மாவட்ட செய்திகள்

ஆந்திரா முதல் ராமநாதபுரம் வரை 1,250 கிலோ மீட்டர் தூரத்தை கடந்து புறா சாதனை + "||" + From Andhra to Ramanathapuram Crossing 1,250 km Pigeon record

ஆந்திரா முதல் ராமநாதபுரம் வரை 1,250 கிலோ மீட்டர் தூரத்தை கடந்து புறா சாதனை

ஆந்திரா முதல் ராமநாதபுரம் வரை 1,250 கிலோ மீட்டர் தூரத்தை கடந்து புறா சாதனை
ராமநாதபுரத்தில் நடைபெற்ற புறா பந்தய போட்டியில் ஆந்திரா மாநிலம் பாலர்ஷா முதல் ராமநாதபுரம் வரையிலான 1,250 கிலோ மீட்டர் தூரத்தினை கடந்து புறா புதிய சாதனை படைத்துள்ளது.

ராமநாதபுரம்,

ராமநாதபுரம் புறா சங்கத்தின் சார்பில் ஒவ்வொரு ஆண்டும் புறா பந்தயம் நடத்தப்பட்டு வருகிறது. இதன்படி 14–வது ஆண்டு புறா பந்தயம் 7 கட்டங்களாக நடைபெற்றன. இந்த போட்டிகளில் ஆந்திரா மாநிலம் பாலர்ஷா பகுதியில் இருந்து ராமநாதபுரம் வரையிலான 1,250 கிலோ மீட்டர் தூரத்வீழீ வீரமணி என்பவரின் புறா 104 மணி நேரம் 37 நிமிடங்களில் கடந்து புதிய சாதனை படைத்துள்ளது. இதேபோல பெத்தப்பள்ளி பகுதியில் இருந்து ராமநாதபுரம் வரையிலான ஆயிரம் கிலோ மீட்டர் தூரத்தை அப்துல் சுக்கூர் என்பவரின் புறா 65 மணி நேரம் 45 நிமிடங்களில் கடந்து சாதனை படைத்துள்ளது.

மேலும் ஆந்திரா மேடாரமெட்லா பகுதியில் இருந்து ராமநாதபுரம் வரையிலான 720 கிலோ மீட்டர் தூரத்தை சிவாஜி கணேசன் என்பவரின் புறாக்கள் முதல் மற்றும் 3–வது இடத்தையும், சரவணக்குமார் என்பவரின் புறா 2–வது இடத்தையும் பிடித்தது. ஆந்திரா நாயுடுபேட்டை பகுதியில் இருந்து ராமநாதபுரம் வரையிலான 540 கிலோ மீட்டர் தூரத்தை கடந்து வந்து ரூபஸ் என்பவரின் புறா முதலிடமும், அப்துல் சுக்கூர் என்பவரின் புறா 2–வது இடமும், சரவணக்குமார் என்பவரின் புறா 3–வது இடமும் பிடித்தன.

இதேபோல சென்னை தாம்பரம் முதல் ராமநாதபுரம் வரையிலான 415 கிலோ மீட்டர் தூரத்தை விரைவாக கடந்து ரூபஸ் என்பவரின் புறா முதல் இடத்தையும், அப்துல் சுக்கூர் என்பவரின் புறா முறையே 2 மற்றும் 3–வது இடமும் பிடித்தன. விழுப்புரம் முதல் ராமநாதபுரம் வரையிலான 290 கிலோ மீட்டர் தூரத்தை விரைவாக கடந்து அப்துல்சுக்கூர் என்பவரின் புறா முதல் மற்றும் 3–ம் இடத்தையும், ஆரிபு என்பவரின் புறா 2–வது இடத்தையும் பிடித்தது. தஞ்சை முதல் ராமநாதபுரம் வரையிலான 160 கிலோ மீட்டர் தூரத்தை ராஜேசுவரன் என்பவரின் புறாக்கள் விரைவாக கடந்து வந்து முதல் மற்றும் 2–வது இடத்தையும் பிடித்தன. அப்துல் சுக்கூர் என்பவரின் புறா 3–வது இடம் பிடித்தது.

இந்த ஆண்டில் தொலைதூர போட்டியான 1,250 கிலோ மீட்டர் தூரத்தை கடந்த வீரமணி என்பவரின் புறாவுக்கு தொலைதூர பந்தய சாம்பியன் பட்டமும், அனைத்து போட்டிகளிலும் அதிக புள்ளிகள் பெற்ற அப்துல் சுக்கூர் என்பவரின் புறாவுக்கு இந்த ஆண்டிற்கான சாம்பியன் பட்டமும் வழங்கப்பட்டது.

போட்டிகளில் வெற்றி பெற்ற புறாக்களின் உரிமையாளர்களுக்கு பரிசளிப்பு விழா ராமநாதபுரம் புறா சங்க தலைவர் பாலா தலைமையில் நடைபெற்றது. சிறப்பு விருந்தினர்களாக பழனியப்பன், கராத்தே ஈஸ்வரன், தன்சிங், கமல், ஐவல்பிளிப்ஸ் ஆகியோர் கலந்து கொண்டு சிறப்புரையாற்றினர். பொருளாளர் ராஜேசுவரன் வரவேற்று பேசினார். புறா சங்க நிறுவனர் வில்ப்ரட் சாம்பியன் கோப்பையை வழங்கி பாராட்டினார். முடிவில் செயலாளர் ரூபஸ் நன்றி கூறினார்.


தொடர்புடைய செய்திகள்

1. 17 சிக்சர் அடித்து உலக சாதனை: இதுபோன்று அதிரடியாக ஆடுவேன் என்று நினைத்து பார்க்கவில்லை இயான் மோர்கன் சொல்கிறார்
இங்கிலாந்தில் நடந்து வரும் உலக கோப்பை கிரிக்கெட் போட்டி தொடரில் மான்செஸ்டரில் நேற்று முன்தினம் நடந்த 24–வது லீக் ஆட்டத்தில் இங்கிலாந்து அணி 150 ரன்கள் வித்தியாசத்தில் ஆப்கானிஸ்தானை தோற்கடித்து 4–வது வெற்றியை ருசித்தது.
2. சிவகங்கை அரசு மருத்துவ கல்லூரியில் குறைந்த எடையுடன் பிறந்த குழந்தைக்கு சிகிச்சை அளித்து சாதனை; மருத்துவ கல்லூரி முதல்வர் தகவல்
சிவகங்கை அரசு மருத்துவ கல்லூரியில் மிக குறைந்த எடையுடன் பிறந்த குழந்தைக்கு சிகிச்சை அளித்து சாதனை படைத்தாக மருத்துவ கல்லூரி முதல்வர் தெரிவித்தார்.
3. சாதனை ஆடுகளத்தில் நடக்கிறது: இங்கிலாந்து அணியின் ஆதிக்கம் தொடருமா? பாகிஸ்தானுடன் இன்று மோதல்
உலக கோப்பை கிரிக்கெட்டில் இங்கிலாந்து அணி இன்று பாகிஸ்தானை உலக சாதனை படைத்த ஆடுகளத்தில் சந்திக்கிறது.
4. அதிக சிக்சர்கள் அடித்து கெய்ல் சாதனை
உலக கோப்பை கிரிக்கெட் போட்டியில் வெஸ்ட்இண்டீஸ் அணி வீரர் கிறிஸ் கெய்ல், தென்ஆப்பிரிக்காவின் டிவில்லியர்ஸ் ஆகியோர் தலா 37 சிக்சர்கள் விளாசி அதிக சிக்சர்கள் விளாசிய வீரர்கள் வரிசையில் இணைந்து முதலிடம் வகித்தனர்.
5. வசூலில் சாதனை படைத்து வரும் பி.எம். நரேந்திரமோடி படம்
திரையிடப்பட்டு சில நாட்களே ஆன பி.எம். நரேந்திரமோடி என்ற வாழ்க்கை வரலாற்று இந்தி படம் வசூலில் சாதனை படைத்து வருகிறது.

ஆசிரியரின் தேர்வுகள்...