மாவட்ட செய்திகள்

தென்பெண்ணை ஆற்றில் இருந்து கம்மநாயக்கன் ஏரிக்கு தண்ணீர் விடக்கோரி விவசாயிகள் போராட்டம் + "||" + From the riverbank river to the Kammanayak Lake Water ballooning farmers fight

தென்பெண்ணை ஆற்றில் இருந்து கம்மநாயக்கன் ஏரிக்கு தண்ணீர் விடக்கோரி விவசாயிகள் போராட்டம்

தென்பெண்ணை ஆற்றில் இருந்து கம்மநாயக்கன் ஏரிக்கு
தண்ணீர் விடக்கோரி விவசாயிகள் போராட்டம்
தென்பெண்ணை ஆற்றில் இருந்து கம்ம நாயக்கன் ஏரிக்கு தண்ணீர் விட வலியுறுத்தி ஏரியில் நின்று விவசாயிகள் போராட்டத்தில் ஈடுபட்டனர்.
ராயக்கோட்டை,

கிருஷ்ணகிரி மாவட்டம் ராயக்கோட்டை அருகே உள்ளது வஜ்ஜிரபள்ளம் கிராமத்தில் உள்ள கம்மநாயக்கன் ஏரியின் மூலம் வஜ்ஜிரபள்ளம் போடம்பட்டி, எல்லப்பன் கொட்டாய், பாலிகானூர், காளான்கொட்டாய் உள்ளிட்ட 10-க்கும் மேற்பட்ட கிராம மக்களின் குடிநீருக்கும், விவசாயத்திற்கு பயன்படுத்தி வருகின்றனர். இதன் மூலம் 2 ஆயிரத்திற்கும் மேற்பட்ட குடும்பத்தினரும், சுமார் 10 ஆயிரம் ஏக்கர் விளை நிலங்கள் பாசன வசதி பெற்று வருகிறது.

இந்த நிலையில், கடந்த சில ஆண்டுகளாக போதிய மழையில்லாத காரணத்தால் ஏரிக்கு நீர் வரத்து இல்லாமல் வறண்டு போனதால், குடிநீருக்கே கடும் சிரமம் அடைந்து வருவதாக வேதனையுடன் அந்த பகுதி மக்கள் தெரிவித்தனர். இதற்கிடையே தென்பெண்ணை ஆற்றில் இருந்து கால்வாய் மூலம் ஏரிக்கு தண்ணீர் கொண்டு வர வேண்டும் என கோரிக்கை விடுத்து வருகின்றனர்.

இந்தநிலையில் நேற்று வஜ்ஜிரபள்ளம் மற்றும் சுற்றுவட்டார கிராமங்களை சேர்ந்த விவசாயிகள், பொதுமக்கள் வறண்ட ஏரியில் நின்று போராட்டத்தில் ஈடுபட்டனர். அப்போது, தென்பெண்ணை ஆற்றின் குறுக்கே உள்ள அழியாளம் அணைக்கட்டில் இருந்து தூள்செட்டிக்கு தண்ணீர் கொண்டு செல்ல கால்வாய் அமைக்கப்படும் என அரசு அறிவித்துள்ளது. இதற்கான ஆய்வு பணிகள் முடிந்து, திட்ட மதிப்பீடு தொகையும் நிர்ணயம் செய்யப்பட்டுள்ளது.

இத்திட்டத்தின் கம்மநாயக்கன் ஏரியை இணைக்க வேண்டும் என கோரிக்கை விடுத்தும், இணைக்கப்படவில்லை. எங்களது வாழ்வாதாரத்தை காக்க ஏரிக்கு கால்வாய் அமைத்து தண்ணீர் விட மாவட்ட நிர்வாகம் நடவடிக்கை எடுக்க வேண்டும் என்று வலியுறுத்தி கோஷங்கள் எழுப்பினர். இதில் விவசாய சங்க பிரதிநிதிகள் கலந்து கொண்டனர்.


தொடர்புடைய செய்திகள்

1. டெல்லியில் குவியும் விவசாயிகள்: ‘நாடாளுமன்றத்தை நோக்கி செல்வதை தடுத்தால் நிர்வாணப் போராட்டம்’ தமிழக விவசாயிகள் எச்சரிக்கை
விவசாய கடன் தள்ளுபடி, விளைப்பொருட்கள் குறைந்தப்பட்ச நியாயவிலை போன்ற கோரிக்கைகளை வலியுறுத்தி நாடு முழுவதும் உள்ள விவசாயிகள் டெல்லியில் நாளை பேரணி நடத்துகிறார்கள்.
2. ரெயில்வே கேட் திறக்கப்படாததை கண்டித்து டிராக்டர்களை தண்டவாளத்தில் நிறுத்தி விவசாயிகள் போராட்டம்
ரெயில்வே கேட் திறக்கப்படாததை கண்டித்து விவசாயிகள் போராட்டம் நடத்தினர். இது தொடர்பாக சவுந்தரபாண்டியன் எம்.எல்.ஏ., அய்யாகண்ணு உள்பட 120 பேர் கைது செய்யப்பட்டனர்.
3. மத்திய அரசின் உத்தரவாதத்தை ஏற்க முடியாது, போராட்டம் தொடரும் - விவசாய அமைப்பு
மத்திய அரசின் உத்தரவாதத்தை ஏற்க முடியாது என்றும் போராட்டம் தொடரும் எனவும் விவசாய அமைப்பு தெரிவித்துள்ளது.
4. குறைகளை தெரிவிக்க விவசாயிகள்கூட டெல்லிக்குள் வரமுடியாது - மத்திய அரசு மீது ராகுல் காந்தி விமர்சனம்
தங்களுடைய குறைகளை தெரிவிக்க விவசாயிகள்கூட டெல்லிக்குள் வரமுடியாது என மத்திய அரசை ராகுல் காந்தி விமர்சனம் செய்தார்.
5. டெல்லிக்குள் அனுமதி மறுப்பால் கலவர பூமியானது எல்லை; நாங்கள் என்ன ஆபத்தானவர்களா? விவசாயிகள் கேள்வி
டெல்லிக்குள் விவசாயிகளை அனுமதிக்க மறுத்து போலீஸ் தடியடி நடத்தியும், கண்ணீர் புகைக்குண்டை வீசியதாலும் டெல்லி-உ.பி.எல்லை போர்க்களமானது. #KisanKrantiYatra