மாவட்ட செய்திகள்

வாகன சோதனையின்போது போலீஸ் சப்–இன்ஸ்பெக்டருக்கு கொலை மிரட்டல் விடுத்த ரவுடி கைது + "||" + Murder threat to police sub-inspector Rowdy arrested

வாகன சோதனையின்போது போலீஸ் சப்–இன்ஸ்பெக்டருக்கு கொலை மிரட்டல் விடுத்த ரவுடி கைது

வாகன சோதனையின்போது போலீஸ் சப்–இன்ஸ்பெக்டருக்கு கொலை மிரட்டல் விடுத்த ரவுடி கைது
வாகன சோதனையின்போது போலீஸ் சப்–இன்ஸ்பெக்டரை கத்தியால் குத்தி கொலை செய்து விடுவதாக மிரட்டல் விடுத்த ரவுடியை போலீசார் கைது செய்தனர்.

வானூர்,

விழுப்புரம் மாவட்டம் வானூர் போலீஸ் சப்–இன்ஸ்பெக்டர் ரவீந்திரன் மற்றும் போலீசார் நேற்று மாலை விழுப்புரம்–திண்டிவனம் மெயின்ரோட்டில் ரங்கநாதபுரத்தின் அருகே வாகன சோதனையில் ஈடுபட்டனர். அப்போது ஒரு மோட்டார் சைக்கிளில் வேகமாக வந்த நபரை போலீசார் தடுத்து நிறுத்தினர். அவரிடம் ஆவணங்கள், லைசென்ஸ் உள்ளிட்டவற்றை பரிசோதிப்பதற்காக கேட்டனர்.

அப்போது அவர் போலீசாரின் கேள்விகளுக்கு முன்னுக்குப் பின் முரணாக பதில் அளித்தார். அதனால் அவர் மீது போலீசாருக்கு சந்தேகம் எழுந்தது.

இந்த நிலையில் மோட்டார் சைக்கிளில் வந்த நபர் திடீரென தான் மறைத்து வைத்திருந்த நீண்ட கத்தியை எடுத்து போலீஸ் சப்–இன்ஸ்பெக்டர் ரவீந்திரனிடம் அந்த கத்தியைக் காட்டி குத்திக் கொலை செய்துவிடுவதாக மிரட்டல் விடுத்தார். அதனால் அவருடன் இருந்த மற்ற போலீசார் அதிர்ச்சி அடைந்தனர்.

உடனே போலீசார் அவரை மடக்கிப்பிடித்து, வானூர் போலீஸ் நிலையத்துக்கு கொண்டு சென்று விசாரணை நடத்தினார்கள்.

விசாரணையில் அவர் பெரம்பை ஊராட்சிக்குட்பட்ட வாழப்பட்டான்பாளையம் கிராமத்தைச் சேர்ந்த மீன் சேகர் (வயது 36) என்பது தெரிய வந்தது. மேலும் மீன் சேகர் ரவுடியாக செயல்பட்டு வந்ததும் அவர் மீது அருகில் உள்ள புதுச்சேரி மாநிலத்தின் பல்வேறு போலீஸ் நிலையங்களில் மீன்சேகர் மீது கொலை வழக்கு, கொலை மிரட்டல், கத்தியைக்காட்டி பணம் பறித்தல் உள்ளிட்ட வழக்குகள் உள்ளதும் விசாரணையில் தெரிய வந்தது.

விசாரணையைத் தொடர்ந்து போலீசார் மீன் சேகரை கைது செய்தனர். மேல் விசாரணை நடந்து வருகிறது.


தொடர்புடைய செய்திகள்

1. தண்ணீர் தொட்டியில் மூழ்கடித்து 4½ வயது சிறுமியை கொலை செய்த தாய் கைது பரபரப்பு வாக்குமூலம்
கோத்தகிரி அருகே தண்ணீர் தொட்டியில் மூழ்கடித்து 4½ வயது சிறுமியை கொலை செய்த தாயை போலீசார் கைது செய்தனர்.
2. புதுவையில் மீண்டும் பயங்கரம்: ஓட, ஓட விரட்டி பெயிண்டர் வெட்டிக் கொலை
புதுவையில் ஓட, ஓட விரட்டி பெயிண்டர் வெட்டி கொலை செய்யப்பட்டார். இதுதொடர்பாக 3 பேரை போலீசார் வலைவீசி தேடி வருகிறார்கள்.
3. கடனாக கொடுத்த ரூ.5 லட்சத்தை திரும்ப கேட்டதால் பைனான்சியரை அடித்துக் கொலை செய்தோம் கைதானவர்கள் பரபரப்பு வாக்குமூலம்
கடனாக கொடுத்த பணம் ரூ.5 லட்சத்தை வட்டியுடன் திரும்ப கேட்டதால் ஏற்பட்ட தகராறில் பைனான்சியரை கொலை செய்ததாக கைதானவர்கள் பரபரப்பு வாக்குமூலம் அளித்துள்ளனர்.
4. சேத்தியாத்தோப்பு அரசு ஊழியரின் வங்கி கணக்கில் இருந்த பணம் அபேஸ்
சேத்தியாத்தோப்பில் உள்ள அரசு ஊழியரின் வங்கி கணக்கில் இருந்து நூதன முறையில் பணத்தை மர்ம மனிதர் அபேஸ் செய்து சென்றார். இதையடுத்து ஏ.டி.எம். மைய கண்காணிப்பு கேமராவில் காட்சி மூலம் போலீசார் விசாரித்து வருகின்றனர்.
5. அந்தியூர் அருகே பயங்கரம் வெல்டிங் பட்டறை உரிமையாளர் கழுத்தை அறுத்து படுகொலை
அந்தியூர் அருகே வெல்டிங் பட்டறை உரிமையாளர் கழுத்தை அறுத்து படுகொலை செய்யப்பட்டார். இதுதொடர்பாக கர்ப்பிணி மனைவியிடம் போலீசார் தீவிர விசாரணை நடத்தி வருகிறார்கள்.