மாவட்ட செய்திகள்

குமரி மாவட்டத்தில் மேலும் 6 தபால் நிலையங்களில் வங்கி சேவை திட்டம் தொடக்கம் + "||" + Banking Scheme will be started in 6 post offices in Kumari district

குமரி மாவட்டத்தில் மேலும் 6 தபால் நிலையங்களில் வங்கி சேவை திட்டம் தொடக்கம்

குமரி மாவட்டத்தில் மேலும் 6 தபால் நிலையங்களில் வங்கி சேவை திட்டம் தொடக்கம்
குமரி மாவட்டத்தில் மேலும் 6 தபால் நிலையங்களில் வங்கி சேவை திட்டம் தொடங்கியுள்ளது.
அருமனை,

தபால் நிலையங்களில் வங்கி சேவை திட்டத்தை கடந்த செப்டம்பர் மாதம் பிரதமர் மோடி தொடங்கி வைத்தார். அதன்படி குமரி மாவட்டத்தில் 5 தபால் நிலையங்களில் வங்கி சேவை திட்டம் தொடங்கப்பட்டது.

இந்த நிலையில் அருமனையில் உள்ள தபால் நிலையத்தில் நேற்று வங்கி சேவை திட்ட தொடக்க விழா நடந்தது. இதனை தபால்துறை முதுநிலை கோட்ட கண்காணிப்பாளர் சந்திரசேகர் தொடங்கி வைத்து பேசினார்.


அப்போது அவர் கூறியதாவது:-

தபால்துறை மக்களுக்கு பல்வேறு வகையில் உதவிகளை செய்து வருகிறது. பெண் குழந்தைகளின் நலனுக்காக செல்வ மகள் திட்டம், காப்பீட்டு திட்டங்கள் செயல்பட்டு வருகிறது. தற்போது கிராமங்களில் ஏழைகளை பொருளாதாரத்தில் முன்னேற்றும் விதமாக வங்கி சேவையை தொடங்கி உள்ளது. இதன் மூலம் வங்கிகள் செய்யும் அனைத்து பண பரிவர்த்தனைகளையும் இங்கு செய்ய முடியும்.

பொதுமக்கள் தொலைபேசியில் தெரிவித்தால் போதும் தபால்காரர் மூலம் வீட்டில் பணம் கொடுக்கப்படும். குமரி மாவட்டத்தில் செல்வ மகள் திட்டத்தில் 60 ஆயிரம் கணக்குகள் தொடங்கப்பட்டுள்ளன. வீட்டு வரி, மின் கட்டணம், விமான டிக்கெட், பார்சல் புக்கிங் உள்பட பல்வேறு சேவைகளை தபால்துறை வழங்குகிறது. இன்றைய தினம் (அதாவது நேற்று) அருமனை, திருவட்டார், தக்கலை, நெய்யூர், முளகுமூடு, தாழக்குடி ஆகிய 6 தபால் நிலையங்களில் வங்கி சேவை திட்டம் தொடங்கப்பட்டுள்ளது. தற்போது மாவட்டம் முழுவதும் 11 தபால் நிலையங்களில் வங்கி சேவை திட்டம் செயல்படுகிறது.

இவ்வாறு அவர் கூறினார்.

விழாவில் மாவட்ட தபால்துறை கிளை மேலாளர் நவீன், குழித்துறை உபகோட்ட ஆய்வாளர் கண்மணி, பேரூராட்சி முன்னாள் தலைவர் சுஜி மற்றும் பலர் கலந்து கொண்டனர். அருமனை தபால் மாஸ்டர் சந்திரன் அனைவரையும் வரவேற்றார். கென்னடி நன்றி கூறினார்.

தொடர்புடைய செய்திகள்

1. வயலோகம், காரையூர் முத்துமாரியம்மன் கோவில்களில் பூச்சொரிதல் விழா
வயலோகம், காரையூர் முத்துமாரியம்மன் கோவில்களில் பூச்சொரிதல் விழா நடைபெற்றது.
2. திருச்சி நத்தர்ஷா பள்ளிவாசலில் சந்தனக்கூடு விழா
திருச்சி நத்தர்ஷா பள்ளிவாசலில் சந்தனக்கூடு விழா நடந்தது.
3. அனைத்து போட்டி தேர்வுகளையும் மாணவர்கள் எழுத தயாராக வேண்டும் மாவட்ட நீதிபதி பேச்சு
மாணவர்கள் அனைத்து போட்டி தேர்வுகளையும் எழுத தயாராக வேண்டும் என்று மாவட்ட நீதிபதி சுமதி கூறினார்.
4. பெரம்பலூர் பாலமுருகன் கோவிலில் வைகாசி விசாக விழா
பெரம்பலூர் பாலமுருகன் கோவிலில் வைகாசி விசாக விழா நடைபெற்றது.
5. மணப்பாறையில் வேப்பிலை மாரியம்மன் கோவிலுக்கு பால்குடம் எடுத்து வந்த பக்தர்கள்
மணப்பாறையில் வேப்பிலை மாரியம்மன் கோவில் திருவிழாவையொட்டி ஏராளமான பக்தர்கள் பால்குடம் எடுத்து வந்தனர். இன்று வேடபரி நிகழ்ச்சி நடக்கிறது.