மாவட்ட செய்திகள்

தீபாவளி பண்டிகையையொட்டி பூக்களின் விலை 2 மடங்கு உயர்வு + "||" + The price of flowers is 2 times higher than the Diwali festival

தீபாவளி பண்டிகையையொட்டி பூக்களின் விலை 2 மடங்கு உயர்வு

தீபாவளி பண்டிகையையொட்டி பூக்களின் விலை 2 மடங்கு உயர்வு
தீபாவளி பண்டிகையையொட்டி தஞ்சையில் பூக்களின் விலை 2 மடங்கு உயர்ந்திருந்தது.
தஞ்சாவூர்,

தஞ்சை பூக்காரத்தெருவில் பூ மார்க்கெட் உள்ளது. இங்கு 60 கடைகள் உள்ளன. பூச்சந்தைக்கு ஸ்ரீரங்கம், நிலக்கோட்டை, திண்டுக்கல், ஓசூர் மற்றும் தஞ்சையை சுற்றியுள்ள பல கிராமங்களில் இருந்து பூக்கள் கொண்டு வரப்படுகின்றன. பூக்களின் விலையில் அடிக்கடி ஏற்ற இறக்கம் நிலவி வருகிறது. தமிழகத்தில் தற்போது பல்வேறு இடங்களில் பெய்த மழையினால் பூக்கள் உற்பத்தியும் வெகுவாக பாதிக்கப்பட்டுள்ளது.


இதனால் தஞ்சை பூ மார்க்கெட்டிற்கு பூக்கள் வரத்து குறைந்துள்ளது. தீபாவளி பண்டிகையையொட்டி பூக்கள் விற்பனை அமோகமாக நடைபெற்று வருகிறது. இதனால் நேற்று பூக்களின் விலை உயர்ந்து காணப்பட்டது.

மல்லிகைப்பூ, கனகாம்பரம் கிலோ ரூ.500-க்கு நேற்று முன்தினம் விற்பனையானது. நேற்று 2 மடங்கு விலை உயர்ந்து மல்லிகைப்பூ, கனகாம்பரம் ரூ.1,000-க்கும், ரூ.700-க்கு விற்பனையான காட்டுமல்லி ரூ.1,000-க்கு விற்கப்பட்டது. மற்ற பூக்களின் விலையும் அதிகரித்து இருந்தது. அரளி ரூ.200-க்கும், சம்பங்கி ரூ.200-க்கும், செவ்வந்தி ரூ.200-க்கும் விற்பனை யானது. பூக்களின் விலை உயர்ந்து காணப்பட்டாலும் பூக்களை வாங்கி செல்ல மக்களின் கூட்டம் அதிகமாக காணப்பட்டது.

இது குறித்து பூ வியாபாரிகள் கூறும்போது, மழை பெய்தாலே பூக்கள் வரத்து குறைந்துவிடும். செடிகளில் பூத்து இருக்கும் பூக்களுக்கு பூச்சிகளால் பாதிப்பு ஏற்படும். தீபாவளி பண்டிகையையொட்டி கடந்த 3-ந் தேதி முதல் இன்று(திங்கட்கிழமை) வரை 24 மணிநேரமும் பூ மார்க்கெட் செயல்பட்டு வருகிறது. பூக்கள் வரத்து குறைவாலும், தீபாவளி பண்டிகையையொட்டியும் விலை 2 மடங்கு உயர்ந்துள்ளது என்றனர்.

தொடர்புடைய செய்திகள்

1. வெட்டன்விடுதி சந்தையில் வெள்ளாடுகள் விலை கிடுகிடு உயர்வு ரம்ஜான் பண்டிகையையொட்டி போட்டிபோட்டு வாங்கினர்
ரம்ஜான் பண்டிகையை யொட்டி வெட்டன் விடுதி சந்தையில் வெள்ளாடுகளின் விலை கிடுகிடுவென உயர்ந்துள்ளது. வியாபாரிகள் போட்டி போட்டு ஆடுகளை வாங்கி சென்றனர்.
2. பெரம்பலூரில் காய்கறி விலை உயர்வு தக்காளி, கேரட் கிலோ ரூ.60-க்கு விற்பனை
பெரம்பலூரில் காய்கறிகளின் விலை உயர்ந்துள்ளது. தக்காளி, கேரட் கிலோ தலா ரூ.60-க்கு விற்பனை செய்யப்படுகிறது.
3. பெட்ரோல், டீசல் விலை உயர்வை கண்டித்து மாட்டு வண்டியில் மணமக்கள் ஊர்வலம்
கருங்கல் அருகே பெட்ரோல், டீசல் விலை உயர்வை கண்டித்து மணமக்கள் மாட்டு வண்டியில் ஊர்வலமாக சென்றனர்.
4. நாமக்கல் மண்டலத்தில் முட்டை விலை 10 காசுகள் சரிவு 415 காசுகளாக நிர்ணயம்
நாமக்கல் மண்டலத்தில் முட்டை விலை 10 காசுகள் சரிவடைந்து 415 காசுகளாக நிர்ணயம் செய்யப்பட்டு உள்ளது.
5. கழுதை பாலில் தயாரான 100 கிராம் குளியல் சோப்பு விலை ரூ.500; மக்களிடையே பெரும் வரவேற்பு
கழுதை பாலில் தயாரிக்கப்பட்டு ரூ.500க்கு விற்கப்படும் குளியல் சோப்பிற்கு மக்களிடையே பெரும் வரவேற்பு கிடைத்துள்ளது.

அதிகம் வாசிக்கப்பட்டவை