வண்டலூர் பூங்காவில் நீலமான், ஓநாய் குட்டிகள் பொதுமக்களின் பார்வைக்கு விடப்பட்டது

வண்டலூர்,

வண்டலூர் பூங்கா நிர்வாகம் வெளியிட்டுள்ள செய்திக் குறிப்பில் கூறியிருப்பதாவது:-

சென்னையை அடுத்த வண்டலூர் பூங்காவில் உள்ள ஒரு இந்திய ஓநாய் கடந்த 2 மாதங்களுக்கு முன்னர் 7 குட்டிகளை ஈன்றது. அதில் 6 ஆண் மற்றும் 1 பெண் ஆகும். அவை மருத்துவ மேற்பார்வைக்கு உட்படுத்தப்பட்டு தற்போது நல்ல நிலைக்கு வந்துள்ளது. தாயுடன் சேர்த்து குட்டி ஓநாய்கள் அதற்குரிய இருப்பிடத்தில் பொதுமக்களின் பார்வைக்கு விடப்பட்டுள்ளது. பூங்காவில் தற்போது 13 இந்திய ஓநாய்கள் உள்ளது.

மேலும் சமீபத்தில் பூங்காவில் உள்ள 2 பெண் நீலமான் தலா 2 குட்டிகளை ஈன்றுள்ளது. இந்த குட்டிகளும் பொதுமக்களின் பார்வைக்கு விடப்பட்டுள்ளது. தற்போது பள்ளி மற்றும் கல்லூரி விடுமுறையையொட்டி பார்வையாளர்களின் எண்ணிக்கை அதிகரித்து வருகிறது. இதனால் பார்வையாளர்களுக்காக பூங்கா நிர்வாகம் சார்பில் கூடுதல் வசதிகள் செய்யப்பட்டுள்ளது. இவ்வாறு அந்த செய்திக் குறிப்பில் தெரிவிக்கப்பட்டுள்ளது.