மாவட்ட செய்திகள்

மாவட்டத்தில் 44 மையங்களில், இன்று குரூப்-2 தேர்வை 12,128 பேர் எழுதுகிறார்கள் + "||" + 44 centers in the district today 12,128 people write group selection

மாவட்டத்தில் 44 மையங்களில், இன்று குரூப்-2 தேர்வை 12,128 பேர் எழுதுகிறார்கள்

மாவட்டத்தில் 44 மையங்களில், இன்று
குரூப்-2 தேர்வை 12,128 பேர் எழுதுகிறார்கள்
கிருஷ்ணகிரி மாவட்டத்தில் 44 மையங்களில் இன்று (ஞாயிற்றுக்கிழமை) நடைபெறும் குரூப்-2 தேர்வை 12,128 பேர் எழுதுகின்றனர்.
கிருஷ்ணகிரி,

தமிழகம் முழுவதும் தமிழ்நாடு அரசு பணியாளர் தேர்வாணையம் மூலம் குரூப்-2 தேர்வு இன்று (ஞாயிற்றுக் கிழமை) காலை 10 மணி முதல் மதியம் 1 மணி வரை நடைபெற உள்ளது. நகராட்சி ஆணையர், சார் பதிவாளர் (கிரேடு 2), உதவி பிரிவு அதிகாரி, உதவி தொழிலாளர் ஆய்வாளர், சிறைத்துறை நன்னடத்தை அதிகாரி, இளநிலை வேலைவாய்ப்பு அதிகாரி, உள்ளாட்சி தணிக்கை உதவி ஆய்வாளர், கைத்தறி ஆய்வாளர், கூட்டுறவு சங்கங்களின் முதுநிலை ஆய்வாளர், வருவாய் உதவியாளர் உள்ளிட்ட பல்வேறு விதமான பதவிகளில் காலியாக உள்ள 1,199 பணியிடங்களை நிரப்ப இந்த தேர்வு நடத்தப்படுகிறது.

கிருஷ்ணகிரி மாவட்டத்தில் 44 மையங்களில் நடைபெறும் இந்த தேர்வினை எழுத 12 ஆயிரத்து 128 பேர் விண்ணப்பித்துள்ளனர். அதன்படி கிருஷ்ணகிரியில் 28 மையங்களில் 7 ஆயிரத்து 748 பேரும், ஓசூரில் 14 மையங்களில் 3,918 பேரும், தேன்கனிக்கோட்டையில் 3 மையங்களில் 462 பேரும் எழுத விண்ணப்பித்துள்ளனர். இந்த மையங்களில் குடிநீர், மின்சாரம் போன்ற அடிப்படை வசதிகள் செய்யப்பட்டுள்ளது.

அத்துடன் சிறப்பு பஸ்களும் இயக்க நடவடிக்கை எடுக்கப்பட்டுள்ளது. மேலும் பறக்கும் படை கிருஷ்ணகிரிக்கு 6, ஓசூருக்கு 3, தேன்கனிக்கோட்டைக்கு 1 என 10 பறக்கும் படைகளும், 10 நடமாடும் குழுக்களும், 44 ஆய்வு அலுவலர்களும் நியமிக்கப்பட்டுள்ளனர். அத்துடன் முதன்மை கண்காணிப்பாளர்களாக 44 பேரும், அறை கண்காணிப்பாளர்களாக 606 பேரும் பணியில் அமர்த்தப்பட்டுள்ளனர். மேலும் 44 மையங்களுக்கும் 44 வீடியோ கிராபர்கள் நியமிக்கப் பட்டுள்ளனர்.

அனைத்து மையங்களில் பலத்த போலீஸ் பாதுகாப்பு ஏற்பாடுகள் செய்யப்பட்டுள்ளதாக மாவட்ட நிர்வாகம் தெரிவித்துள்ளது.


தொடர்புடைய செய்திகள்

1. மாவட்டத்தில் குரூப்-2 தேர்வை 27,157 பேர் எழுதினர் கலெக்டர் ரோகிணி ஆய்வு
சேலம் மாவட்டத்தில் நடைபெற்ற டி.என்.பி.எஸ்.சி. குரூப்-2 தேர்வை 27 ஆயிரத்து 157 பேர் எழுதினர். தேர்வு மையத்தை கலெக்டர் ரோகிணி பார்வையிட்டு ஆய்வு நடத்தினார்.
2. மாவட்டத்தில் 44 மையங்களில் குரூப்-2 தேர்வை 8,779 பேர் எழுதினர்
கிருஷ்ணகிரி மாவட்டத்தில் 44 மையங்களில் குரூப்-2 தேர்வை 8 ஆயிரத்து 779 பேர் எழுதினார்கள்.
3. திருவண்ணாமலை மாவட்டத்தில் 15,481 பேர் குரூப்-2 தேர்வு எழுதினர்
திருவண்ணாமலை மாவட்டத்தில் 15 ஆயிரத்து 481 பேர் குரூப்-2 தேர்வு எழுதினர். தேர்வு மையங்களை கலெக்டர், மாவட்ட வருவாய் அதிகாரி ஆகியோர் ஆய்வு செய்தனர்.
4. மாவட்டம் முழுவதும் : 12 ஆயிரத்து 579 பேர் குரூப்-2 தேர்வு எழுதினர் - வினாக்கள் எளிதாக இருந்ததாக கருத்து
திண்டுக்கல் மாவட்டத்தில் குரூப்-2 தேர்வை 12 ஆயிரத்து 579 பேர் எழுதினர். வினாக்கள் மிகவும் எளிதாக இருந்ததாக தேர்வர்கள் கருத்து தெரிவித்துள்ளனர்.
5. 66 மையங்களில் நாளை குரூப்-2 தேர்வு - 17 ஆயிரத்து 346 பேர் எழுதுகின்றனர்
திண்டுக்கல் மாவட்டத்தில் 66 மையங்களில் நாளை நடைபெறும் குரூப்-2 தேர்வை 17 ஆயிரத்து 346 பேர் எழுதுகின்றனர்.