மாவட்ட செய்திகள்

மோட்டார் சைக்கிள் மீது பஸ் மோதியது: என்ஜினீயர் உள்பட 2 பேர் பலி - கருங்கல் அருகே பரிதாபம் + "||" + Bus crashed on motorcycle: 2 killed including Engineer - Pale near the granite

மோட்டார் சைக்கிள் மீது பஸ் மோதியது: என்ஜினீயர் உள்பட 2 பேர் பலி - கருங்கல் அருகே பரிதாபம்

மோட்டார் சைக்கிள் மீது பஸ் மோதியது: என்ஜினீயர் உள்பட 2 பேர் பலி - கருங்கல் அருகே பரிதாபம்
கருங்கல் அருகே மோட்டார் சைக்கிள் மீது பஸ் மோதியதில் டிப்ளமோ என்ஜினீயர் உள்பட 2 பேர் பரிதாபமாக இறந்தனர். இந்த விபத்து பற்றிய விவரம் வருமாறு:-
கருங்கல், 


குமரி மாவட்டம் கருங்கல் அருகே தொழிக்கோடு குட்டி அடப்புவிளை பகுதியை சேர்ந்தவர் ஜேசுதாஸ். தொழிலாளி. இவருடைய மகன் பாபு ஆன்டணிராஜ் (வயது 29), கட்டிட தொழிலாளி.

அதே பகுதியை சேர்ந்தவர் அபின் (23). இவர் டிப்ளமோ என்ஜினீயர். இவர்கள் 2 பேரும் நெருங்கிய நண்பர்கள். பாபு ஆன்டணிராஜூடன், அபினும் தற்காலிகமாக கட்டிட வேலைக்கு சென்று வந்தார்.

நேற்று இருவரும் கட்டிட வேலைக்கு செல்லவில்லை. இதனால் 2 பேரும் மாலை 3.30 மணியளவில் வீட்டுக்கு தேவையான பொருட்களை வாங்குவதற்காக கருங்கல் மார்க்கெட்டுக்கு மோட்டார் சைக்கிளில் சென்றனர். அங்கு பொருட்களை வாங்கி விட்டு மீண்டும் வீடு நோக்கி புறப்பட்டனர். மோட்டார் சைக்கிளை பாபு ஆன்டணி ராஜ் ஓட்டினார்.

கருங்கல்- தேங்காப்பட்டணம் சாலையில் பாலூர் பகுதியில் சென்ற போது, முன்னால் சென்ற வாகனத்தை ஆன்டணிராஜ் முந்திச்செல்ல முயன்றதாக தெரிகிறது. அப்போது எதிரே மேல்மிடாலத்தில் இருந்து நாகர்கோவில் நோக்கி வந்த அரசு பஸ் மோட்டார் சைக்கிள் மீது மோதியது.

இந்த விபத்தில் மோட்டார் சைக்கிளில் இருந்து தூக்கி வீசப்பட்டு படுகாயமடைந்த பாபு ஆன்டணிராஜ் சம்பவ இடத்திலேயே பரிதாபமாக இறந்தார். அபின் படுகாயத்துடன் உயிருக்கு போராடினார். அவரை அக்கம் பக்கத்தினர் மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். ஆஸ்பத்திரிக்கு செல்லும் வழியிலேயே அபினும் பரிதாபமாக இறந்தார்.

இதுபற்றி கருங்கல் போலீசாருக்கு தகவல் தெரிவிக்கப்பட்டது. போலீசார் விரைந்து வந்து 2 பேரின் உடல்களையும் மீட்டு பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தினர். விபத்தில் டிப்ளமோ என்ஜினீயர் உள்பட 2 பேர் பலியான சம்பவம் அந்த பகுதியில் சோகத்தை ஏற்படுத்தியது.


தொடர்புடைய செய்திகள்

1. பல்லடம் அருகே அடுத்தடுத்த விபத்துகளில் 2 பேர் பலி
பல்லடம் அருகே அடுத்தடுத்த நடந்த விபத்துகளில் 2 பேர் பலியாயினர்.
2. பழனி அருகே, அரசு பஸ்சின் சக்கரத்தில் சிக்கி - கல்லூரி மாணவர் உள்பட 2 பேர் பலி
பழனி அருகே, அரசு பஸ்சின் சக்கரத்தில் சிக்கி, கல்லூரி மாணவர் உள்பட 2 பேர் பரிதாபமாக இறந்தனர்.
3. கல்பாக்கம் அருகே மோட்டார் சைக்கிள்கள் மோதல்; 2 பேர் பலி
கல்பாக்கம் அருகே மோட்டார் சைக்கிள்கள் மோதிய விபத்தில் 2 பேர் பலியானார்கள்.
4. மதுரை பெரிய ஆஸ்பத்திரியில் பன்றிக்காய்ச்சலுக்கு மேலும் 2 பேர் சாவு
மதுரை பெரிய ஆஸ்பத்திரியில் பன்றிக்காய்ச்சலுக்கு மேலும் 2 பேர் பலியாகினர். இதனால் பன்றிக்காய்ச்சலுக்கு உயிரிழந்தோர் எண்ணிக்கை 6 ஆக உயர்ந்துள்ளது.
5. கோவை அரசு ஆஸ்பத்திரியில்: டெங்கு, பன்றிக்காய்ச்சலுக்கு சிறுமி உள்பட 2 பேர் பலி - மர்ம காய்ச்சலுக்கு 2 பேர் சாவு
கோவை அரசு ஆஸ்பத்திரியில் டெங்கு, பன்றிக்காய்ச்சலுக்கு சிறுமி உள்பட 2 பேர் பலியானார்கள். மர்ம காய்ச்சலுக்கு 2 பேர் பரிதாபமாக இறந்தனர்.