பள்ளி மாணவியை கொன்ற டிரைவர் மீது பாலியல் வன்கொடுமை சட்டத்தில் வழக்குப்பதிவு செய்ய வேண்டும்

இந்தநிலையில் ராஜலட்சுமியின் பெற்றோர் சாமிவேல், சின்னபொண்ணு ஆகியோருக்கு ஆறுதல் கூறுவதற்காக சேலத்தைச் சேர்ந்த கல்லூரி மாணவி வளர்மதி, உடுமலைப்பேட்டையில் ஆணவக்கொலை செய்யப்பட்ட சங்கரின் மனைவி கவுசல்யா ஆகியோர் நேற்று மாணவி ராஜலட்சுமியின் வீட்டுக்கு வந்தனர்.

அங்கு சாமிவேல், சின்னபொண்ணுவை அவர்கள் சந்தித்து ஆறுதல் கூறினர். பின்னர் வளர்மதி, கவுசல்யா ஆகியோர் நிருபர்களுக்கு பேட்டி அளித்தனர். அப்போது அவர்கள் கூறியதாவது:-

மாணவி ராஜலட்சுமி தாழ்த்தப்பட்ட பெண் என்பதால் சாதி அடிப்படையில் இந்த கொலை நடந்துள்ளது. கொலையில் ஈடுபட்ட தினேஷ்குமார் மீது இளம்பெண்கள் பாலியல் வன்கொடுமை சட்டத்தின் கீழ் வழக்குப்பதிவு செய்ய வேண்டும். இறந்த மாணவியின் குடும்பத்தில் ஒருவருக்கு அரசு வேலை வழங்க வேண்டும். இந்த கொலைக்கு தினேஷ்குமாரின் மனைவி, தம்பி ஆகியோர் உடந்தையாக இருந்துள்ளனர். எனவே அவர்கள் மீதும் நடவடிக்கை எடுக்க வேண்டும். இவ்வாறு வளர்மதி, கவுசல்யா கூறினர்.