மாவட்ட செய்திகள்

கோயம்பேடு பகுதியில் சங்கிலி பறிப்பு-திருட்டு; 2 வாலிபர்கள் கைது + "||" + Koyambedu area Chain flush Theft 2 young men arrested

கோயம்பேடு பகுதியில் சங்கிலி பறிப்பு-திருட்டு; 2 வாலிபர்கள் கைது

கோயம்பேடு பகுதியில் சங்கிலி பறிப்பு-திருட்டு; 2 வாலிபர்கள் கைது
கோயம்பேடு பகுதியில் திருட்டு மற்றும் சங்கிலி பறிப்பில் ஈடுபட்டதாக 2 வாலிபர்களை போலீசார் கைது செய்தனர்.
பூந்தமல்லி,

சென்னை கோயம்பேடு நெற்குன்றம் பகுதியில் நேற்று முன்தினம் இரவு போலீசார் வாகன சோதனையில் ஈடுபட்டு இருந்தனர். அப்போது அந்த பகுதியில் சந்தேகப்படும்படியாக சுற்றித்திரிந்த ஒரு வாலிபரை பிடித்து விசாரித்தனர். அவர் முன்னுக்குப்பின் முரணாக பதில் கூறியதால் அவரை போலீஸ் நிலையம் அழைத்துச்சென்று விசாரித்தனர்.


அதில் அவர், சென்னை கொருக்குப்பேட்டையை சேர்ந்த ராமச்சந்திரன்(வயது 25) என்பதும், கடந்த சில மாதங்களுக்கு முன்பு நெற்குன்றத்தை சேர்ந்த ராஜூ என்பவரது வீட்டின் பூட்டை உடைத்து நகைகளை திருடியதும் தெரியவந்தது.

ராமச்சந்திரனை கைது செய்த கோயம்பேடு போலீசார், அவரிடம் இருந்து 6 பவுன் நகைகளை பறிமுதல் செய்தனர். பின்னர் அவரை சிறையில் அடைத்தனர்.

அதேபோல் கோயம்பேட்டில் போலீசார் ரோந்து பணியில் ஈடுபட்டு இருந்தனர். அப்போது மோட்டார் சைக்கிளில் வேகமாக வந்த வாலிபரை பிடித்து விசாரித்தனர். அவரிடம், அந்த மோட்டார்சைக்கிளுக்கு உரிய ஆவணங்கள் இல்லை.

விசாரணையில் அவர், பழைய வண்ணாரப்பேட்டையை சேர்ந்த வெங்கடேசன்(23) என்பதும், மதுரவாயல், கோயம்பேடு போன்ற பகுதிகளில் மோட்டார்சைக்கிளில் சென்று தனியாக நடந்து செல்லும் பெண்களிடம் சங்கிலி பறிப்பில் ஈடுபட்டதும் தெரியவந்தது.

வெங்கடேசனை கைது செய்த கோயம்பேடு போலீசார், அவரிடம் இருந்து 4 பவுன் நகைகள், ஒரு மோட்டார்சைக்கிளை பறிமுதல் செய்தனர். பின்னர் அவரை சிறையில் அடைத்தனர்.

தொடர்புடைய செய்திகள்

1. தஞ்சை திருமண மண்டபத்தில் மணமகளுக்கு சொந்தமான 60 பவுன் நகை திருட்டு
தஞ்சை திருமண மண்டபத்தில் மணமகளுக்கு சொந்தமான 60 பவுன் நகையை திருடிச் சென்ற மர்மநபர், போலீசாரை கண்டதும் நகையை போட்டுவிட்டு தப்பி சென்றுவிட்டார்.
2. பண்ருட்டியில், ஆசிரியர் தம்பதி வீட்டில் திருடிய வாலிபர் கைது
பண்ருட்டியில் ஆசிரியர் தம்பதி வீட்டில் திருடிய வாலிபரை போலீசார் கைது செய்தனர்.
3. காட்பாடி அருகே ஓடும் ரெயிலில் பெண்ணிடம் 8 பவுன் சங்கிலி பறிப்பு மர்ம ஆசாமி கைவரிசை
ஓடும் ரெயிலில் பெண்ணிடம் 8 பவுன் சங்கிலியை மர்ம ஆசாமி பறித்துச்சென்றான்.
4. அரக்கோணம் அருகே, 2 டாஸ்மாக் கடைகளில் ரூ.1½ லட்சம் கொள்ளை - பூட்டுகளை உடைத்து மர்மநபர்கள் கைவரிசை
அரக்கோணம் அருகே 2 டாஸ்மாக் கடைகளில் பூட்டை உடைத்து மர்மநபர்கள் ரூ.1½ லட்சத்தை கொள்ளையடித்துச்சென்றுள்ளனர்.
5. தஞ்சை அருகே வீடு புகுந்து 10 பவுன் நகை திருட்டு போலீசார் விசாரணை
தஞ்சை அருகே வீடு புகுந்து 10 பவுன் நகை திருடி சென்ற மர்மநபர்களை போலீசார் வலைவீசி தேடி வருகின்றனர்.