<
நிர்வாக அலுவலர் பணி எழுத்து தேர்வுக்கு திருச்செந்தூர் சிவந்தி அகாடமியில் பயிற்சி வகுப்புகள்
நிர்வாக அலுவலர் பணி எழுத்து தேர்வுக்காக திருச்செந்தூர் சிவந்தி அகாடமி பயிற்சி வகுப்புகளை நடத்துகிறது.
திருச்செந்தூர்,
நிர்வாக அலுவலர் பணி எழுத்து தேர்வுக்காக திருச்செந்தூர் சிவந்தி அகாடமி பயிற்சி வகுப்புகளை நடத்துகிறது.
நிர்வாக அலுவலர் பணி
நியூ இந்தியா அஸ்யூரன்ஸ் நிறுவனத்தில் நிர்வாக அலுவலர் பணிக்கான எழுத்து தேர்வு அடுத்த மாதம் (ஜனவரி) 30-ந் தேதி நடைபெற உள்ளது.
இத்தேர்வுக்கு வருகிற 26-ந் தேதிக்குள் விண்ணப்பிக்க வேண்டும். பட்டப்படிப்பில் 60 சதவீத மதிப்பெண்களுடன் தேர்ச்சி பெற்று 21 வயது முதல் 30 வயதுக்கு மிகாதவர்கள் இந்த தேர்வை எழுதலாம்.
தேர்வு பற்றிய கூடுதல் விவரங்களை www.newindia.co.in என்ற இணையத்தின் மூலம் தெரிந்துகொள்ளலாம்.
அதே போல் வங்கி கிளார்க் பணிக்கான எழுத்து தேர்வும் விரைவில் நடக்க இருக்கிறது.
பயிற்சி வகுப்புகள்
இந்த 2 தேர்வுகளையும் சிறப்பாக எழுதும் வகையில் திருச்செந்தூர் சிவந்தி அகாடமி பயிற்சி வகுப்புகளை நடத்துகிறது.
வருகிற 27-ந்தேதி முதல் அடுத்த மாதம் 10-ந்தேதி வரை திருச்செந்தூர், சிவந்தி அகாடமி வளாகத்தில் பயிற்சி வகுப்புகள் நடைபெற உள்ளது.
நியூ இந்தியா அஸ்யூரன்ஸ் நிர்வாக அலுவலர் மற்றும் வங்கி கிளார்க் எழுத்து தேர்வுக்கு விண்ணப்பிக்காதவர்களும் இந்த பயிற்சி வகுப்புகளில் பங்கேற்கலாம்.
சிறப்பான வல்லுநர்கள்
இந்த பயிற்சி வகுப்பில் பிரிலிமினரி மற்றும் மெயின் தேர்வுக்கு கணிதம், காரணமறிதல், பொது அறிவு ஆகிய பிரிவுகளில் பயிற்சி வழங்கப்படும். இதற்கான பயிற்சி கட்டணம் ரூ.3,500 ஆகும்.
பயிற்சி வகுப்பு நடைபெறும் போது எக்காரணம் கொண்டும் வெளியில் செல்ல, விடுப்பு எடுக்க அனுமதியில்லை.
பயிற்சி வகுப்புகளில் சிறப்பான வல்லுநர்களால் பயிற்சி வழங்கப்படுவதும், சிவந்தி அகாடமியில் பயிற்சி பெற்ற பலர் வங்கி மற்றும் அரசு துறைகளில் பணிபுரிகிறார்கள் என்பதும் குறிப்பிடத்தக்கது.
தங்கும் வசதி
பயிற்சி வகுப்பில் கலந்து கொள்ளும் ஆண்கள் டாக்டர் சிவந்தி ஆதித்தனார் பொறியியல் கல்லூரி ஆண்கள் விடுதியிலும், பெண்கள் டாக்டர் சிவந்தி ஆதித்தனார் பொறியியல் கல்லூரி மகளிர் விடுதியிலும் தங்குவதற்கு வசதி செய்யப்பட்டுள்ளது.
விடுதியில் தங்கி படிக்க விரும்புபவர்கள் விடுதிக்கான கட்டணம் ரூ.3,000-ஐ பயிற்சி வகுப்பின் முதல் நாளான 27-12-2018 அன்று நேரில் செலுத்த வேண்டும்.
பயிற்சி வகுப்பில் சேர...
பயிற்சி வகுப்பில் சேர விரும்புபவர்கள், திருச்செந்தூர், தூத்துக்குடி ரோட்டில் உள்ள சிவந்தி அகாடமியில் 27.12.2018 அன்று காலை 9 மணிக்கு ரூ.3,500 நேரில் செலுத்தி பயிற்சியில் கலந்துகொள்ளலாம்.
பயிற்சிக்கான கட்டணம், விடுதிக்கான கட்டணம் ஆகியவை எக்காரணம் கொண்டும் திருப்பி தரப்படமாட்டாது. மேலும் தகவலுக்கு 04639-242998, 9442055243, 8682985148 என்ற தொலைபேசி எண்களை தொடர்பு கொள்ளவும்.
இந்த தகவலை சிவந்தி அகாடமி ஒருங்கிணைப்பாளர் பி.முத்தையாராஜ் தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
