குடோனில் திடீர் தீ விபத்து; பொருட்கள் வெடித்து சிதறியதால் ஓட்டம் பிடித்த பொதுமக்கள்
திருப்பூரில் ரசாயன குடோனில் தீவிபத்து ஏற்பட்டது. இதில் ரசாயன பொருட்கள் வெடித்து சிதறியதால் பொதுமக்கள் ஓட்டம் பிடித்தனர்.
3. எடப்பாடி அருகே பஸ்-வேன் மோதல்; டிரைவர் பரிதாப சாவு கிளனர் உள்பட 5 பேர் காயம்
எடப்பாடி அருகே பஸ்-வேன் மோதிக்கொண்ட விபத்தில் வேன் டிரைவர் பரிதாபமாக இறந்தார். கிளனர் உள்பட 5 பேர் காயம் அடைந்தனர்.
4. பெங்களூருவில் குடோனில் இருந்த இரும்பு சட்டங்கள் சரிந்து விழுந்து 3 தொழிலாளர்கள் சாவு
பெங்களூருவில் குடோனில் இருந்த இரும்பு சட்டங்கள் சரிந்து விழுந்து 3 தொழிலாளர்கள் பரிதாபமாக உயிர் இழந்தார்கள். மேலும் 5 பேர் படுகாயம் அடைந்தனர். இதுதொடர்பாக 2 அதிகாரிகள் கைது செய்யப்பட்டுள்ளனர்.
5. புனேயில் கார் மோதியதில் கியாஸ் சிலிண்டர் வெடித்து ஆட்டோ தீப்பிடித்தது
புனேயில் கார் மோதியதில் கியாஸ் சிலிண்டர் வெடித்து ஆட்டோ தீப்பிடித்தது. இதில், தீக்காயம் அடைந்த ஆட்டோ டிரைவர் ஆஸ்பத்திரியில் சிகிச்சைக்காக அனுமதிக்கப்பட்டு உள்ளார்.