மாவட்ட செய்திகள்

நாகை மாவட்டத்தில் கோர்ட்டு உத்தரவை மீறி பட்டாசு வெடித்ததாக 25 பேர் மீது வழக்கு + "||" + The case has been filed against 25 persons for crashing out of fire in Nagapattinam district

நாகை மாவட்டத்தில் கோர்ட்டு உத்தரவை மீறி பட்டாசு வெடித்ததாக 25 பேர் மீது வழக்கு

நாகை மாவட்டத்தில் கோர்ட்டு உத்தரவை மீறி பட்டாசு வெடித்ததாக 25 பேர் மீது வழக்கு
நாகை மாவட்டத்தில் கோர்ட்டு உத்தரவை மீறி பட்டாசு வெடித்ததாக 25 பேர் மீது போலீசார் வழக்குப்பதிவு செய்துள்ளனர்.
நாகப்பட்டினம்,

நாடு முழுவதும் தீபாவளி பண்டிகை நேற்று முன்தினம் கோலாகலமாக கொண்டாடப்பட்டது. தீபாவளி அன்று 2 மணி நேரம் மட்டுமே பட்டாசு வெடிக்க வேண்டும் என்று சுப்ரீம் கோர்ட்டு உத்தரவிட்டிருந்தது. இதையடுத்து, தீபாவளி அன்று காலை 6 மணி முதல் 7 மணி வரையும், இரவு 7 மணி முதல் 8 மணி வரையும் பட்டாசு வெடிக்கலாம் என்று தமிழக அரசு அறிவித்திருந்தது.


நாகை மாவட்டத்தில், அரசு நிர்ணயித்துள்ளதை விடுத்து மற்ற நேரங்களில் பட்டாசு வெடிப்பவர்களை கண்காணிக்க தனிப்படைகள் அமைத்து போலீஸ் சூப்பிரண்டு விஜயகுமார் உத்தரவிட்டு இருந்தார். அதன்படி தனிப்படை போலீசார் மாவட்டம் முழுவதும் பொதுமக்கள் அதிகம் கூடும் இடங்களில் பட்டாசு வெடிப்பவர்களை கண்காணித்தனர்.

நாகப்பட்டினம் உட்கோட்டத்தில் பட்டாசு வெடித்ததாக நாகூரை சேர்ந்த விக்னேஷ்(வயது 20), ஜெகநாதன்(35), வெளிப்பாளையத்தை சேர்ந்த சிவா(23), மருந்து கொத்தள தெருவை சேர்ந்த அலெக்சாண்டர்(23), திருமருகலை சேர்ந்த தவமணி(21), கணேசன்(18), கீழையூர் காரை தெருவை சேர்ந்த வெங்கடேஸ்வரன்(25), கீழ்வேளூரை சேர்ந்த அஜித்குமார்(23) மற்றும் கூட்ஸ் ரோடு பகுதியை சேர்ந்த 15 வயது சிறுவன் ஆகியோர் மீது போலீசார் வழக்குப்பதிவு செய்தனர்.

இதேபோல் மயிலாடுதுறை உட்கோட்டத்தில் மயிலாடுதுறை சேந்தன்குடியை சேர்ந்த குட்டி கோபி(40), ஆனந்ததாண்டவபுரத்தை சேர்ந்த ராஜ்குமார்(29), ஆக்கூர் தெற்கு தெருவை சேர்ந்த அமிர்தகடேசுவரன்(31), நல்லாடை அம்பேத்கர் தெருவை சேர்ந்த முருகவேல்(46), பாலையூரை சேர்ந்த ஜோஸ்வரன்(28), திருவாவடுதுறை பிள்ளையார் தோப்பு பகுதியை சேர்ந்த சாமிநாதன்(50), வில்லியநல்லூரை சேர்ந்த ரமேஷ்(44), மணல்மேடு கார்த்தி(20), கொடிக்காரன் மூலையை சேர்ந்த ராகுல்(19), திருப்புங்கூரை சேர்ந்த தமிழ்வேந்தன்(28).

சீர்காழியை சேர்ந்த மணிகண்டன்(26), கொட்டுப்பாளையம் சிவசுப்பிரமணியன்(50), தரங்கம்பாடியை சேர்ந்த ராஜா(42), திருவெண்காடு குமரேசன்(31), மங்கைமடத்தை சேர்ந்த ரவி(40), மதனபாடியை சேர்ந்த சிலம்பரசன்(28) ஆகிய 25 பேர் மீது போலீசார் வழக்குப்பதிவு செய்துள்ளனர்.

தொடர்புடைய செய்திகள்

1. போயிங் விமான விபத்தில் கணவர் பலி: ரூ.1,925 கோடி இழப்பீடு கேட்டு பெண் வழக்கு
எத்தியோப்பியன் ஏர்லைன்சுக்கு சொந்தமான போயிங் 737 மேக்ஸ் ரக விமானம் எத்தியோப்பியா நாட்டின் தலைநகர் அடிஸ் அபாபாவில் கடந்த மார்ச் மாதம் விபத்துக்குள்ளானது.
2. பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி ஆசிரியர்கள் 2 பேர் மீது வழக்கு
பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி செய்த ஆசிரியர்கள் 2 பேர் மீது போலீசார் வழக்கு பதிவு செய்து விசாரணை நடத்தி வருகிறார்கள்.
3. செங்கல் சூளைகளில் இருந்து கொத்தடிமைகள் மீட்பு உரிமையாளர்கள் 3 பேர் மீது வழக்கு
கபிஸ்தலம் அருகே செங்கல் சூளைகளில் இருந்து கொத்தடிமை தொழிலாளர்கள் மீட்கப்பட்டது தொடர்பாக செங்கல் சூளை உரிமையாளர்கள் 3 பேர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.
4. அரவக்குறிச்சி தேர்தல் பிரசாரத்தின்போது மத கலவரத்தை தூண்டும் வகையில் பேசியதாக கமல்ஹாசன் மீது வழக்கு
அரவக்குறிச்சி தேர்தல் பிரசாரத்தின்போது மத கலவரத்தை தூண்டும் வகையில் பேசியதாக கமல்ஹாசன் மீது வழக்குப்பதிவு செய்யப்பட்டது.
5. மகளை பாலியல் வன்கொடுமை செய்த வழக்கில் ஆட்டோ டிரைவருக்கு ஆயுள் தண்டனை - திருப்பூர் மகளிர் கோர்ட்டு தீர்ப்பு
மகளை பாலியல் வன்கொடுமை செய்த வழக்கில் ஆட்டோ டிரைவருக்கு ஆயுள் தண்டனை விதித்து திருப்பூர் மகளிர் கோர்ட்டு தீர்ப்பளித்துள்ளது.