மாவட்ட செய்திகள்

சென்னையில், பட்டாசு வெடித்ததில் 41 பேர் காயம்கடந்த ஆண்டை விட 24 சதவீதம் குறைவு + "||" + In Chennai, crackers exploded 41 people injured

சென்னையில், பட்டாசு வெடித்ததில் 41 பேர் காயம்கடந்த ஆண்டை விட 24 சதவீதம் குறைவு

சென்னையில், பட்டாசு வெடித்ததில் 41 பேர் காயம்கடந்த ஆண்டை விட 24 சதவீதம் குறைவு
சென்னையில் தீபாவளியையொட்டி 61 தீ விபத்துகள் நடந்துள்ளன. பட்டாசு வெடித்ததில் 41 பேர் காயம் அடைந்துள்ளனர்.
சென்னை,

சென்னையில், நேற்று முன்தினம் தீபாவளியையொட்டி காலை 6 மணி முதல் இரவு 12 மணி வரை தீயணைப்பு கட்டுப்பாட்டு அறைக்கு 61 அழைப்புகள் வந்திருக்கின்றன. இதில் 58 அழைப்புகள் சிறிய அளவிலான தீ விபத்துகளையும், மீதமுள்ள 3 அழைப்புகள் எளிதில் கட்டுப்படுத்தக்கூடிய தீ விபத்துகளையும் குறிப்பிட்டவை ஆகும். இதுதவிர 4 அழைப்புகள் மீட்பு நடவடிக்கைக்காக வந்தன.

கடந்த ஆண்டு தீபாவளி நேர தீ விபத்துகளின் எண்ணிக்கை 46 ஆக இருந்தது. இந்தாண்டு தீ விபத்துகள் எண்ணிக்கை 28 சதவீதம் உயர்ந்திருக்கிறது.

தீக்காய சிகிச்சை

தீபாவளி நேர தீக்காய சிகிச்சை பெறுவோர் எண்ணிக்கையும் குறைந்துள்ளது. சென்னை கீழ்ப்பாக்கம் அரசு ஆஸ்பத்திரியில் நேற்று 25 பேர் பட்டாசு வெடித்ததில் ஏற்பட்ட தீக்காயத்துக்கு சிகிச்சை பெற்றுள்ளனர். இதில் 8 பேர் மட்டும் உள்நோயாளிகள்.

சென்னை ராயப்பேட்டை அரசு ஆஸ்பத்திரியில் 16 பேர் பட்டாசு வெடித்து உண்டான தீக்காயத்துக்கு சிகிச்சை பெற்று சென்றுள்ளனர். அந்தவகையில் சென்னையில் நேற்று 41 பேர் தீக்காய சிகிச்சையை மேற்கொண்டுள்ளனர். இதுதவிர சென்னை ராஜீவ்காந்தி அரசு பொது ஆஸ்பத்திரி, ஓமந்தூரார் பன்னோக்கு அரசு ஆஸ்பத்திரி, கஸ்தூரிபா காந்தி அரசு ஆஸ்பத்திரிகளில் நேற்று தீக்காய சிகிச்சைக்காக யாரும் அனுமதிக்கப்படவில்லை.

24 சதவீதம் குறைவு

சென்னையில் கடந்த ஆண்டு தீபாவளியன்று பட்டாசு வெடித்ததில் 58 பேர் காயம் அடைந்து சிகிச்சை பெற்றனர். அதனுடன் ஒப்பிடுகையில் இந்தாண்டு தீக்காயம் அடைந்தோரின் எண்ணிக்கை 24 சதவீதம் குறைந்திருக்கிறது.

தொடர்புடைய செய்திகள்

1. சென்னையில் தண்ணீர் தட்டுப்பாட்டால் சலவைத் தொழில் பாதிப்பு
சென்னையில் தண்ணீர் தட்டுப்பாட்டால் சலவைத் தொழில் பாதிப்படைந்து வருகிறது.
2. சென்னையில் கண்காணிப்பு கேமரா இல்லாத காலங்களில் குற்றவாளிகளை நெருங்க முடியாமல் புதைக்கப்பட்ட வழக்குகள் பரபரப்பு தகவல்கள்
சென்னையில் கண்காணிப்பு கேமரா பொருத்தப்படாத காலங்களில் நடந்த பல கொலை வழக்குகளில் குற்றவாளிகளை போலீசாரால் கண்டுபிடிக்க முடியவில்லை. இதனால் அந்த வழக்குகள் புதைக்கப்பட்டன.
3. சென்னையில், ஓட்டுப்பதிவு அமைதியாக நடந்தது போலீஸ் கமிஷனர் பேட்டி
சென்னையில் அமைதியான முறையில் ஓட்டுப் பதிவு நடந்ததாக போலீஸ் கமிஷனர் ஏ.கே.விஸ்வநாதன் தெரிவித்தார்.
4. சென்னையில் 6 இடங்களில் தபால் ஓட்டுப்பதிவு தேர்தல் பணியில் ஈடுபடும் போலீசார் வாக்களித்தனர்
சென்னையில் 6 இடங்களில் தபால் ஓட்டுகள் பதிவு செய்யப்பட்டன. இதில் தேர்தல் பணியில் ஈடுபடும் போலீசார் நேற்று தபால் ஓட்டு போட்டனர்.
5. சென்னையில் தி.மு.க. வேட்பாளர்களுக்கு ஆதரவு திரட்டினார் மு.க.ஸ்டாலின் வீதி, வீதியாக பிரசாரம்
மு.க.ஸ்டாலின் நேற்று சென்னையில் வீதி, வீதியாக சென்று தி.மு.க. வேட்பாளர்களுக்கு ஆதரவு திரட்டினார். அவர் நடந்து சென்று வாக்கு சேகரித்ததால் தொண்டர்கள் உற்சாகம் அடைந்தனர்.