மாவட்ட செய்திகள்

சாப்பிட குழம்பு கொடுக்காததால் ஆத்திரம் - மனைவியை அடித்து கொன்ற முதியவர் + "||" + The rage because of not giving the broth to eat - the old man who kills his wife

சாப்பிட குழம்பு கொடுக்காததால் ஆத்திரம் - மனைவியை அடித்து கொன்ற முதியவர்

சாப்பிட குழம்பு கொடுக்காததால் ஆத்திரம் - மனைவியை அடித்து கொன்ற முதியவர்
திண்டுக்கல் அருகே சாப்பிட குழம்பு கொடுக்காத ஆத்திரத்தில் மனைவியை அடித்து கொன்ற முதியவர் கைது செய்யப்பட்டார். இது குறித்து போலீஸ் தரப்பில் கூறப்படுவதாவது:-
திண்டுக்கல்,

திண்டுக்கல்லை அடுத்த பொன்மாந்துறையை சேர்ந்தவர் இன்னாசி (வயது 65). அவருடைய மனைவி எலிசி (62). இவர்களுக்கு 3 மகள்களும், ஒரு மகனும் உள்ளனர். இவர்கள் அனைவரும் திருமணமாகி தனியாக வசித்து வருகின்றனர். இன்னாசி தனது மனைவி எலிசியுடன் தனியாக வசித்தார்.

இதற்கிடையே வயது முதிர்வு, உடல்நலம் பாதிப்பு ஆகியவற்றால் இன்னாசி வேலைக்கு செல்வதில்லை. மேலும் கணவன், மனைவி இடையே அடிக்கடி தகராறு ஏற்பட்டு வந்ததாக தெரிகிறது. இந்த நிலையில் நேற்று முன்தினம் இரவு இன்னாசி, தனது மனைவி எலிசியிடம் தனக்கு சாப்பாடு பரிமாறும்படி கேட்டுள்ளார்.

அப்போது எலிசி சாதம் மற்றும் தண்ணீர் மட்டுமே கொடுத்துள்ளார். குழம்பு, பொரியல் எதுவும் வழங்கவில்லை என்று கூறப்படுகிறது. இது, இன்னாசிக்கு ஏமாற்றத்தை அளித்தது. உடனே அதுபற்றி மனைவியிடம், அவர் கேட்டுள்ளார். அப்போது 2 பேருக்கும் இடையே வாக்குவாதம் ஏற்பட்டு உள்ளது.

இதில் ஆத்திரம் அடைந்த இன்னாசி, பருப்பு கடையும் மத்தை எடுத்து எலிசியின் தலையில் சரமாரியாக தாக்கினார். இதில் படுகாயம் அடைந்த எலிசி, மயங்கி விழுந்தார். சிறிதுநேரத்தில் அவர் பரிதாபமாக இறந்தார்.

இதுகுறித்து தகவல் அறிந்ததும் திண்டுக்கல் தாலுகா போலீஸ் இன்ஸ்பெக்டர் ஜெயச்சந்திரன், சப்-இன்ஸ்பெக்டர் வேலுமணி மற்றும் போலீசார் சம்பவ இடத்துக்கு விரைந்து சென்றனர். பின்னர் எலிசியின் உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்கு போலீசார் அனுப்பி வைத்தனர். மேலும் அந்த சம்பவம் குறித்து போலீசார் வழக்குப்பதிவு செய்து இன்னாசியை கைது செய்தனர். சாப்பாடு தகராறில் மனைவியை, முதியவர் அடித்து கொலை செய்த சம்பவம் பரபரப்பை ஏற்படுத்தியது. 

தொடர்புடைய செய்திகள்

1. விவாகரத்து கோரிய மனைவியை வெட்டிக்கொன்ற அரசு பஸ் டிரைவர்
திண்டுக்கல் அருகே விவாகரத்து கோரிய மனைவியை அரசு போக்குவரத்து கழக பஸ் டிரைவர் வெட்டி கொன்றார். அவரது மகள் படுகாயம் அடைந்தார்.
2. நடத்தையில் சந்தேகம் , மனைவியை கொன்ற தொழிலாளி கைது
குண்டடம் அருகே நடத்தையில் ஏற்பட்ட சந்தேகத்தால் மனைவியை கொன்ற தொழிலாளியை போலீசார் கைது செய்தனர். இது குறித்து போலீஸ் தரப்பில் கூறப்படுவதாவது:-
3. வாடிப்பட்டி அருகே மனைவியை கொன்று இளநீர் வியாபாரி தற்கொலை
வாடிப்பட்டி அருகே அம்மிக்கல்லை தலையில் போட்டு மனைவியை கொன்றுவிட்டு வியாபாரி தற்கொலை செய்துகொண்டார்.
4. எடப்பாடி அருகே, குடும்ப தகராறில்: கடப்பாரையால் அடித்து மனைவி கொலை - முதியவர் கைது
எடப்பாடி அருகே குடும்ப தகராறில் கடப்பாரையால் மனைவியை அடித்து கொலை செய்த முதியவரை போலீசார் கைது செய்தனர். இதுபற்றி போலீஸ் தரப்பில் கூறப்பட்டதாவது:-
5. உல்லாசத்திற்கு வரமறுத்த மனைவியை கத்தியால் குத்திக்கொன்ற தொழிலாளி கைது - தடுக்க சென்ற மாமியார் மீதும் தாக்குதல்
திருப்பூரில் உல்லாசத்திற்கு வரமறுத்த மனைவியை கத்தியால் குத்திக்கொன்ற தொழிலாளியை போலீசார் கைது செய்தனர். கொலையை தடுக்க வந்த மாமியாருக்கும் கத்திக்குத்து விழுந்தது. இந்த சம்பவம் குறித்து போலீஸ் தரப்பில் கூறப்படுவதாவது:-

ஆசிரியரின் தேர்வுகள்...