பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்

மும்பை, 

பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டு உள்ளது.

பராமரிப்பு பணி

மத்திய ரெயில்வேயின் மெயின் வழித்தடத்தில் உள்ள முல்லுண்டு- மாட்டுங்கா இடையே விரைவு வழித்தடத்தில் இன்று (ஞாயிற்றுக்கிழமை) காலை 11.15 மணி முதல் பிற்பகல் 3.45 மணி வரை பராமரிப்பு பணி நடக்கிறது.

இதன் காரணமாக கல்யாணில் இருந்து வரும் விரைவு மின்சார ரெயில்கள் காலை 10.37 மணி முதல் பிற்பகல் 3.06 மணி வரை திவா- பரேல் இடையே ஸ்லோ வழித்தடத்தில் திருப்பி விடப்படும்.

இந்த ரெயில் இவ்விரு ரெயில் நிலையங்களுக்கு இடையே உள்ள அனைத்து ரெயில் நிலையங்களிலும் நின்று செல்லும். பரேலில் இருந்து மீண்டும் விரைவு வழித்தடத்தில் திருப்பி விடப்படும்.

துறைமுக வழித்தடத்தில் பன்வெல்- நெருல் மற்றும் கார்கோபர்- நெருல், பேலாப்பூர் இடையே காலை 11.30 மணி முதல் மாலை 4 மணி வரை பராமரிப்பு பணி நடக்கிறது. இதன் காரணமாக பன்வெல், பேலாப்பூர்- சி.எஸ்.எம்.டி. இடையே காலை 11.06 மணி முதல் மாலை 4.01 மணி வரையும், நெருல்- பேலாப்பூர், பன்வெல் இடையே காலை 11.01 மணி முதல் மாலை 4.06 மணி வரையும் ரெயில் சேவை ரத்து செய்யப்பட்டு உள்ளது.

பேலாப்பூர், நெருல்- கார்கோபர் இடையே காலை 11.02 மணி முதல் மாலை 4 மணி வரையும், மறுமார்க்கத்தில் காலை 11.30 மணி முதல் மாலை 4.45 மணி வரையும் ரெயில்கள் ரத்து செய்யப்பட்டு உள்ளது.

சிறப்பு ரெயில்

பன்வெல்- அந்தேரி இடையேயும், டிரான்ஸ்ஹார்பர் வழித்தடத்தில் தானே- பன்வெல் இடையேயும் ரெயில் சேவை இருக்காது.

இருப்பினும் சி.எஸ்.எம்.டி.- நெருல், தானே- நெருல் இடையே சிறப்பு ரெயில்கள் இயக்கப்படும். மேற்கு ரெயில்வே வழித்தடத்தில் போரிவிலி- கோரேகாவ் இடையே இருமார்க்கத்திலும் காலை 10.35 மணி முதல் பிற்பகல் 3.35 மணி வரை பராமரிப்பு பணி நடக்கிறது.

இந்த தகவல் மத்திய ரெயில்வே வெளியிட்டுள்ள செய்திக்குறிப்பில் தெரிவிக்கப்பட்டு உள்ளது.