மாவட்ட செய்திகள்

மகள் காதல் திருமணம் செய்ததால் வி‌ஷம் குடித்து தந்தை தற்கொலை + "||" + Daughter's love marriage Father suicide

மகள் காதல் திருமணம் செய்ததால் வி‌ஷம் குடித்து தந்தை தற்கொலை

மகள் காதல் திருமணம் செய்ததால் வி‌ஷம் குடித்து தந்தை தற்கொலை
மொடக்குறிச்சி அருகே மகள் காதல் திருமணம் செய்ததால் வி‌ஷம் குடித்து தந்தை தற்கொலை செய்து கொண்டார்.

மொடக்குறிச்சி,

மொடக்குறிச்சி கந்தசாமிபாளையம் அருகே உள்ள குமாரயிவலசுவை சேர்ந்தவர் சங்கரன் (வயது 49). தொழிலாளி. இவருக்கு சந்தோஷ் (21) என்ற மகனும், மோகனபிரியா (22) என்ற மகளும் உள்ளனர். இதில் மோகனப்பிரியா ஈரோட்டில் உள்ள ஒரு கடையில் வேலை பார்த்து வருகிறார்.

இந்த நிலையில் கடந்த 4–ந் தேதி மோகனப்பிரியா திடீரென வீட்டை விட்டு வெளியேறினார். அதன்பின்னர் அவர் வீடு திரும்பவில்லை. இதனால் உறவினர்கள் அவரை பல இடங்களில் தேடிப்பார்த்தனர். ஆனால் கிடைக்கவில்லை.

இந்த நிலையில் மோகனப்பிரியா, தனது தந்தையை போனில் தொடர்பு கொண்டு, ‘கடையில் வேலை பார்த்த ஒருவரை காதலித்தேன். அவரையே திருமணம் செய்து கொண்டேன்.’ என்று கூறி இணைப்பை துண்டித்துவிட்டார். இதை கேட்டு சங்கரன் அதிர்ச்சி அடைந்தார். சரியாக வேலைக்கு செல்லாமல் வீட்டிலேயே மனவேதனையுடன் காணப்பட்டு வந்தார்.

சம்பவத்தன்று அவர் தனது மனைவியிடம், நான் வாவிக்காவலசுவுக்கு வேலைக்கு சென்றுவிட்டு வருகிறேன்’ என்று கூறிவிட்டு புறப்பட்டு சென்றார். சிறிது நேரம் கழித்து மனைவியை போனில் தொடர்பு கொண்டு, ‘நான் வாவிக்காவலசுவில் உள்ள ஒரு கோழிப்பண்ணையில் வி‌ஷம் குடித்த நிலையில் இருக்கிறேன்’ என்று கூறினார்.

இதனால் அவருடைய மனைவி பதறியடித்துக்கொண்டு அங்கு சென்றார். அங்கு, மயங்கி கிடந்த சங்கரனை மீட்டு சிகிச்சைக்காக ஈரோட்டில் உள்ள ஒரு தனியார் மருத்துவமனையில் சேர்த்தார். அதன்பின்னர் மேல் சிகிச்சைக்காக ஈரோடு அரசு ஆஸ்பத்திரிக்கு கொண்டு செல்லப்பட்டார்.

அங்கு அவருக்கு டாக்டர்கள் தீவிர சிகிச்சை அளித்தார்கள். ஆனால் சிகிச்சை பலனின்றி சங்கரன் நேற்று முன்தினம் இறந்தார்.

இதுகுறித்து மொடக்குறிச்சி போலீசார் வழக்குப்பதிவு செய்து விசாரணை நடத்தி வருகிறார்கள்.



தொடர்புடைய செய்திகள்

1. திருமங்கலம் அருகே குடிசை வீட்டை அபகரித்ததாக உயர் அழுத்த மின் கோபுரத்தில் ஏறி பெண் தற்கொலை மிரட்டல்
திருமங்கலம் அருகே குடிசை வீட்டை அபகரித்ததாக உயர் அழுத்த மின் கோபுரத்தில் ஏறி தற்கொலை மிரட்டல் விடுத்த பெண்ணால் பரபரப்பு ஏற்பட்டது.
2. திருட்டு வழக்கில் கைது செய்யப்பட்ட குற்றவாளி போலீஸ் நிலையத்தில் தற்கொலை முயற்சி
பெரம்பலூர் போலீஸ் நிலைய கழிவறையில் வைக்கப்பட்டிருந்த பினாயிலை குடித்து பிரவீன் நேற்று தற்கொலை முயற்சியில் ஈடுபட்டார்.
3. கடனை திருப்பி கேட்டவரை கொன்ற வழக்கில் முக்கிய நபர் கைது; அவமானம் தாங்காமல் தந்தை தற்கொலை
கடனை திருப்பி கேட்டவரை கொன்ற வழக்கில் முக்கிய நபர் கைது செய்யப்பட்டார். அவமானம் தாங்காமல் தந்தை தற்கொலை செய்து கொண்டார்.
4. தனியார் காப்பீட்டு நிறுவன அதிகாரி தற்கொலை
தனியார் காப்பீட்டு நிறுவன அதிகாரி தற்கொலை செய்து கொண்டார்.
5. ஈரோடு போலீஸ் சூப்பிரண்டு அலுவலகத்தில் பெட்ரோல் ஊற்றி தீக்குளிக்க முயன்ற போதை ஆசாமி
ஈரோடு போலீஸ் சூப்பிரண்டு அலுவலகத்தில் போதை ஆசாமி பெட்ரோல் ஊற்றி தீக்குளிக்க முயன்றதால் பரபரப்பு ஏற்பட்டது.

அதிகம் வாசிக்கப்பட்டவை