மனோன்மணியம் சுந்தரனார் பல்கலைக்கழக தொலைநெறி தொடர்கல்வி இயக்கக தேர்வுகள் 15-ந் தேதி தொடக்கம் பதிவாளர் சந்தோஷ்பாபு தகவல்

நெல்லை, 

நெல்லை மனோன்மணியம் சுந்தரனார் பல்கலைக்கழக தொலைநெறி தொடர்கல்வி இயக்கக தேர்வுகள் வருகிற 15-ந்தேதி தொடங்குகிறது என்று பல்கலைக்கழக பதிவாளர் சந்தோஷ்பாபு தெரிவித்து உள்ளார்.

இதுகுறித்து அவர் வெளியிட்டு உள்ள செய்திக்குறிப்பில் கூறிஇருப்பதாவது:-

தேர்வு மையங்கள்

நெல்லை மனோன்மணியம் சுந்தரனார் பல்கலைக்கழக தொலைநெறி தொடர் கல்வி இயக்கக தேர்வுகள் மற்றும் துணை தேர்வுகள் வருகிற 15-ந்தேதி (சனிக்கிழமை) தொடங்கி அடுத்த மாதம் (ஜனவரி) 2-ந் தேதி வரை நடக்கிறது. நெல்லை, தூத்துக்குடி மற்றும் குமரி மாவட்ட மாணவ-மாணவிகளுக்கு கீழ்க்கண்ட தேர்வு மையங்களில் தேர்வுகள் நடைபெறும்.

நெல்லை- மனோன்மணியம் சுந்தரனார் பல்கலைக்கழகம், நெல்லை, தென்காசி- ஸ்ரீராம் நல்லமணி யாதவா கலை மற்றும் அறிவியல் கல்லூரி, கொடிக்குறிச்சி, பாபநாசம்- திருவள்ளுவர் கல்லூரி, புளியங்குடி- மனோன்மணியம் சுந்தரனார் பல்கலைக்கழக கல்லூரி, டி.என்.புதுக்குடி, தெற்கு கள்ளிகுளம்- தட்சணமாற நாடார் சங்க கல்லூரி, தூத்துக்குடி- காமராஜ் கல்லூரி, சாத்தான்குளம்- மனோன்மணியம் சுந்தரனார் பல்கலைக்கழக உறுப்பு கல்லூரி, கோவில்பட்டி- எஸ்.எஸ்.துரைச்சாமி நாடார் மாரியம்மாள் கல்லூரி, நாகர்கோவில்- ஸ்காட் கிறிஸ்தவ கல்லூரி, மார்த்தாண்டம்- நேசமணி நினைவு கிறிஸ்தவ கல்லூரி ஆகிய மையங்களில் தேர்வு நடைபெறும்.

அனுமதிச்சீட்டு

தேர்வு அட்டவணை, தேர்வு மையம் மற்றும் தேர்வு அனுமதிச்சீட்டு பல்கலைக்கழக இணையதளத்தில் வெளியிடப்பட்டுள்ளது. எனவே தேர்வு அனுமதிச்சீட்டை www.msun-iv.ac.in என்ற பல்கலைக்கழக இணையதளத்தில் DD&CE¸ December 2018 Exam Hall Ticet என்பதில் இருந்து பதிவிறக்கம் செய்து கொள்ளலாம். தேர்வு அனுமதிச்சீட்டு மற்றும் தொலைநெறி தொடர்கல்வி இயக்குனர் அலுவலகத்தில் வழங்கப்பட்ட மாணவர் சேர்க்கை அனுமதி அட்டை உள்ளவர்கள் மட்டுமே தேர்வு எழுத அனுமதிக்கப்படுவர்.

இவ்வாறு அவர் தெரிவித்துள்ளார்.