மாவட்ட செய்திகள்

பட்டுக்கோட்டையில் பலத்த மழை: வீட்டின் மேற்கூரை இடிந்து விழுந்து தொழிலாளி பலி + "||" + Heavy rain in Pattukottai: The roof of the house collapses and the worker kills

பட்டுக்கோட்டையில் பலத்த மழை: வீட்டின் மேற்கூரை இடிந்து விழுந்து தொழிலாளி பலி

பட்டுக்கோட்டையில் பலத்த மழை: வீட்டின் மேற்கூரை இடிந்து விழுந்து தொழிலாளி பலி
பட்டுக்கோட்டையில், பலத்த மழையால் வீட்டின் மேற்கூரை இடிந்து விழுந்து தொழிலாளி பலியானார்.
பட்டுக்கோட்டை, 

கஜா புயல் தஞ்சை, திருவாரூர், நாகை மாவட்டங்களை சின்னா, பின்னாமாக்கி விட்டு சென்று விட்டது. இந்த மாவட்டங்களில் கூரை வீடுகள், ஓட்டு வீடுகள், பல லட்சக்கணக்கான மரங்கள் சேதம் அடைந்தன. வீடு மற்றும் உடமைகளை இழந்தவர்கள் நிவாரண முகாம்களில் தங்க வைக்கப்பட்டு உள்ளனர்.

இவ்வாறு தங்க வைக்கப்பட்டு உள்ளவர்களுக்கு அரசின் சார்பில் நிவாரண உதவிகள் வழங்கப்பட்டு வருகிறது. மேலும் பல்வேறு தனியார் அமைப்புகள், தொண்டு நிறுவனங்கள் சார்பிலும் நிவாரண உதவிகள் வழங்கப்படுகிறது. இந்த நிலையில் கடந்த 2 நாட்களாக இந்த மாவட்டங்களில் நல்ல மழை பெய்து வருகிறது. இந்த மழைக்கு வீட்டின் மேற்கூரை இடிந்து விழுந்து தொழிலாளி ஒருவர் பலியானார்.

இது பற்றிய விவரம் வருமாறு:-

தஞ்சை மாவட்டம் பட்டுக்கோட்டை நகராட்சி சிவக்கொல்லை தெருவைச் சேர்ந்தவர் சங்கர்(வயது 45). கூலித்தொழிலாளியான இவருக்கு திருமணம் ஆகாததால் தனது அக்காள் வீட்டில் வசித்து வந்தார்.

நேற்று அதிகாலை பட்டுக்கோட்டையில் பலத்த காற்றுடன் மழை பெய்தது. இதனால் வீட்டின் மேற்கூரை இடிந்து தூங்கிக்கொண்டிருந்த சங்கர் மீது விழுந்தது. இதில் உடல் நசுங்கி சங்கர், அந்த இடத்திலேயே பரிதாபமாக இறந்தார்.இதுகுறித்து பட்டுக்கோட்டை நகர போலீசார் வழக்குப்பதிவு செய்து விசாரணை நடத்தி வருகின்றனர்.

மழையால் வீட்டின் மேற்கூரை இடிந்து விழுந்து தொழிலாளி பலியான சம்பவம் அந்த பகுதியில் மிகுந்த சோகத்தை ஏற்படுத்தி உள்ளது.

தொடர்புடைய செய்திகள்

1. சிவமொக்காவில் விடிய, விடிய பலத்த மழை - மாஸ்திகட்டேயில் 104 மி.மீ. மழை பதிவு
சிவமொக்காவில் விடிய, விடிய பலத்த மழை கொட்டி தீர்த்தது. இதில் அதிகபட்சமாக மாஸ்திகட்டே பகுதியில் 104மில்லிமீட்டர் மழை பதிவாகி உள்ளது.
2. ஏற்காட்டில் பலத்த மழை: மரம் விழுந்து கண்ணாடி மாளிகை சேதம்
ஏற்காட்டில் பலத்த மழை காரணமாக மரக்கிளை முறிந்து விழுந்ததால் கண்ணாடி மாளிகை சேதம் அடைந்தது.
3. ஓமலூர், மேச்சேரியில் சூறாவளி காற்றுடன் பலத்த மழை கோழிப்பண்ணைகள், வீடுகள் சேதம்
ஓமலூர், மேச்சேரி பகுதிகளில் சூறாவளி காற்றுடன் பலத்த மழை பெய்தது. காற்றினால் மேற்கூரைகள் பறந்ததால், கோழிப்பண்ணைகள், வீடுகள் சேதம் அடைந்தன.
4. கிணற்றை ஆழப்படுத்தும் பணியின்போது கிரேனில் இருந்து கல் விழுந்து தொழிலாளி பலி
கிணற்றை ஆழப்படுத்தும் பணியின்போது கிரேனில் இருந்து கல் விழுந்து தொழிலாளி பலியானார்.
5. ஆலங்குளம் அருகே கார்-மோட்டார் சைக்கிள் மோதல்; தொழிலாளி பலி
ஆலங்குளம் அருகே கார்-மோட்டார் சைக்கிள் மோதிக் கொண்டதில் தொழிலாளி பரிதாபமாக இறந்தார்.

அதிகம் வாசிக்கப்பட்டவை