மாவட்ட செய்திகள்

கோர்ட்டு உத்தரவை மீறி பட்டாசு வெடித்ததாக 46 பேர் மீது வழக்கு + "||" + The case was filed against 46 persons allegedly outraged by the court order

கோர்ட்டு உத்தரவை மீறி பட்டாசு வெடித்ததாக 46 பேர் மீது வழக்கு

கோர்ட்டு உத்தரவை மீறி பட்டாசு வெடித்ததாக 46 பேர் மீது வழக்கு
தஞ்சை மாவட்டத்தில் கோர்ட்டு உத்தரவை மீறி பட்டாசு வெடித்ததாக 46 பேர் மீது வழக்குப்பதிவு செய்யப்பட்டுள்ளது.
தஞ்சாவூர்,

நாடு முழுவதும் தீபாவளி பண்டிகை நேற்று முன்தினம் கோலாகலமாக கொண்டாடப்பட்டது. தீபாவளி அன்று 2 மணி நேரம் மட்டுமே பட்டாசு வெடிக்க வேண்டும் என்று சுப்ரீம் கோர்ட்டு உத்தரவிட்டிருந்தது.

இதையடுத்து, தீபாவளி அன்று காலை 6 மணி முதல் 7 மணி வரையும், இரவு 7 மணி முதல் 8 மணி வரையும் பட்டாசு வெடிக்கலாம் என்று தமிழக அரசு அறிவித்திருந்தது.


தஞ்சை மாவட்டத்தில், அரசு நிர்ணயித்துள்ளதை விடுத்து மற்ற நேரங்களில் பட்டாசு வெடிப்பவர்களை கண்காணிக்க தனிப்படைகள் அமைத்து போலீஸ் சூப்பிரண்டு செந்தில்குமார் உத்தரவிட்டு இருந்தார். அதன்படி தனிப்படை போலீசார் மாவட்டம் முழுவதும் பொதுமக்கள் அதிகம் கூடும் இடங்களில் பட்டாசு வெடிப்பவர்களை கண்காணித்தனர்.

தஞ்சை காமாட்சி அம்மன் கோவில் முன்பு பட்டாசு வெடித்ததாக மேலவீதி விஸ்வபண்டிதர் தெருவை சேர்ந்த முருகானந்தம்(வயது 28), பூக்கார சுப்ரமணியர் கோவில் தெரு பகுதியில் பட்டாசு வெடித்ததாக அதே பகுதியை சேர்ந்த சூர்யா(27), மாரியம்மன் கோவில் தாமரை குளக்கரை மற்றும் சாலியகுளக்கரையில் கோர்ட்டு உத்தரவை மீறி பட்டாசு வெடித்ததாக விக்கி(24), மாயகலை(50) ஆகியோர் மீது தஞ்சை மேற்கு, தெற்கு, தாலுகா ஆகிய போலீஸ் நிலையங்களில் வழக்கு பதிவு செய்யப்பட்டது.

இதேபோல ஒரத்தநாடு, பட்டுக்கோட்டை, மதுக்கூர், திருச்சிற்றம்பலம், திருவையாறு, அம்மாப்பேட்டை, கபிஸ்தலம், அய்யம்பேட்டை, பாபநாசம், சுவாமிமலை, பட்டீஸ்வரம், நாச்சியார்கோவில் ஆகிய போலீஸ் நிலையங்களிலும் கோர்ட்டு உத்தரவை மீறி பட்டாசு வெடித்தவர்கள் மீது வழக்கு பதிவு செய்யப்பட்டன. மாவட்டம் முழுவதும் மொத்தம் 46 பேர் மீது வழக்குப் பதிவு செய்யப்பட்டது. இதில் சிலர் கைது செய்யப்பட்டு பின்னர் ஜாமீனில் விடுவிக்கப்பட்டனர்.

தொடர்புடைய செய்திகள்

1. போயிங் விமான விபத்தில் கணவர் பலி: ரூ.1,925 கோடி இழப்பீடு கேட்டு பெண் வழக்கு
எத்தியோப்பியன் ஏர்லைன்சுக்கு சொந்தமான போயிங் 737 மேக்ஸ் ரக விமானம் எத்தியோப்பியா நாட்டின் தலைநகர் அடிஸ் அபாபாவில் கடந்த மார்ச் மாதம் விபத்துக்குள்ளானது.
2. பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி ஆசிரியர்கள் 2 பேர் மீது வழக்கு
பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி செய்த ஆசிரியர்கள் 2 பேர் மீது போலீசார் வழக்கு பதிவு செய்து விசாரணை நடத்தி வருகிறார்கள்.
3. செங்கல் சூளைகளில் இருந்து கொத்தடிமைகள் மீட்பு உரிமையாளர்கள் 3 பேர் மீது வழக்கு
கபிஸ்தலம் அருகே செங்கல் சூளைகளில் இருந்து கொத்தடிமை தொழிலாளர்கள் மீட்கப்பட்டது தொடர்பாக செங்கல் சூளை உரிமையாளர்கள் 3 பேர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.
4. அரவக்குறிச்சி தேர்தல் பிரசாரத்தின்போது மத கலவரத்தை தூண்டும் வகையில் பேசியதாக கமல்ஹாசன் மீது வழக்கு
அரவக்குறிச்சி தேர்தல் பிரசாரத்தின்போது மத கலவரத்தை தூண்டும் வகையில் பேசியதாக கமல்ஹாசன் மீது வழக்குப்பதிவு செய்யப்பட்டது.
5. மகளை பாலியல் வன்கொடுமை செய்த வழக்கில் ஆட்டோ டிரைவருக்கு ஆயுள் தண்டனை - திருப்பூர் மகளிர் கோர்ட்டு தீர்ப்பு
மகளை பாலியல் வன்கொடுமை செய்த வழக்கில் ஆட்டோ டிரைவருக்கு ஆயுள் தண்டனை விதித்து திருப்பூர் மகளிர் கோர்ட்டு தீர்ப்பளித்துள்ளது.