மாவட்ட செய்திகள்

புரட்டாசி கடைசி சனிக்கிழமை: பெருமாள் கோவில்களில் சிறப்பு வழிபாடு திரளான பக்தர்கள் தரிசனம் + "||" + Purattasi Last Saturday: A great worship of Perumal temples is a great pilgrimage to the devotees

புரட்டாசி கடைசி சனிக்கிழமை: பெருமாள் கோவில்களில் சிறப்பு வழிபாடு திரளான பக்தர்கள் தரிசனம்

புரட்டாசி கடைசி சனிக்கிழமை: பெருமாள் கோவில்களில் சிறப்பு வழிபாடு திரளான பக்தர்கள் தரிசனம்
புரட்டாசி மாத கடைசி சனிக்கிழமையான நேற்று குமரி மாவட்டத்தில் உள்ள பெருமாள் கோவில்களில் பக்தர்கள் கூட்டம் அலைமோதியது.
நாகர்கோவில்,

குமரி மாவட்ட பெருமாள் கோவில்களில் புரட்டாசி மாத சனிக்கிழமை தோறும் சிறப்பு பூஜைகள் நடைபெற்றன. புரட்டாசி மாதத்தின் கடைசி சனிக்கிழமையான நேற்று குமரி மாவட்டத்தில் உள்ள அனைத்து பெருமாள் கோவில்களிலும் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமிதரிசனம் செய்தனர்.


நாகர்கோவிலை பொறுத்த வரையில் வடிவீஸ்வரத்தில் உள்ள இடர்தீர்த்த பெருமாள் கோவிலில் ஏராளமான பக்தர்கள் குவிந்தனர். கோவிலில் அதிகாலை 5 மணிக்கு நிர்மால்ய பூஜை, காலை 9 மணிக்கு உற்சவமூர்த்திக்கு அபிஷேகம், தீபாராதனை மற்றும் லட்சார்ச்சனை ஆகியவை நடந்தன. பின்னர் 10 மணிக்கு அன்னதானம் தொடங்கியது. அதைத் தொடர்ந்து பகல் 12 மணிக்கு அலங்கார தீபாராதனையும், மாலை 6 மணிக்கு சிறப்பு தீபாராதனையும் நடைபெற்றது.

இதேபோல பறக்கை மதுசூதனப்பெருமாள் கோவில், சுசீந்திரம் துவாரகை கிருஷ்ணன் கோவில் மற்றும் திருப்பதிசாரம் திருவாழ்மார்பன் கோவிலில் அதிகாலையிலேயே கோவில் நடை திறக்கப்பட்டு பூஜைகள் மற்றும் தீபாராதனைகள் நடந்தன.

மேலும் குமரி மாவட்டத்தில் மிகவும் பிரசித்தி பெற்ற கோவில்களான திருவட்டார் ஆதிகேசவப்பெருமாள் கோவில், கிருஷ்ணன் கோவில்  கிருஷ்ணசாமி கோவில், பார்த்தீபபுரம் பார்த்தசாரதி கோவில், தோவாளை கிருஷ்ணசாமி கோவில், வடசேரி பாலகிருஷ்ணன்கோவில், சுசீந்திரம் இரட்டைத்தெரு குலசேகரபெருமாள் கோவில், கோட்டார் வாகையடி ஏழகரம் பெருமாள் கோவில், வட்டகரை தென்திருப்பதி வெங்கடாசலபதி கோவில் உள்ளிட்ட அனைத்து பெருமாள் கோவில்களிலும் நேற்று சிறப்பு பூஜைகள் நடைபெற்றன. பெருமாளை தரிசிக்க பக்தர்கள் கூட்டம் அலை மோதியது.

தொடர்புடைய செய்திகள்

1. மலைக்கோட்டை தாயுமானசுவாமி கோவில் தெப்ப உற்சவம் திரளான பக்தர்கள் பங்கேற்பு
திருச்சி மலைக்கோட்டை தாயுமானசுவாமி கோவில் தெப்ப உற்சவம் நேற்று இரவு நடைபெற்றது. இதில் திரளான பக்தர்கள் பங்கேற்றனர்.
2. திருச்சி உறையூர் கோவிலில் கமலவல்லி நாச்சியாருடன் நம்பெருமாள் சேர்த்தி சேவை திரளான பக்தர்கள் வழிபாடு
திருச்சி உறையூர் கோவிலில் கமலவல்லி நாச்சியாருடன் நம்பெருமாள் சேர்த்தி சேவையை திரளான பக்தர்கள் வழிபட்டனர்.
3. ராயம்பேட்டையில் 3 பெருமாள் கருட சேவை திரளான பக்தர்கள் தரிசனம்
ராயம்பேட்டையில் 3 பெருமாள் கருட சேவை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
4. நர்மதையில் இருந்து சென்னிமலைக்கு கொண்டுவரப்பட்ட 360 கிலோ எடையுள்ள சிவலிங்க வடிவ கல் பயபக்தியுடன் பார்த்து சென்ற பக்தர்கள்
நர்மதை ஆற்றில் இருந்து சென்னிமலைக்கு கொண்டுவரப்பட்ட 360 கிலோ எடையுள்ள சிவலிங்கம் வடிவிலான கல்லை பக்தர்கள் பயபக்தியுடன் பார்த்து சென்றனர்.
5. திருவப்பூர் முத்துமாரியம்மன் கோவில் பூச்சொரிதல் விழா பால்குடம்-அலகு குத்தி பக்தர்கள் நேர்த்திக்கடன்
திருவப்பூர் முத்துமாரியம்மன் கோவில் பூச்சொரிதல் விழா நேற்று நடைபெற்றது. இதையொட்டி பக்தர்கள் பால்குடம் எடுத்தும், அலகு குத்தியும் கோவிலுக்கு ஊர்வலமாக வந்து நேர்த்திக்கடன் செலுத்தினார்கள்.