மாவட்ட செய்திகள்

தெருவிளக்குகள் எரிவதில்லை: இருளில் மூழ்கிய ஏலமன்னா - பொதுமக்கள் அவதி + "||" + Street lights do not burn: A lot of people are sinking in darkness

தெருவிளக்குகள் எரிவதில்லை: இருளில் மூழ்கிய ஏலமன்னா - பொதுமக்கள் அவதி

தெருவிளக்குகள் எரிவதில்லை: இருளில் மூழ்கிய ஏலமன்னா - பொதுமக்கள் அவதி
தெருவிளக்குகள் எரியாததால், ஏலமன்னா பகுதி இருளில் மூழ்கி கிடக்கிறது. இதனால் பொதுமக்கள் அவதி அடைந்துள்ளனர்.
பந்தலூர்,

பந்தலூர் தாலுகாவிற்கு உட்பட்ட ஏலமன்னாவில் வனத்துறை குடியிருப்புகள் உள்ளன. மேலும் பொதுமக்களின் குடியிருப்புகளும் இருக்கின்றன. இந்த பகுதியில் காட்டுயானைகள் நடமாட்டம் அதிகம் உள்ளது. இதனால் அடிக்கடி குடியிருப்புகளை காட்டுயானைகள் முற்றுகையிட்டு வருகின்றன. இதன் காரணமாக பொதுமக்கள் அச்சத்துடன் வாழ்ந்து வருகின்றனர்.

இந்த நிலையில் அந்த பகுதியில் உள்ள பெரும்பாலான தெருவிளக்குகள் இரவில் எரிவது இல்லை. இதனால் ஏலமன்னா பகுதி இரவு நேரத்தில் இருளில் மூழ்கி கிடக்கிறது. காட்டுயானைகள் வந்து அருகில் நின்றால்கூட, தெரியாத அளவுக்கு இருளில் மக்கள் அவதி அடைந்து வருகின்றனர்.

இதுகுறித்து பொதுமக்கள் கூறியதாவது:-

எங்கள் பகுதியில் பெரும்பாலான தெருவிளக்குகள் பழுதாகி கிடப்பதால், இரவில் எரிவதே இல்லை. அவற்றை சரி செய்ய வேண்டும் என்று நெல்லியாளம் நகராட்சி நிர்வாகத்தை வலியுறுத்தினோம். ஆனால் இதுவரை எந்த நடவடிக்கையும் எடுக்கப்படவில்லை. காட்டுயானைகள் நடமாட்டம் உள்ள பகுதி இருளில் மூழ்கி கிடப்பதால், வனத்துறையினர்கூட பீதியில் நடந்து செல்லும் நிலை உள்ளது. எனவே இனிமேலாவது பழுதான தெருவிளக்குகளை சரி செய்து, ஏலமன்னா பகுதி இரவில் ஒளிரும் வகையில் அதிகாரிகள் நடவடிக்கை எடுக்க வேண்டும்.

இவ்வாறு அவர்கள் கூறினார்கள்.


தொடர்புடைய செய்திகள்

1. புஞ்சைபுளியம்பட்டி அருகே கூட்டுறவு சங்க அலுவலகத்தின் பூட்டை உடைத்து பணம் திருட்டு
புஞ்சைபுளியம்பட்டி அருகே பால் கூட்டுறவு சங்க அலுவலகத்தின் பூட்டை உடைத்து பணம் திருடப்பட்டது. அந்த பகுதியில் நடந்து வரும் தொடர் திருட்டால் பொதுமக்கள் அச்சத்தில் உள்ளனர்.
2. ஈரோட்டில் பொதுமக்கள் –போலீசார் மீது கல்வீசி தாக்கிய வாலிபரால் பரபரப்பு
ஈரோட்டில் பொதுமக்கள் மற்றும் போலீசார் மீது கல் வீசி தாக்கிய வாலிபரால் பரபரப்பு ஏற்பட்டது.
3. இடிக்கப்பட்ட கடைக்கான இழப்பீட்டு தொகையை முழுவதும் வழங்காததால் கோதண்டராம சாமி சிலையை கொண்டு சென்ற லாரியை பொதுமக்கள் முற்றுகை
திண்டிவனம் அருகே இடிக்கப்பட்ட கடைக்கு இழப்பீட்டு தொகையை முழுவதுமாக வழங்காததால், கோதண்டராம சாமி சிலையை கொண்டு சென்ற லாரியை பொதுமக்கள் முற்றுகையிட்டதால் பரபரப்பு ஏற்பட்டது.
4. பொது வேலை நிறுத்தம் எதிரொலி: கோழிக்கோடு மாவட்டத்தில் பஸ், ஆட்டோக்கள் ஓடவில்லை
பொது வேலை நிறுத்தம் எதிரொலியாக கோழிக்கோடு மாவட்டத்தில் பஸ், ஆட்டோக்கள் ஓடாததால் பொதுமக்கள் பாதிக்கப்பட்டனர்.
5. திருப்பூரில் ரசாயன குடோனில் திடீர் தீ விபத்து; பொருட்கள் வெடித்து சிதறியதால் ஓட்டம் பிடித்த பொதுமக்கள்
திருப்பூரில் ரசாயன குடோனில் தீவிபத்து ஏற்பட்டது. இதில் ரசாயன பொருட்கள் வெடித்து சிதறியதால் பொதுமக்கள் ஓட்டம் பிடித்தனர்.