மாவட்ட செய்திகள்

‘விழுப்புரத்தை பிளாஸ்டிக் இல்லா மாவட்டமாக்குவோம்’ கலெக்டர் சுப்பிரமணியன் பேச்சு + "||" + 'Make the Villopinte Plateless District' Collector Subramanian speaking

‘விழுப்புரத்தை பிளாஸ்டிக் இல்லா மாவட்டமாக்குவோம்’ கலெக்டர் சுப்பிரமணியன் பேச்சு

‘விழுப்புரத்தை பிளாஸ்டிக் இல்லா மாவட்டமாக்குவோம்’ கலெக்டர் சுப்பிரமணியன் பேச்சு
விழுப்புரத்தை பிளாஸ்டிக் இல்லா மாவட்டமாக்குவோம் என்று கலெக்டர் சுப்பிரமணியன் தெரிவித்தார்.
கள்ளக்குறிச்சி, 

தமிழகத்தில் வருகிற 1-ந்தேதி முதல் பிளாஸ்டிக் பைகள் பயன்படுத்தக்கூடாது என அரசு அறிவித்திருக்கிறது. இது தொடர்பாக பொதுமக்களுக்கு பல்வேறு வகையில் விழிப்புணர்வு ஏற்படுத்தப்பட்டு வருகிறது. அந்த வகையில் பிளாஸ்டிக் ஒழிப்பு குறித்த விழிப்புணர்வு கூட்டம் கள்ளக்குறிச்சியில் நடைபெற்றது. கூட்டத்திற்கு கலெக்டர் சுப்பிரமணியன் தலைமை தாங்கினார். மாவட்ட வருவாய் அலுவலர் பிரியா முன்னிலை வகித்தார். நகராட்சி ஆணையாளர் அருண் வரவேற்றார்.

கூட்டத்தில் கலெக்டர் சுப்பிரமணியன் பேசுகையில், பிளாஸ்டிக் பைகளால் நிலத்தடி நீர் பாதிக்கப்படுகிறது. பல்வேறு விதமான நோய்கள் பரவுகிறது. அதனால் வருகிற 1-ந்தேதி முதல் பிளாஸ்டிக் பைகள், கப் ஆகியவற்றை பயன்படுத்தக்கூடாது என அரசு தடை விதித்துள்ளது.

ஒரே நாளில் ஒரு குடும்பத்தினர் சராசரியாக 8 முதல் 10 பிளாஸ்டிக் பைகள் பயன்படுத்துகிறார்கள். எனவே வியாபாரிகளாகிய நீங்கள் கடைக்கு பொருட்கள் வாங்க வரும் பொதுமக்களிடம் துணி பைகளை கொடுத்து விட்டு, அடுத்த முறை வருகிற போது துணி பையுடன் வந்தால்தான் பொருட்கள் தருவேன் என்று கூறுங்கள். ஓட்டலிலும் கடைகளிலும் பிளாஸ்டிக் பைகள் பயன்படுத்தக்கூடாது.

பிளாஸ்டிக் பைகள் விற்பனை செய்யும் வியாபாரிகளுக்கு அபராதம் விதிக்கப்படும். விழுப்புரம் மாவட்டத்தை முன்மாதிரி மாவட்டமாக மாற்ற பொதுமக்கள், வியாபாரிகள் பிளாஸ்டிக் பைகள், பிளாஸ்டிக் கப் ஆகியவற்றை இனி பயன்படுத்த மாட்டோம் என உறுதி ஏற்றுக்கொண்டு அதன்படி செயல்பட வேண்டும் என்றார்.

கூட்டத்தில் கள்ளக்குறிச்சி சப்-கலெக்டர் ஸ்ரீகாந்த், மாவட்ட உணவு பாதுகாப்பு நியமன அலுவலர் வரலட்சுமி, துணை போலீஸ் சூப்பிரண்டு ராமநாதன், அனைத்து வியாபாரிகள் சங்க தலைவர்கள் செல்வக்குமார், முத்துக்கருப்பன், தங்கராசு, அசோகன், அபரஞ்சி, அனைத்து வியாபாரிகள் சங்க செயலாளர் ஜெயக்குமார், நுகர்வோர் சங்க செயலாளர் அருண்கென்னடி மற்றும் கள்ளக்குறிச்சி, தியாகதுருகம், சங்கராபுரம், சின்னசேலம், கச்சிராயப்பாளையம் ஆகிய பகுதிகளை சேர்ந்த வியாபாரிகள், அரசு அலுவலர்கள் கலந்து கொண்டனர். முடிவில் மருத்துவம் மற்றும் சுகாதாரத்துறை துணை இயக்குனர் ஜெமினி நன்றி கூறினார்.

தொடர்புடைய செய்திகள்

1. நாளை மறுநாள் முதல் மீன்பிடி தடைகாலம் தொடங்குகிறது - கலெக்டர் சுப்பிரமணியன் தகவல்
நாளை மறுநாள் முதல் மீன்பிடி தடை காலம் தொடங்குகிறது என்று மாவட்ட கலெக்டர் சுப்பிரமணியன் தெரிவித்துள்ளார். இதுகுறித்து அவர் வெளியிட்டுள்ள ஒரு செய்திக்குப்பில் கூறியிருப்பதாவது:-
2. மேல்மலையனூரில் 100 சதவீத வாக்குப்பதிவை வலியுறுத்தி கலை நிகழ்ச்சி கலெக்டர் சுப்பிரமணியன் தொடங்கி வைத்தார்
மேல்மலையனூரில் 100 சதவீத வாக்குப்பதிவை வலியுறுத்தி நடைபெற்ற விழிப்புணர்வு கலை நிகழ்ச்சியை கலெக்டர் சுப்பிரமணியன் தொடங்கி வைத்தார்.
3. பதற்றமானவை என கண்டறியப்பட்ட வாக்குச்சாவடிகளில் பாதுகாப்பை பலப்படுத்த வேண்டும் - போலீசாருக்கு கலெக்டர் சுப்பிரமணியன் உத்தரவு
பதற்றமானவை என கண்டறியப்பட்ட வாக்குச்சாவடிகளில் பாதுகாப்பை பலப்படுத்த வேண்டும் என்று போலீசாருக்கு கலெக்டர் சுப்பிரமணியன் உத்தரவிட்டுள்ளார்.
4. பதிவு செய்யாமல் இயங்கும் மகளிர் விடுதிகள் மூடப்படும் - கலெக்டர் தகவல்
விழுப்புரம் மாவட்டத்தில் பதிவு செய்யாமல் இயங்கும் மகளிர் விடுதிகள் மூடப்படும் என்று கலெக்டர் சுப்பிரமணியன் தெரிவித்துள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-
5. ‘பதிவு செய்யப்படாத முதியோர் இல்லங்கள் மூடப்படும்’கலெக்டர் எச்சரிக்கை
மூத்த குடிமக்கள் பராமரிப்பு நலச்சட்டத்தின் கீழ் பதிவு செய்யப்படாமல் இயங்கும் முதியோர் இல்லங்கள் மூடப்படும் என்று கலெக்டர் சுப்பிரமணியன் எச்சரிக்கை விடுத்துள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-