மாவட்ட செய்திகள்

மாவட்டத்தில் ரூ.2,560 கோடிக்கு குறுகிய கால பயிர்க்கடன் கலெக்டர் ஆசியா மரியம் தகவல் + "||" + In the district Rs 2,560 crore short-term crops Collector Asia Mariam Info

மாவட்டத்தில் ரூ.2,560 கோடிக்கு குறுகிய கால பயிர்க்கடன் கலெக்டர் ஆசியா மரியம் தகவல்

மாவட்டத்தில்
ரூ.2,560 கோடிக்கு குறுகிய கால பயிர்க்கடன்
கலெக்டர் ஆசியா மரியம் தகவல்
நாமக்கல்லில் நபார்டு வங்கியின் வளம் சார்ந்த கடன் திட்ட அறிக்கையை வெளியிட்ட கலெக்டர் ஆசியா மரியம், மாவட்டத்தில் குறுகிய கால பயிர்க்கடனாக ரூ.2,560 கோடி வழங்க இலக்கு நிர்ணயம் செய்யப்பட்டு உள்ளதாக தெரிவித்தார்.
நாமக்கல், 

நாமக்கல் மாவட்ட கலெக்டர் அலுவலக கூட்டரங்கில் நபார்டு வங்கியின் 2019-20-ம் ஆண்டுக்கான வளம் சார்ந்த கடன் திட்ட அறிக்கையின் முதல் பிரதியை கலெக்டர் ஆசியா மரியம் வெளியிட்டார். அதை இந்திய ரிசர்வ் வங்கியின் நாமக்கல் மாவட்டத்திற்கான உதவி பொது மேலாளர் சேதுராமன், நாமக்கல் மாவட்ட முன்னோடி வங்கி மேலாளர் முத்தரசு ஆகியோர் பெற்றுக் கொண்டனர்.

இந்த நிகழ்ச்சியில் கலெக்டர் ஆசியா மரியம் பேசியதாவது:- நாமக்கல் மாவட்டத்தில் கண்டறியப்பட்டு உள்ள வளங்களின் திறன் அடிப்படையில் நபார்டு வங்கியின் 2019-20-ம் ஆண்டுக்கான வளம் சார்ந்த கடன் திட்டமானது “2022-ம் ஆண்டுக்குள் விவசாயிகளின் வருமானத்தை இரட்டிப்பாக்குதல்“ என்ற நோக்கத்தில் உருவாக்கப்பட்டு உள்ளது.

அதன்படி கால்நடை வளர்ப்பு, தோட்டக்கலை மற்றும் விவசாயம் சாரா தொழில்களில் விவசாயிகளை ஈடுபடுத்தி, அவர்களின் வருமானத்தை அதிகரிக்கச் செய்ய வேண்டும்.

நபார்டு வங்கியின் 2019-20-ம் ஆண்டுக்கான வளம் சார்ந்த கடன் திட்ட அறிக்கையில் நாமக்கல் மாவட்டத்திற்கு முன் உரிமை கடனாக ரூ.6,240 கோடி வழங்கிட வாய்ப்பு உள்ளதாக தெரிவிக்கப்பட்டு உள்ளது. குறுகிய கால பயிர்க்கடனாக ரூ.2,560 கோடியும், வேளாண் தொழில் சார்ந்த விவசாய கட்டமைப்புகள், உணவு மற்றும் பயிர் பதனிடும் தொழில்களுக்கு குறுகிய கால கடனாக ரூ.1,545 கோடியும் வழங்க இலக்கு நிர்ணயம் செய்யப்பட்டு உள்ளது.

அதேபோல் குறு, சிறு மற்றும் நடுத்தர நிறுவனங்களுக்கான கடன் இலக்கு ரூ.800 கோடியாக நிர்ணயிக்கப்பட்டு உள்ளது. மேலும் இந்திய ரிசர்வ் வங்கியின் புதிய முன்னுரிமை கடன் கொள்கையின்படி ஏற்றுமதி கடன், கல்வி, வீடு கட்டுமான கடன்கள், சுய உதவிக்குழுக்கள் மற்றும் கூட்டு பொறுப்பு குழுக்களுக்கு கடன் வழங்க இலக்கு நிர்ணயிக்கப்பட்டு உள்ளது.

வேளாண் மற்றும் அதை சார்ந்த தொழில்களை விரைந்து மேம்படுத்த அனைத்து வங்கியாளர்களும், அலுவலர்களும் இணைந்து தங்கள் பணியினை அர்பணிப்பு உணர்வோடு மேற்கொள்ள வேண்டும். இவ்வாறு கலெக்டர்பேசினார்.

இதில் நபார்டு வங்கியின் மாவட்ட வளர்ச்சி அதிகாரி தினேஷ், அனைத்து வங்கிகளின் மாவட்ட ஒருங்கிணைப்பாளர்கள் மற்றும் அரசுத்துறை அலுவலர்கள் கலந்து கொண்டனர்.


தொடர்புடைய செய்திகள்

1. தூய்மையான பள்ளிகள் குறித்த விழிப்புணர்வு போட்டி: வெற்றிபெற்ற மாணவ, மாணவிகளுக்கு பரிசு கலெக்டர் ஆசியா மரியம் வழங்கினார்
தூய்மையான பள்ளிகள் குறித்த விழிப்புணர்வு போட்டியில் வெற்றிபெற்ற மாணவ, மாணவிகளுக்கு கலெக்டர் ஆசியா மரியம் பரிசு வழங்கினார்.
2. நாமக்கல்லில், 15-ந் தேதி மாற்றுத்திறனாளிகளுக்கான விளையாட்டு போட்டிகள் கலெக்டர் ஆசியா மரியம் தகவல்
நாமக்கல்லில் வருகிற 15-ந் தேதி மாற்றுத்திறனாளிகளுக்கான விளையாட்டு போட்டிகள் நடைபெற இருப்பதாக கலெக்டர் ஆசியா மரியம் தெரிவித்து உள்ளார்.
3. கறவை பசுக்கள் வழங்கும் திட்டம்: பயனாளிகள் தேர்வுக்கு சிறப்பு கிராமசபை கூட்டம் கலெக்டர் ஆசியா மரியம் தகவல்
எலச்சிபாளையம் ஒன்றியத்தில் இலவச கறவை பசுக்கள் வழங்கும் திட்டத்தின் கீழ் பயனாளிகளை தேர்வு செய்ய சிறப்பு கிராமசபை கூட்டம் வருகிற 16 மற்றும் 23-ந் தேதிகளில் நடைபெற இருப்பதாக கலெக்டர் ஆசியா மரியம் தெரிவித்து உள்ளார்.
4. பன்றிக்காய்ச்சல் தொற்றை தடுக்க பொது இடங்களை சுத்தம் செய்ய காலக்கெடு கலெக்டர் ஆசியா மரியம் அறிவுறுத்தல்
பன்றிக்காய்ச்சல் தொற்றை தடுக்க பஸ் நிலையங்கள், ஆஸ்பத்திரிகள், வணிக வளாகங்கள் உள்பட பொதுமக்கள் அதிக அளவில் திரளும் பொது இடங்களை ஒரு வார காலத்துக்குள் சுத்தம் செய்ய வேண்டும் என நாமக்கல் கலெக்டர் ஆசியா மரியம் அறிவுறுத்தி உள்ளார்.
5. நாமக்கல்லில் டெங்கு காய்ச்சல் தடுப்பு பணி கலெக்டர் ஆசியா மரியம் ஆய்வு
நாமக்கல்லில் டெங்கு காய்ச்சலை தடுக்க மேற்கொள்ளப்பட்டு வரும் முன்எச்சரிக்கை பணிகளை கலெக்டர் ஆசியா மரியம் பார்வையிட்டு ஆய்வு செய்தார்.