மாவட்ட செய்திகள்

உலக பேரிடர் குறைப்பு தினத்தை முன்னிட்டு அரியலூர்-பெரம்பலூரில் தீயணைப்பு துறையினர் ஒத்திகை + "||" + Firefighters in Ariyalur-Perambalur rehearsal for World Disaster Reduction Day

உலக பேரிடர் குறைப்பு தினத்தை முன்னிட்டு அரியலூர்-பெரம்பலூரில் தீயணைப்பு துறையினர் ஒத்திகை

உலக பேரிடர் குறைப்பு தினத்தை முன்னிட்டு அரியலூர்-பெரம்பலூரில் தீயணைப்பு துறையினர் ஒத்திகை
உலக பேரிடர் குறைப்பு தினத்தை முன்னிட்டு அரியலூர், பெரம்பலூர் ஆகிய பகுதிகளில் தீயணைப்பு துறையினர் சார்பில், பேரிடர் காலங்களில் மேற்கொள்ள வேண்டிய முன்னெச்சரிக்கை நடவடிக்கைகள் குறித்த ஒத்திகை நடந்தது.
அரியலூர்,

பேரிடர் மேலாண்மை சார்பில் உலக பேரிடர் குறைப்பு தினத்தை முன்னிட்டு நேற்று அரியலூர் நிர்மலா மெட்ரிக் பள்ளியிலிருந்து தொடங்கிய விழிப்புணர்வு ஊர்வலத்தை அரியலூர் மாவட்ட கலெக்டர் விஜயலட்சுமி கொடியசைத்து தொடங்கி வைத்தார். ஊர்வலத்தில் கலந்து கொண்ட அரியலூர் பள்ளி மாணவ, மாணவிகள் தவிர்ப்போம், தவிர்ப்போம் வெள்ள நீரில் குளிப்பதை தவிர்ப்போம், துண்டிப்போம் துண்டிப்போம் தீ விபத்து, இடி மின்னலின் போது மின் இணைப்பை துண்டிப்போம், நிற்க வைக்காதீர் நிற்க வைக்காதீர் இடி, மின்னலின் போது கால்நடைகளை மரத்திற்கடியில் நிற்க வைக்காதீர். தெரிவிப்போம் தெரிவிப்போம் பேரிடர் நிகழ்வுகளை கட்டணமில்லா தொலைபேசி எண்ணான 1077-க்கு தெரிவிப்போம் என்பது உள்ளிட்ட பல்வேறு விழிப்புணர்வு வாசகங்கள் அடங்கிய பதாகைகளை ஏந்தியவாறும், விழிப்புணர்வு கோஷங்களை எழுப்பியவாறும் சென்றனர். இந்த ஊர்வலம் அரியலூர் பஸ் நிலையத்தில் முடிவடைந்தது.


தொடர்ந்து அரியலூர் பஸ் நிலையத்தில் மாவட்ட தீயணைப்பு துறையினர் சார்பில், பேரிடர் காலங்களில் முன்னெச்சரிக்கை நடவடிக்கைகள் குறித்த ஒத்திகை நடந்தது. அப்போது அரியலூர் தீயணைப்பு நிலைய அதிகாரி பன்னீர்செல்வம் தலைமையில் தீயணைப்பு வீரர்கள் கலெக்டர் விஜயலட்சுமி மற்றும் பள்ளி மாணவ, மாணவிகள், அலுவலர்கள் முன்னிலையில் பேரிடர் தற்காப்பு நடவடிக்கைகளை செயல் விளக்கம் மூலம் காண்பித்தனர். இதில் மாவட்ட வருவாய் அதிகாரி தனசேகரன், அரியலூர் கோட்டாட்சியர் சத்தியநாராயணன், மாவட்ட முதன்மை கல்வி அதிகாரி புகழேந்தி, தாசில்தார்கள் விக்டோரியா (பேரிடர்மேலாண்மை), முத்துலட்சுமி (அரியலூர்) ஆகியோர் கலந்து கொண்டனர்.

இதே போல் பெரம்பலூர் நகராட்சி அலுவலக வளாகத்தில் பேரிடர் குறைப்புதினத்தை முன்னிட்டு தீயணைப்பு துறையினர் சார்பில் ஒத்திகை நடைபெற்றது. பெரம்பலூர் மாவட்ட தீயணைப்பு துறை அதிகாரி செந்தில்குமார் தலைமையில், நிலைய அலுவலர் பால்ராஜ் உள்ளிட்ட தீயணைப்பு வீரர்கள் மற்றும் மீட்பு பணிகள் துறை பணியாளர்கள் மூலம் விபத்து மற்றும் வெள்ள நேரங்களில் நடக்க இயலாத நிலையில் உள்ளவரை விபத்து நடந்த இடத்தில் இருந்து பாதுகாப்பான இடத்திற்கு பல்வேறு முறைகளை பின்பற்றி அழைத்துச் செல்வது குறித்தும் மற்றும் சாலையில் விழும் மரங்களை அகற்றுவது குறித்தும் செயல்விளக்கம் செய்து காண்பித்தனர்.


தொடர்புடைய செய்திகள்

1. மேகதாது அணை கட்ட அனுமதி: மத்திய அரசை கண்டித்து தஞ்சையில், விவசாயிகள் ஊர்வலம்
மேகதாது அணை கட்ட அனுமதி அளித்த மத்திய அரசை கண்டித்து தஞ்சையில், விவசாயிகள் ஊர்வலம் நடத்தினர்.
2. கிராம நிர்வாக அதிகாரிகள் ஊர்வலம் அரியலூரில் 38 பேர் கைது
பெரம்பலூரில் கிராம நிர்வாக அதிகாரிகள் ஊர்வலம் நடத்தினர். அரியலூரில் மறியலில் ஈடுபட ஊர்வலமாக சென்ற 38 பேர் கைது செய்யப்பட்டனர்.
3. 9–வது நாளாக வேலைநிறுத்தம்: கிராம நிர்வாக அலுவலர்கள் ஊர்வலம்; சான்றிதழ் வழங்கும் பணி முற்றிலும் முடக்கம்
கிராம நிர்வாக அலுவலர்களின் வேலைநிறுத்த போராட்டம் 9–வது நாளாக நேற்று நடந்தது. கோரிக்கைகளை வலியுறுத்தி கிராம நிர்வாக அலுவலர்கள் திருப்பூரில் ஊர்வலமாக சென்றனர்.
4. திருமண மண்டபத்தை திறக்க வலியுறுத்தி ஊர்வலமாக செல்ல முயன்றவர்கள் தடுத்து நிறுத்தம் - போலீசார் குவிப்பு
ஓடைப்பட்டியில் அரசு புறம்போக்கு நிலத்தில் கட்டப்பட்ட திருமண மண்டபத்தை திறக்க வலியுறுத்தி ஊர்வலமாக செல்ல முயன்றவர்களை போலீசார் தடுத்து நிறுத்தினார்கள். அங்கு போலீசார் குவிக்கப்பட்டனர்.
5. வங்கி ஊழியர் சாவு குறித்து விசாரணை நடத்தக்கோரி மாவோயிஸ்டுகள் கண்டன ஊர்வலம் நடத்தியதால் பரபரப்பு
வங்கி ஊழியர் சாவு குறித்து விசாரணை நடத்தக்கோரி மாவோயிஸ்டுகள் கண்டன ஊர்வலம் நடத்தியதால் பரபரப்பு ஏற்பட்டது. அவர்களை பிடிக்க போலீசார் தீவிர தேடுதல் வேட்டை நடத்தினர்.