சமூக ஆர்வலரின் வீட்டுக்காவல் ரத்துக்கு மராட்டிய போலீசார் எதிர்ப்பு

மும்பை,

டெல்லியை சேர்ந்த சமூக ஆர்வலர் கவுதம் நவலகா (வயது 65) என்பவர் கடந்த ஆகஸ்டு 28-ந் தேதி டெல்லியில் கைது செய்யப்பட்டார்.

இவருக்கு விதிக்கப்பட்ட வீட்டுக்காவலை ரத்து செய்து கடந்த திங்கட்கிழமை டெல்லி ஐகோர்ட்டு உத்தரவிட்டது. இதை எதிர்த்து மராட்டிய போலீசார் சுப்ரீம் கோர்ட்டை அணுகி உள்ளனர். குற்றவியல் நடைமுறை சட்டத்தின் 167-வது விதியின் (1), (2) ஆகிய உட்பிரிவுகளை டெல்லி ஐகோர்ட்டு தவறுதலாக புரிந்து கொண்டு கவுதம் நவலகாவின் வீட்டுக்காவலை ரத்து செய்து இருப்பதாக சுப்ரீம் கோர்ட்டில் தாக்கல் செய்யப்பட்ட மனுவில் தெரிவிக்கப்பட்டு உள்ளது.

இந்த மனு விரைவில் விசாரணைக்கு வர உள்ளது.