மாவட்ட செய்திகள்

கடலூரில் 10 நாட்களாக குடிநீர் வராததால்: காலி குடங்களுடன் பொதுமக்கள் போராட்டம் + "||" + Due to drinking water in Cuddalore for 10 days: Public strike with empty huts

கடலூரில் 10 நாட்களாக குடிநீர் வராததால்: காலி குடங்களுடன் பொதுமக்கள் போராட்டம்

கடலூரில் 10 நாட்களாக குடிநீர் வராததால்: காலி குடங்களுடன் பொதுமக்கள் போராட்டம்
கடலூரில் 10 நாட்களாக குடிநீர் வராததால் காலி குடங்களுடன் பொதுமக்கள் போராட்டம் நடத்தினார்கள்.
கடலூர், 

கடலூர் திருப்பாதிரிப்புலியூர் போடிச்செட்டி தெரு பகுதியில் வசிக்கும் மக்களுக்கு நகராட்சி மூலம் தினந்தோறும் குடிநீர் வினியோகம் செய்யப்பட்டு வருகிறது. இந்நிலையில் கடந்த சில வாரங்களுக்கு முன்பு இந்த பகுதி மக்களுக்கு வழங்கப்படும் குடிநீரில் சாக்கடை கலந்து வந்தது. இதை பாட்டில்களில் பிடித்து அப்பகுதி பொதுமக்கள் நகராட்சி அதிகாரிகளிடம் காண்பித்து, தங்களுக்கு சுகாதாரமான குடிநீர் வழங்க வேண்டும் என்று வலியுறுத்தினர்.

ஆனால் அதிகாரிகள் எவ்வித நடவடிக்கையும் எடுக்கவில்லை என்று தெரிகிறது. கடந்த சில நாட்களுக்கு முன்பும் அதேபோல் அந்த பகுதியில் உள்ள பொதுகுழாய்களில் பெண்கள் குடங்களில் தண்ணீர் பிடித்தனர். ஆனால் அந்த தண்ணீரும் சாக்கடை கலந்து வந்தது. துர்நாற்றமும் வீசியதால் ஆத்திரமடைந்த அவர்கள், குடிநீரை சாலையில் கொட்டி போராட்டம் நடத்தினர்.

இதையடுத்து அந்த பகுதி மக்களுக்கு குடிநீர் வழங்குவதற்காக போடப்பட்ட குழாயை குடிநீர்வடிகால் வாரிய அதிகாரிகள் துண்டித்து, அதை சரி செய்யும் பணியில் ஈடுபட்டனர். ஆனால் கடந்த 10 நாட்கள் ஆகியும், குடிநீர் குழாயை சரி செய்து, அந்த பகுதி மக்களுக்கு குடிநீர் வழங்க நடவடிக்கை எடுக்கவில்லை.

இதனால் ஆத்திரமடைந்த போடிச்செட்டி தெரு பொதுமக்கள் நேற்று காலை காலி குடங்களுடன் அந்த பகுதியில் திரண்டனர். பின்னர் அவர்கள் காலி குடங்களை கையில் வைத்து போராட்டம் நடத்தினர். அப்போது அவர்கள் தங்களுக்கு குடிநீர் வழங்க வேண்டும். அதுவும் சுகாதாரமாக வழங்க நடவடிக்கை எடுக்க வேண்டும் என்று கோஷமிட்டனர். இது பற்றி தகவல் அறிந்ததும் நகராட்சி ஆணையாளர் (பொறுப்பு) ராமசாமி மக்களுக்கு லாரிகள் மூலம் குடிநீர் வழங்க உத்தரவிட்டார். இதனை ஏற்று பொதுமக்கள் போராட்டத்தை கைவிட்டு கலைந்து சென்றனர்.

பின்னர் அப்பகுதி மக்களுக்கு நகராட்சி லாரி மூலம் குடிநீர் வழங்கப்பட்டது. இதையடுத்து அவர்கள் தண்ணீர் பிடித்து விட்டு அங்கிருந்து கலைந்து சென்றனர். மேலும் தங்களுக்கு தினந்தோறும் சுகாதாரமான குடிநீர் வழங்க வேண்டும் என்றும் அவர்கள் கோரிக்கை வைத்தனர்.


தொடர்புடைய செய்திகள்

1. சுகாதாரமான குடிநீர் வினியோகம் செய்யக்கோரி: அரசு பஸ்சை சிறைபிடித்து பொதுமக்கள் போராட்டம் - திட்டக்குடி அருகே பரபரப்பு
சுகாதாரமான குடிநீர் வினியோகம் செய்யக்கோரி அரசு பஸ்சை சிறைபிடித்து பொதுமக்கள் போராட்டத்தில் ஈடுபட்டதால் பரபரப்பு ஏற்பட்டது.
2. கலசபாக்கம் அருகே பழுதான மின்மாற்றியை சரி செய்யாதால் இருளில் மூழ்கிய கிராமம் அதிகாரிகளின் மெத்தனத்தை கண்டித்து பொதுமக்கள் போராட்டம்
பழுதான மின்மாற்றியை சரி செய்யாததால் கலசபாக்கம் அருகே மருத்துவாம்பாடி கிராமம் இருளில் மூழ்கியது. இந்த பிரச்சினையில் நடவடிக்கை எடுக்காத அதிகாரிகளின் மெத்தனத்தை கண்டித்து பொதுமக்கள் போராட்டத்தில் ஈடுபட்டனர்.
3. மோட்டார் சைக்கிள் விபத்தில் டெக்ஸ்டைல் நிறுவன ஊழியர் பலி : மணல் லாரியை சிறைபிடித்து பொதுமக்கள் போராட்டம்
கரூரில் நடந்த மோட்டார் சைக்கிள் விபத்தில் டெக்ஸ்டைல் நிறுவன ஊழியர் உயிரிழந்தார். இதில் மணல் லாரியை பொதுமக்கள் சிறைபிடித்து போராட்டம் நடத்தியதால் பரபரப்பு ஏற்பட்டது.
4. வெள்ளாற்றில் மிதக்கும் ‘தெர்மாகோலை’ அகற்றக்கோரி தொழுதூர் அணைக்கட்டில் இறங்கி பொதுமக்கள் போராட்டம்
வெள்ளாற்றில் மிதக்கும் தெர்மாகோலை அகற்றக்கோரி தொழுதூர் அணைக்கட்டில் இறங்கி பொதுமக்கள் போராட்டத்தில் ஈடுபட்டனர்.
5. மணல் குவாரியை மூடக்கோரி லாரியை சிறைபிடித்து பொதுமக்கள் போராட்டம் - புதுப்பேட்டை அருகே பரபரப்பு
புதுப்பேட்டை அருகே மணல் குவாரியை மூடக்கோரி லாரியை சிறைபிடித்து பொதுமக்கள் போராட்டத்தில் ஈடுபட்டதால் பரபரப்பு ஏற்பட்டது.