மாவட்ட செய்திகள்

ஒப்பந்தப்புள்ளி, செலவினப்பட்டியல் தயாரிப்பை நிறுத்தி வைக்கும் போராட்டம் + "||" + The strike to stop the tender and payroll production

ஒப்பந்தப்புள்ளி, செலவினப்பட்டியல் தயாரிப்பை நிறுத்தி வைக்கும் போராட்டம்

ஒப்பந்தப்புள்ளி, செலவினப்பட்டியல் தயாரிப்பை நிறுத்தி வைக்கும் போராட்டம்
ஒப்பந்தப்புள்ளி, செலவினப்பட்டியல் தயாரிப்பை நிறுத்தி வைக்கும் போராட்டம் நடத்துவது என்று பொதுப்பணித்துறை பொறியாளர் சங்க பொதுக்குழு கூட்டத்தில் தீர்மானம் நிறைவேற்றப்பட்டது.
திருச்சி,

தமிழ்நாடு பொதுப்பணித்துறை பொறியாளர் சங்கம் மற்றும் உதவி பொறியாளர் சங்கங்களின் மாநில பொதுக்குழு கூட்டம் நேற்று திருச்சியில் நடந்தது. பொறியாளர் சங்கத்தின் மாநில தலைவர் கிருஷ்ணமூர்த்தி தலைமை தாங்கினார். இணை செயலாளர் தனசேகரன் வரவேற்று பேசினார்.


கூட்டத்தில் நிறைவேற்றப்பட்ட தீர்மானங்கள் வருமாறு:-

ஏழாவது ஊதியக்குழுவில் பொறியாளர்களுக்கென வெளியிடப்பட்ட அரசாணையை ஐகோர்ட்டு தள்ளுபடி செய்த பின்னரும் ஏழாவது ஊதியக்குழு விகிதங்களை இன்று வரை நடைமுறைப்படுத்தாமல் காலம் தாழ்த்தி வரும் தமிழக அரசின் நிதித்துறையை கண்டிப்பது. அநீதி இழைக்கப்பட்ட பொறியாளர்களின் ஊதியம் தொடர்பான பிரச்சினையில் மீண்டும் பாராமுகமாய் இருக்கும் நிதித்துறை மற்றும் தமிழக அரசின் கவனத்தை ஈர்க்க வரும் முதல் காலாண்டில் எந்த ஒரு பணிக்கான ஒப்பந்தப்புள்ளி மற்றும் செலவினப்பட்டியல் தயாரிக்காமல் நிறுத்தி வைக்கும் போராட்டம் நடத்துவது.

பொதுப்பணித்துறையில் திட்டப்பணிகளை விரைந்து செய்திட தமிழ்நாடு அரசுப்பணியாளர் தேர்வாணையம் மூலம் ஆண்டுதோறும் உதவி பொறியாளர் காலிப்பணியிடங்களை நிரப்ப ஆவன செய்யுமாறு கேட்டுக்கொள்வது. உதவி பொறியாளர் நிலையிலிருந்து உதவி செயற்பொறியாளர் பதவி உயர்வுக்கு ஒப்புதல் வழங்கிட கோருவது. கஜா புயலால் பாதிக்கப்பட்டவர்களுக்கு ஒரு நாள் சம்பளத்தை நிவாரணமாக தமிழக முதல்- அமைச்சரின் நிவாரண நிதிக்கு அனுப்பி வைப்பது.

மேற்கண்டவை உள்பட பல்வேறு தீர்மானங்கள் நிறைவேற்றப்பட்டன.

மாநில பொதுச்செயலாளர் அன்பு தீர்மானங்களை விளக்கி பேசினார். திருச்சி கிளை தலைவர் செந்தில்நாதன், நிர்வாகிகள் ரவிச்சந்திரன், அன்பரசன் உள்பட பலர் கலந்து கொண்டனர்.


தொடர்புடைய செய்திகள்

1. கஜா புயலால் வீடுகள் பாதிப்புக்கு நிவாரணமாக 64 ஆயிரத்து 58 பேரின் வங்கி கணக்கில் ரூ.32 கோடி செலுத்தப்பட்டுள்ளது
புதுக்கோட்டை மாவட்டத்தில் வீடுகள் பாதிக்கப்பட்ட 64 ஆயிரத்து 58 பேரின் வங்கி கணக்கில் ரூ.32 கோடி நிவாரணம் செலுத்தப்பட்டு உள்ளது என்று அமைச்சர் விஜயபாஸ்கர் கூறினார்.
2. புயலால் சேதமடைந்த படகுகளுக்கு கூடுதல் நிவாரணம் வழங்க வேண்டும்
புயலால் சேதமடைந்த படகுகளுக்கு கூடுதல் நிவாரணம் வழங்க வேண்டும் என ஏ.ஐ.டி.யூ.சி. மீனவ தொழிலாளர் சங்க கூட்டத்தில் வலியுறுத்தப்பட்டது.
3. கோரிக்கைகளை வலியுறுத்தி அடுத்த மாதம் ரெயில்வே தொழிற்சங்கத்தினர் பாராளுமன்றம் முன்பு ஆர்ப்பாட்டம்
கோரிக்கைகளை வலியுறுத்தி அடுத்த மாதம் பாராளுமன்றம் முன்பு ரெயில்வே தொழிற்சங்கத்தினர் ஆர்ப்பாட்டத்தில் ஈடுபட உள்ளதாக எஸ்.ஆர்.இ.எஸ். பொதுச்செயலாளர் சூர்யபிரகாசம் தெரிவித்தார்.
4. தடைசெய்யப்பட்ட புகையிலை பொருட்கள் விற்றால் புகார் தெரிவிக்கலாம் கலெக்டர் சாந்தா தகவல்
தடைசெய்யப்பட்ட புகையிலை பொருட்கள் விற்பனை செய்யப்பட்டால் புகார் தெரிவிக்கலாம் என்று மாவட்ட கலெக்டர் சாந்தா கூறினார்.
5. கன்னியாகுமரியில் ஜெயலலிதாவுக்கு மணிமண்டபம் அகஸ்தீஸ்வரம் ஒன்றிய அ.தி.மு.க. கூட்டத்தில் தீர்மானம்
கன்னியாகுமரியில் ஜெயலலிதாவுக்கு மணிமண்டபம் அமைக்க வேண்டும் என்று அகஸ்தீஸ்வரம் ஒன்றிய அ.தி.மு.க. செயல்வீரர்கள் கூட்டத்தில் தீர்மானம் நிறைவேற்றப்பட்டது.