கம்யூனிஸ்டு கட்சி பிரமுகர் கார் மோதி பலி

அரசூர்,

திருவெண்ணெய்நல்லூர் அருகே உள்ள அரசூர் கிராமத்தை சேர்ந்தவர் சுப்பிரமணி (வயது 58). மார்க்சிஸ்ட் கம்யூனிஸ்டு கட்சி பிரமுகரான இவர் சம்பவத்தன்று அரசூர் கூட்டுசாலையில் உள்ள ஒரு கடைக்கு செல்ல சாலையை கடக்க முயன்றார். அப்போது சென்னையில் இருந்து திருச்சி நோக்கிச்சென்ற கார் மோதியதில் சுப்பிரமணி பலத்த காயமடைந்தார். உடனே அவரை அக்கம், பக்கத்தினர் மீட்டு சிகிச்சைக்காக முண்டியம்பாக்கம் அரசு மருத்துவமனையில் சேர்த்தனர். பின்னர் அங்கிருந்து மேல்சிகிச்சைக்காக புதுச்சேரி ஜிப்மர் மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்தும் பலனின்றி நேற்று இறந்தார்.

இந்த விபத்து குறித்து திருவெண்ணெய்நல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.