மாவட்ட செய்திகள்

தர்மபுரி கலெக்டர் அலுவலகம் முன்பு அரசு மேல்நிலைப்பள்ளி தலைமை ஆசிரியர்கள் ஆர்ப்பாட்டம் + "||" + Prior to the Dharmapuri collector's office, the government high school teachers demonstrated

தர்மபுரி கலெக்டர் அலுவலகம் முன்பு அரசு மேல்நிலைப்பள்ளி தலைமை ஆசிரியர்கள் ஆர்ப்பாட்டம்

தர்மபுரி கலெக்டர் அலுவலகம் முன்பு அரசு மேல்நிலைப்பள்ளி தலைமை ஆசிரியர்கள் ஆர்ப்பாட்டம்
தர்மபுரி கலெக்டர் அலுவலகம் முன்பு கோரிக்கைகளை வலியுறுத்தி அரசு மேல்நிலைப்பள்ளி தலைமை ஆசிரியர்கள் ஆர்ப்பாட்டத்தில் ஈடுபட்டனர்.

தர்மபுரி,

தமிழ்நாடு மேல்நிலைப்பள்ளி தலைமை ஆசிரியர் கழகத்தின் தர்மபுரி மாவட்ட பிரிவு சார்பில் 5 அம்ச கோரிக்கைகளை வலியுறுத்தி தர்மபுரி கலெக்டர் அலுவலகம் முன்பு ஆர்ப்பாட்டம் நடைபெற்றது. இந்த ஆர்ப்பாட்டத்திற்கு மாவட்ட தலைவர் மோகன் தலைமை தாங்கினார். மாவட்ட செயலாளர் சீனிவாசன் வரவேற்றார். மாநில துணைத்தலைவர் பாலசுப்ரமணியன், மாவட்ட பொருளாளர் பாபுசுந்தரம் உள்ளிட்ட நிர்வாகிகள் முன்னிலை வகித்தனர்.

இந்த ஆர்ப்பாட்டத்தை முன்னாள் பொதுச்செயலாளர் இளங்கோ தொடங்கி வைத்தார். இதில் மாநில தலைவர் பொன்முடி, நிர்வாகிகள் திருஞானகணேசன், பாலதண்டாயுதம், அப்துல் அஜீஸ் உள்ளிட்டோர் கோரிக்கைகளை விளக்கி பேசினார்கள். அரசாணை எண் 101–ல் மேல்நிலைப்பள்ளி தலைமை ஆசிரியர்களை அவமதிக்கும் வகையில் வெளியிடப்பட்டுள்ள ‌ஷரத்துகளை உடனடியாக திருத்தம் செய்ய வேண்டும். பணி பதிவேடுகளை பராமரிக்கும் அதிகாரத்தை முதன்மை கல்வி அலுவலர்களுக்கு வழங்க வேண்டும்.

மாவட்ட கல்வி அலுவலர் பதவி உயர்வில் ஏற்பட்டுள்ள பின்னடைவு காலி பணியிடங்களை மேல்நிலைப்பள்ளி தலைமை ஆசிரியர்களுக்கு வழங்க வேண்டும். புதிதாக தரம் உயர்த்தப்படும் 100 மேல்நிலைப்பள்ளி தலைமை ஆசிரியர் பணியிடங்களையும், தற்போது காலியாக உள்ள பணியிடங்களையும் நிபந்தனையை தளர்த்தி கலந்தாய்வு மூலம் உடனடியாக நிரப்ப வேண்டும். ஓய்வுபெற்ற மேல்நிலைப்பள்ளி தலைமை ஆசிரியர்களுக்கு நிறுத்தி வைக்கப்பட்டுள்ள ஓய்வூதிய பலன்களை உடனடியாக வழங்க வேண்டும்.

19 ஆண்டுகளாக முதுநிலை ஆசிரியர்களாக பணிபுரிந்து சிறப்பு நிலை பெறமுடியாமல் தலைமை ஆசிரியர்களாக பதவி உயர்வு பெறுவோருக்கு கீழ்நிலை பதவியில் பணிபுரிந்த காலத்தையும் கணக்கில் எடுத்து கொண்டு தேர்வு நிலை வழங்க வேண்டும் என்ற கோரிக்கைகளை வலியுறுத்தி இந்த ஆர்ப்பாட்டத்தில் கோ‌ஷங்கள் எழுப்பப்பட்டன. ஆர்ப்பாட்டத்தில் தர்மபுரி, சேலம், கிருஷ்ணகிரி, திருவண்ணாமலை மாவட்டங்களை சேர்ந்த அரசு மேல்நிலைப்பள்ளி தலைமை ஆசிரியர்கள் கலந்து கொண்டனர்.


தொடர்புடைய செய்திகள்

1. தேர்தல் வாக்கு எண்ணிக்கை மையத்துக்கு 3 அடுக்கு பாதுகாப்பு கலெக்டர், போலீஸ் சூப்பிரண்டு நேரில் ஆய்வு
தேர்தல் வாக்கு எண்ணும் மையமான ராமநாதபுரத்தில் உள்ள அண்ணா பல்கலைக்கழக என்ஜினீயரிங் கல்லூரியில் 3 அடுக்கு பாதுகாப்பு போடப்பட்டு உள்ளது. அங்கு கலெக்டர், போலீஸ் சூப்பிரண்டு ஆகியோர் நேரில் பார்வையிட்டு ஆய்வு செய்தார்.
2. அசோக சக்ரா விருது பெற விண்ணப்பிக்கலாம் கலெக்டர் ஆனந்த் தகவல்
அசோக சக்ரா விருது பெற விண்ணப்பிக்கலாம் என கலெக்டர் ஆனந்த் தகவல் தெரிவித்துள்ளார்.
3. அதிகாரிக்கு கொலை மிரட்டல் விடுத்தவரை கைது செய்யக்கோரி திருப்பூர் கலெக்டர் அலுவலக வளாகத்தில் விவசாயிகள் தர்ணா
பொதுப்பணித்துறை அதிகாரிக்கு கொலை மிரட்டல் விடுத்தவர்களை கைது செய்யக்கோரி விவசாயிகள் கலெக்டர் அலுவலக வளாகத்தில் தர்ணா போராட்டத்தில் ஈடுபட்டனர்.
4. தொடக்கக்கல்வி பட்டய தேர்வுக்கு தனித்தேர்வர்கள் இன்று முதல் விண்ணப்பிக்கலாம் கலெக்டர் சாந்தா தகவல்
தொடக்கக்கல்வி பட்டய தேர்வுக்கான தனித்தேர்வர்கள் இன்று முதல் விண்ணப்பிக்கலாம் என்று மாவட்ட கலெக்டர் சாந்தா கூறினார்.
5. தாராபுரம் பனங்காட்டு வலசு பகுதியில் குடிநீர் தட்டுப்பாட்டை போக்க நடவடிக்கை எடுக்க வேண்டும் பொதுமக்கள் கலெக்டர் அலுவலகத்தில் மனு
தாராபுரம் பனங்காட்டு வலசு பகுதியில் குடிநீர் தட்டுப்பாட்டை போக்க நடவடிக்கை எடுக்க வேண்டும் என்று அந்த பகுதி பொதுமக்கள் கலெக்டர் அலுவலகத்தில் மனு கொடுத்தனர்.