மாவட்ட செய்திகள்

என்ஜினீயர் கொலையை தெரிவிக்காமல் இருக்க ரூ.50 லட்சம் பேரம் பேசிய 3 பேர் கைது + "||" + Do not inform engineer's murder Rs 50 lakh bargain, 3 people arrested

என்ஜினீயர் கொலையை தெரிவிக்காமல் இருக்க ரூ.50 லட்சம் பேரம் பேசிய 3 பேர் கைது

என்ஜினீயர் கொலையை தெரிவிக்காமல் இருக்க
ரூ.50 லட்சம் பேரம் பேசிய 3 பேர் கைது
என்ஜினீயர் கொலை செய்யப்பட்டதை போலீசுக்கு தெரிவிக்காமல் இருக்க ரூ.50 லட்சம் பேரம் பேசிய 3 வாலிபர்கள் கைது செய்யப்பட்டனர்.
சேலம், 

சேலம் அம்மாபேட்டையை சேர்ந்தவர் என்ஜினீயர் வினோத்குமார். இவர் கடந்த சில ஆண்டுகளுக்கு முன்பு கொலை செய்யப்பட்டார். இந்த கொலையில் தொடர்புடைய குற்றவாளிகளை கண்டுபிடிக்க முடியாததால் அன்னதானப்பட்டி போலீசார் இந்த வழக்கை முடித்துவிட்டனர். இந்த நிலையில், கடந்த சில மாதங்களுக்கு முன்பு பொன்னம்மாபேட்டையை சேர்ந்த ஓட்டல் அதிபர் கோபி கொலை செய்யப்பட்டார்.

இந்த கொலை தொடர்பாக அவருடைய நண்பர் திருமணிகண்டன் மற்றும் ஏழுமலை, தங்கராஜ்(வயது 28), கிச்சிப்பாளையத்தை சேர்ந்த மணிகண்டன்(27), பூபாலன்(26) உள்பட சிலரை போலீசார் கைது செய்து விசாரணை நடத்தினர். அப்போது தான், திருமணிகண்டன் கூலிப்படையை ஏவி என்ஜினீயர் வினோத்குமாரை கொலை செய்தது தெரியவந்தது.

இதையடுத்து என்ஜினீயர் கொலை வழக்கில் திருமணிகண்டன், கூலிப்படை தலைவன் சதீஷ்குமார் ஆகியோரை அன்னதானப்பட்டி போலீசார் கைது செய்தனர். இந்த கொலை தொடர்பாக காமேஷ் என்பவரை போலீசார் தேடி வருகின்றனர். சமீபத்தில் திருமணிகண்டனை போலீசார் காவலில் எடுத்து விசாரித்தனர். அப்போது அவரிடம், என்ஜினீயர் வினோத்குமார் கொலை செய்தது தொடர்பாக போலீசில் தெரிவிக்காமல் இருக்க ரூ.50 லட்சம் தரவேண்டும் என்று தங்கராஜ், மணிகண்டன், பூபாலன் ஆகியோர் பேரம் பேசி மிரட்டியது தெரியவந்தது.

இந்தநிலையில், என்ஜினீயர் கொலை குறித்து போலீசாருக்கு சொல்லாமல் மறைத்ததற்காக பொன்னம்மாபேட்டையை சேர்ந்த தங்கராஜ், மணிகண்டன், பூபாலன் ஆகியோரை போலீஸ் இன்ஸ்பெக்டர் குமார் மற்றும் போலீசார் நேற்று கைது செய்தனர். அவர்களிடம் போலீசார் தொடர்ந்து விசாரணை நடத்தி வருகின்றனர்.


தொடர்புடைய செய்திகள்

1. கட்டிட சுவர் இடிந்து விழுந்து அரசு ஊழியர் சாவு: வீட்டு உரிமையாளரிடம் தகராறு செய்த 3 பேர் கைது
கட்டிட சுவர் இடிந்து விழுந்து அரசு ஊழியர் இறந்தார். இதுகுறித்து வீட்டின் உரிமையாளரிடம் தகராறில் ஈடுபட்ட 3 பேரை போலீசார் கைது செய்தனர்.
2. மண்டபத்தில் 70 கிலோ கடல் அட்டைகளுடன் வாலிபர் கைது
மண்டபத்தில் 70 கிலோ கடல் அட்டைகளுடன் வாலிபர் கைது செய்யப்பட்டார்.
3. மேட்டுப்பாளையத்தில் கஞ்சா விற்ற 2 பேர் கைது
கஞ்சா விற்பனை செய்த 2 பேர் கைது செய்யப்பட்டனர்.
4. வெள்ளலூர் குடிசைமாற்று வாரிய அடுக்குமாடி குடியிருப்பில் இலவச வீடு வாங்கி தருவதாக கூறி லட்சக்கணக்கில் பணம் மோசடி 2 பெண்கள் உள்பட 3 பேர் கைது
கோவை வெள்ளலூரில் உள்ள குடிசைமாற்று வாரிய அடுக்குமாடி குடியிருப்பில் இலவச வீடுகள் வாங்கித்தருவதாக கூறி லட்சக்கணக்கான ரூபாய் மோசடி செய்த 2 பெண்கள் உள்பட 3 பேரை போலீசார் கைது செய்தனர்.
5. விருத்தாசலத்தில் மாட்டு வண்டியில் மணல் கடத்திய 17 பேர் கைது
விருத்தாசலத்தில் மாட்டு வண்டியில் மணல் கடத்தியதாக 17 பேரை போலீசார் கைது செய்தனர்.