மாவட்ட செய்திகள்

தொழில் தொடங்குவதற்காக ரூ.450 கோடி கடன் வழங்க இலக்குகலெக்டர் ஷில்பா பேச்சு + "||" + To start the business, Rs.450 crore The goal of lending Collector Shilpa Talk

தொழில் தொடங்குவதற்காக ரூ.450 கோடி கடன் வழங்க இலக்குகலெக்டர் ஷில்பா பேச்சு

தொழில் தொடங்குவதற்காக ரூ.450 கோடி கடன் வழங்க இலக்குகலெக்டர் ஷில்பா பேச்சு
நெல்லை மாவட்டத்தில் தொழில் தொடங்குவதற்காக ரூ.450 கோடி கடன் வழங்க இலக்கு நிர்ணயம் செய்யப்பட்டு உள்ளது என கலெக்டர் ஷில்பா கூறினார்.
நெல்லை, 

பாளையங்கோட்டையில் உள்ள ஒரு திருமண மண்டபத்தில் ஆதி திராவிடர் மற்றும் பழங்குடியினருக்கு தொழில் தொடங்குவதற்கான ஆலோசனை குறித்த கருத்தரங்கம் நேற்று நடந்தது. விழாவுக்கு நெல்லை மாவட்ட கலெக்டர் ஷில்பா தலைமை தாங்கினார்.

அப்போது அவர் பேசியதாவது:-

படித்த இளைஞர்கள் தொழில் தொடங்கி முன்னேற வேண்டும் என்ற நோக்கத்தில் இந்த கருத்தரங்கம் நடத்தப்பட்டு வருகிறது. தொழில் தொடங்குவதற்கு தேவையான பயிற்சிகள் மாவட்ட தொழில் மையம் மூலம் கொடுக்கப்படுகிறது.

இந்தியாவிலேயே தமிழகத்தில் தான் அதிக தொழிற்சாலைகள் உள்ளன. நெல்லை மாவட்டத்தை பொறுத்த வரையில் தொழில் தொடங்க ஏதுவான சூழ்நிலை உள்ளது.

நெல்லையை அடுத்த கங்கைகொண்டான் சிப்காட்டில் ரூ.200 கோடி திட்ட மதிப்பீட்டில் உணவு பூங்கா அமைக்கப்படுகிறது.

அதற்கான பணிகள் தீவிரமாக நடந்து வருகின்றன. அங்கு புதிய தொழிற்சாலைகள் தொடங்கப்பட உள்ளது. விவசாய பொருட்களான தக்காளி, எலுமிச்சை, வெங்காயம் உள்ளிட்ட பொருட்களில் இருந்து உப பொருட்கள் தயார் செய்யப்படுகின்றன.

இந்த பொருட்களை வெளி நாடுகளுக்கும் ஏற்றுமதி செய்யலாம்.

இதன் மூலம் வேலைவாய்ப்பு அதிகரிக்கும். விவசாய பொருட்களின் உற்பத்தியும் அதிகரிக்கும்.

இந்த ஆண்டு நெல்லை மாவட்டத்தில் தொழில் தொங்குவதற்கு ரூ.450 கோடி கடன் வழங்க இலக்கு நிர்ணயம் செய்யப்பட்டு உள்ளது. இந்த வாய்ப்பை இளைஞர்கள் பயன்படுத்தி கொள்ள வேண்டும்.

இவ்வாறு அவர் கூறினார்.

கருத்தரங்கத்தில் தலித் இந்திய வர்த்தக கூட்டமைப்பு தலைவர் லெனின், தென்னிந்திய தலைவர் ராஜ்நாயக், துணை தலைவர்கள் சங்கர், தமிழழகன், மாவட்ட தொழில்மைய மேலாளர் முருகேஷ், சிப்காட் மேலாளர் லியோ, தாட்கோ மேலாளர் ஜெயா உள்பட பலர் கலந்து கொண்டனர்.

தொடர்புடைய செய்திகள்

1. நெல்லையில், தேர்தல் செலவின பார்வையாளர்கள் ஆலோசனை கூட்டம் - கலெக்டர் ஷில்பா தலைமையில் நடந்தது
நெல்லையில் தேர்தல் செலவின பார்வையாளர்கள் ஆலோசனை கூட்டம் கலெக்டர் ஷில்பா தலைமையில் நடந்தது.
2. பாளையங்கோட்டை அருகே அங்கன்வாடி மையத்தில் மகளிர் தின விழா கலெக்டர் ஷில்பா பங்கேற்பு
பாளையங்கோட்டை அருகே அங்கன்வாடி மையத்தில் நடந்த மகளிர் தின விழாவில் கலெக்டர் ஷில்பா கலந்து கொண்டார்.
3. பாளையங்கோட்டையில் விபத்து: காயம் அடைந்த குழந்தையை காரில் ஏற்றி ஆஸ்பத்திக்கு கொண்டு சென்ற கலெக்டர்
பாளையங்கோட்டையில் தடுப்புச்சுவரில் கார் மோதிக் கொண்டதில் காயம் அடைந்த குழந்தையை தனது காரில் ஏற்றி கலெக்டர் ஷில்பா ஆஸ்பத்திரிக்கு கொண்டு சென்றார்.
4. நெல்லை மாவட்டத்தில், 11 புதிய தாசில்தார்கள் நியமனம் - கலெக்டர் ஷில்பா உத்தரவு
நெல்லை மாவட்டத்தில் 11 புதிய தாசில்தார்களை நியமித்து கலெக்டர் ஷில்பா உத்தரவிட்டு உள்ளார்.
5. நெல்லை அருகே மனுநீதி நாள் முகாமில் ஏழைகளுக்கு நலத்திட்ட உதவிகள் கலெக்டர் ஷில்பா வழங்கினார்
நெல்லை அருகே நடந்த மனுநீதி நாள் முகாமில் ஏழைகளுக்கு நலத்திட்ட உதவிகளை கலெக்டர் ஷில்பா வழங்கினார்.