மாவட்ட செய்திகள்

சேலத்தில் வெவ்வேறு இடங்களில் தொழிலாளிகள் 2 பேர் தற்கொலை + "||" + Different places in the sari Workers 2 suicides

சேலத்தில் வெவ்வேறு இடங்களில் தொழிலாளிகள் 2 பேர் தற்கொலை

சேலத்தில் வெவ்வேறு இடங்களில்
தொழிலாளிகள் 2 பேர் தற்கொலை
சேலத்தில் வெவ்வேறு இடங்களில் தொழிலாளிகள் 2 பேர் தற்கொலை செய்து கொண்டனர். இது தொடர்பாக போலீசார் விசாரணை நடத்தி வருகிறார்கள்.
சேலம், 

சேலம் சாமிநாதபுரம் அந்தோணிசாமி தெருவை சேர்ந்தவர் மரியபிரகாசம் (வயது 52). தொழிலாளி. இவருடைய மனைவி தர்ணத்மேரி. இவர்களுக்கு 2 மகள்கள் உள்ளனர். மரியபிரகாசத்திற்கு குடிபழக்கம் இருந்து வந்ததாக கூறப்படுகிறது. இதனால் கணவன், மனைவி இடையே தகராறு ஏற்பட்டு வந்தது. இதன் காரணமாக ஏற்கனவே 2 முறை மரியபிரகாசம் தற்கொலைக்கு முயற்சித்து இருந்தார்.

இந்தநிலையில் நேற்று முன்தினம் கணவன், மனைவி இடையே மீண்டும் தகராறு ஏற்பட்டது. இதனால் வாழ்க்கையில் வெறுப்படைந்த மரியபிரகாசம் வீட்டில் தூக்குப்போட்டு தற்கொலை செய்து கொண்டார். இதுகுறித்து தகவலறிந்த பள்ளப்பட்டி போலீசார் சம்பவ இடத்திற்கு வந்து விசாரணை நடத்தினர். பின்னர் இது தொடர்பான புகாரின் பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.

திருமலைகிரி மொட்டையன் தெருவை சேர்ந்தவர் சண்முகம் (46). தொழிலாளி. இவருக்கு வயிற்று வலி இருந்து வந்ததாக கூறப்படுகிறது. இதற்காக சண்முகம் பல்வேறு ஆஸ்பத்திரிகளில் சிகிச்சை பெற்றும் வயிற்று வலி சரியாகவில்லை. இதனால் அவர் வாழ்க்கையில் வெறுப்படைந்த நிலையில் காணப்பட்டார். இந்தநிலையில் கடந்த 8-ந் தேதி வீட்டில் சண்முகம் தூக்குப்போட்டு தற்கொலை செய்து கொள்ள முயன்றார். இதைப்பார்த்த அவருடைய குடும்பத்தினர் சண்முகத்தை மீட்டு சிகிச்சைக்காக சேலம் அரசு ஆஸ்பத்திரியில் சேர்த்தனர். அங்கு அவருக்கு சிகிச்சை அளிக்கப்பட்டு வந்தது.

நேற்று முன்தினம் சிகிச்சை பலனின்றி சண்முகம் பரிதாபமாக உயிரிழந்தார். இது தொடர்பாக இரும்பாலை போலீஸ் நிலையத்தில் புகார் கொடுக்கப்பட்டது. அதன் பேரில் போலீஸ் இன்ஸ்பெக்டர் ரஜினி வழக்குப்பதிவுசெய்து விசாரணை நடத்தி வருகிறார்.

தொடர்புடைய செய்திகள்

1. தாய், மனைவி, குழந்தைகளை கொன்று ஆசிரியர் தற்கொலை 5 பேரின் உடல்களும் ஒரே குழியில் அடக்கம்
தாய், மனைவி மற்றும் குழந்தைகளை கொன்றுவிட்டு ஆசிரியர் தற்கொலை செய்து கொண்டார். இறந்து போன 5 பேரின் உடல்களும் ஒரே குழியில் அடக்கம் செய்யப்பட்டது.
2. தாய், மனைவி, குழந்தைகளை கொன்று ஆசிரியர் தற்கொலை ஒரே குடும்பத்தில் 5 பேர் இறந்த பரிதாபம்
கோவை அருகே தாய், மனைவி மற்றும் குழந்தைகளை கொன்று விட்டு அரசு பள்ளி ஆசிரியர் தற்கொலை செய்து கொண்டார்.
3. வெடிமருந்து குடோன்களுக்கு சீல் வைக்கக்கோரி மண்எண்ணெய் கேன்களுடன் லாரியை சிறை பிடித்த பொதுமக்கள் தீக்குளிக்க போவதாக கூறியதால் பரபரப்பு
மூலனூர் அருகே வெடிமருந்து குடோன்களுக்கு சீல் வைக்கக்கோரி மண்எண்ணெய் கேன்களுடன் வந்து லாரியை பொதுமக்கள் சிறை பிடித்தனர். அப்போது தீக்குளிக்க போவதாக பொதுமக்கள் கூறியதால் பரபரப்பு ஏற்பட்டது.
4. விபத்தில் கை, கால் செயலிழந்ததால் விரக்தி: கழுத்தை அறுத்து வாலிபர் தற்கொலை
விபத்தில் கை, கால் செயலிழந்த விரக்தியில் கழுத்தை அறுத்து வாலிபர் தற்கொலை செய்துகொண்டார்.
5. புவனகிரி அருகே தீக்குளித்து மெக்கானிக் தற்கொலை அண்ணன் இறந்த சோகத்தில் விபரீத முடிவு
புவனகிரி அருகே தனது அண்ணன் இறந்ததால், சோகத்தில் இருந்த மெக்கானிக் தீக்குளித்து தற்கொலை செய்து கொண்டார்.