<
ஸ்ரீவைகுண்டம் அருகே பாம்பு கடித்து மாணவி சாவு
ஸ்ரீவைகுண்டம் அருகே வீட்டில் தூங்கி கொண்டிருந்த பள்ளி மாணவி பாம்பு கடித்து இறந்து போனார்.
ஸ்ரீவைகுண்டம்,
ஸ்ரீவைகுண்டம் அருகே வீட்டில் தூங்கி கொண்டிருந்த பள்ளி மாணவி பாம்பு கடித்து இறந்து போனார்.
பள்ளி மாணவி
ஸ்ரீவைகுண்டம் அருகே பேட்மாநகரம் வடக்கு தெருவைச் சேர்ந்தவர் காஜா முகைதீன். இவர் நெல்லையில் உள்ள ஓட்டலில் தொழிலாளியாக வேலை செய்து வருகிறார். இவருடைய மனைவி பரகத் நிஷா. இவர்களுக்கு ரமலத் ஹமிதா (வயது 13) என்ற மகளும், ஒரு மகனும் உள்ளனர். அங்குள்ள தனியார் பள்ளிக்கூடத்தில் ரமலத் ஹமிதா 8-ம் வகுப்பு படித்து வந்தார்.
இந்த நிலையில் பரகத் நிஷாவுக்கு உடல்நலம் பாதிக்கப்பட்டது. எனவே அவர் கடந்த சில நாட்களாக தன்னுடைய குழந்தைகளுடன் நெல்லை மாவட்டம் திசையன்விளையில் உள்ள தன்னுடைய பெற்றோரின் வீட்டில் தங்கியிருந்து ஆஸ்பத்திரியில் சிகிச்சை பெற்று வந்தார்.
பின்னர் நேற்று முன்தினம் மதியம் அவர் தன்னுடைய குழந்தைகளுடன் பேட்மாநகரத்தில் உள்ள தனது வீட்டுக்கு வந்தார்.
பாம்பு கடித்தது
அங்கு இரவில் அனைவரும் தூங்கினர். அப்போது நள்ளிரவில் ரமலத் ஹமிதாவின் காலில் பாம்பு கடித்தது. இதனால் அவர் அலறியவாறு கண் விழித்தார். உடனே குடும்பத்தினர் அனைவரும் கண் விழித்து மின் விளக்கை எரிய செய்தனர். ஆனால் அதற்குள் பாம்பு வெளியே தப்பி சென்றது. உடனே அவரை ஸ்ரீவைகுண்டம் அரசு ஆஸ்பத்திரிக்கு அழைத்து சென்று சிகிச்சை அளித்தனர்.
சாவு
பின்னர் அவரை மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு சிகிச்சை பலனின்றி நேற்று அதிகாலையில் அவர் பரிதாபமாக உயிரிழந்தார். இதுகுறித்து ஸ்ரீவைகுண்டம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
